Fréttir

Laugardaginn næsta, 20.október ætlar RÚV að sýna beint frá úrslitunum á Evrópumótinu í hópfimleikum sem haldið er í Árósum í Danmörku.Ísland sendir að þessu sinni 4 lið til keppni, í kvennaflokki, blandað lið í fullorðinsflokki, stúlknalið og blandað lið í unglingaflokki.

Fyrsta mót vetrarins hjá 6. flokk yngra ári fór fram á Akureyri um helgina í umsjá KA og Þórs. Mótið hófst kl. 8:30 á laugardagsmorgun og var spilað á 4 völlum og lauk því um kl. 14:30 á sunnudaginn. Á laugardagskvöldinu var haldið diskótek fyrir hópinn þar sem þau skemmtu sér greinilega vel og einhver orka var greinilega eftir miðað við dansinn og sönginn hjá þeim.

Á haustmótinu sem haldið verður hér á Akureyri fyrstu helgina í nóvember er stefnan tekin á að taka alla keppnedur upp og birta videoin á samfélagsmiðlinum youtube.Til þess að af verkefninu verði þurfum við að safna styrktaraðilum sem fá að launum auglýsingu á þessum klippum.

Nú um helgina fer fram fyrsta umferð Íslandsmótsins hjá 6. flokki í handknattleik. Hér á síðunni ætlum við að reyna að skrá inn úrslit leikjanna eins og ört og tækifæri gefst. Smelltu á lesa meira til að sjá úrslit og tímasetningar.

Um helgina sjá  unglingaráð KA og Þórs um fyrsta Íslandsmót vetrarins fyrir 6. flokk karla og kvenna.  Leikið er í KA heimilinu og Íþróttahöllinni.  Fyrstu  leikir byrja  kl. 8:30 á laugardagsmorgi og verður spilað til kl. 14:00 á sunnudag.   Niðurröðun leikja má sjá á slóðinni http://www.hsi.is/Motamal/5-8flokkur/6flokkurkarla-Yngraar Fjöldi þátttakenda er u.þ.b. 350 og þeim fylgja 70-80 fullorðnir.  Krakkarnir sem koma að sunnan gista og borða  í Giljaskóla.   Þar verður einnig kvöldvaka á laugardagskvöldinu. Frekri upplýsingar um mótið veita : Erlingur S. 690-1078 og Sigga S. 892-2612

Vegna funda verð ég ekki við eftir hádegi í dag, fimmtudag.Hægt verður að ná í mig kl.09.00-11.00 í fyrramálið, föstudag.

Afmælismót í badminton sem nýstofnuð tennis- og badmintondeild KA stóð fyrir og fór fram í Íþróttahöllinni og KA-heimilinu um liðna helgi, tókst með miklum ágætum og vilja forráðamenn deildarinnar koma á framfæri þakklæti til allra keppenda í mótinu og starfsmanna fyrir skemmtilega og vel heppnaða helgi.

Getraunastarf knattspyrnudeildar KA fer senn að hefjast. Fyrirkomulagið verður með talsvert breyttu sniði sem gerir fleirum kleift að vera með. Hópleikir tímabilsins verða tveir að þessu sinni, einn fyrir áramót og annar eftir áramót. Síðustu ár hafa vinningarnir verið einkar glæsilegir og það verður engin breyting þar á.

Helgina 2.-4.nóv verður haldið Haustmót FSÍ í áhaldafimleikum hjá okkur í FIMAK.Þetta er í þriðja skiptið sem við höldum þetta mót og hlökkum mikið til.Eins og áður hefur komið fram getum við ekki haldið mót af þessari stærðargráðu nema með aðstoð foreldra.