Fréttir

KA-menn sýndu góða takta á WOW Íslandsmóti íþróttafélaganna í skák sem fram fór nýlega að Hlíðarenda. Skáksveit KA skipuðu Halldór Brynjar Halldórsson, Pálmi Pétursson, Arnar Þorsteinsson, Gylfi Þórhallsson og Mikael Jóhann Karlsson. Allt miklir KA-menn og var Halldór Brynjar meðal annars fyrirliði Íslandsmeistara 5. flokks KA c-lið árið 1996! Sveitin lenti í fjórða sæti og var ekki langt frá 3. sætinu, en litlu munaði að sveitin legði firnasterka skáksveit KR að velli.      

Þriðjudaginn 02.október verður hægt að kaupa og selja fimleikaföt á fatamarkaði í andyri FIMAK.Markaðurinn verður frá 16:00-19:00.Þeir sem vilja selja föt eiga að skrá sig með tölvupósti á netfangið gvaka73@gmail.

Stelpurnar í 4. flokki KA/Þór léku um síðustu helgi þrjá leiki í forkeppni. Fyrsti leikurinn var gegn Aftureldingu sem sigraði 15-19.  Næsti leikur KA/Þór var gegn Haukum og þar unnu KA/Þór stelpurnar tveggja marka sigur 13-11. Í lokaleiknum gerðu KA/Þór og Stjarnan jafntefli 13-13. KA/Þór stelpurnar léku í nýjum búningum eins og sjá má á meðfylgjandi myndum Þóris Tryggvasonar en þær eru frá Stjörnuleiknum.

Þjálfarar 5. flokks kvenna í KA/Þór hafa sett upp sérstaka læsta bloggsíðu fyrir flokkinn. Þar verður komið á framfæri hverskonar upplýsingum til leikmanna og forráðamanna. Á æfingu í dag fá stelpurnar afhent  aðgangsorð til að komast á bloggsíðuna. Hægt er að komast á bloggsíðuna með því að fara á heimasíðu 5. flokks, sjá hér.

Gauti Gautason, miðvörðurinn sterki, var í dag valinn í U-17 landsliðshóp Íslands, sem spilar í undankeppni Evrópumótsins á Möltu við Portúgala laugardaginn 29. september, Norðmenn mánudaginn 1. október og Möltu fimmtudaginn 4. október.

Það má gera ráð fyrir hörkuleik á mánudagskvöldið þegar Akureyri tekur á móti FH í fyrsta leik N1 deildar karla þetta tímabilið. Undanfarin ár hafa þessi lið trúlega mæst oftast af öllum liðum deildarinnar og undantekningarlítið hafa leikir þeirra verið jafnir og spennandi. Nokkrar breytingar hafa orðið á leikmannahópi beggja liða frá því í fyrra. Hjá Akureyri eru þær helstar að Sveinbjörn Pétursson, markvörður er farinn til EHV Aue í Þýskalandi, og Hörður Fannar Sigþórsson leikur nú með Kyndil í Færeyjum auk þess sem Guðlaugur Arnarsson lagði skóna á hilluna. Aðrir leikmenn sem fóru eru Daníel Örn Einarsson sem fór til HK, Jón Heiðar Sigurðsson til Gróttu, Halldór Tryggvason til FH og Hlynur Elmar Matthíasson til Víkings.

Í lokahófi knattspyrnudeildar KA í gærkvöld var í fyrsta skipti afhent viðurkenning, sem hér eftir verður árlega afhent einhverjum dyggum stuðningsmanni KA. Viðurkenninguna fékk í fyrsta skipti Helga Steinunn Guðmundsdóttir, fyrrverandi stjórnarmaður í knattspyrnudeild og formaður KA til fjölda ára, en hún hefur lengi fylgst vel með og verið umhugað um framgang knattspyrnunnar í félaginu.

KA sigraði HK 3-2 í fyrsta leik vetrarins í Mikasa-deildinni í blaki. KA vann fyrstu tvær hrinurnar 25-22 og 25-17 en töpuðu næstu tveimur 19-25 og 17-25 og þurfti því oddahrinu til að ná fram úrslitum. Bæði liðin ætluðu sér sigur í þessum fyrsta leik en eftir mikla baráttu unnu KA menn 15-10. Stigahæstu leikmenn KA voru Piotr Kempisty með 38 stig, Ævarr Freyr Birgisson með 11 stig og Filip Szewczyk og Árni Björnsson með 5 stig hvor. Í liði HK voru stigahæstir þeir Alexander Stefánsson með 17 stig, Brynjar Pétursson með10 stig og Aðalsteinn Eymundsson 8 stig. Í kvennaflokki mættust einnig KA og HK. HK sigraði 3-0 og fóru hrinurnar 25-11, 25-16 og 25-16. Stigahæstu leikmenn KA voru Alda Ólína Arnarsdóttir með 8 stig, Arnrún Eik Guðmundsdóttir með 5 stig og Hafrún Hálfdánardóttir 4 stig. Þess má geta að Arnrún Eik er yngsti leikmaður KA aðeins 13 ára og gríðarlega efnileg. Stigahæstu leikmenn HK voru Fríða Sigurðardóttir með 12 stig, Laufey Sigmundsdóttir og Pálmey Pálmadóttir með 6 stig hvor.

Í lokahófi knattspyrnudeildar í gærkvöld var Gunnar Valur Gunnarsson, fyrirliði KA, útnefndur leikmaður ársins, en það eru leikmennirnir sjálfir og stjórnarmenn í knattspyrnudeild sem hafa atkvæðisrétt í kjörinu.  Stuðningsmannaklúbburinn Vinir Móða útnefndi hins vegar Hallgrím Mar Steingrímsson leikmann ársins.

Srdjan Tufegdzic, Túfa, hefur ákveðið að leggja skóna á hilluna eftir sex farsæl ár í KA-treyjunni. Frá þessu var greint í lokahófi knattspyrnudeildar KA í gærkvöld.