Fréttir

Handknattleiksdeild KA hefur ákveðið að draga lið KA/Þór úr efstu deild í kvennahandbolta og senda liðið í 2.deild/Utandeild í staðinn. Ástæðan er sú að liðið hefur misst 5 reynslumestu leikmenn sína frá síðasta keppnistímabili, þar af tvo í þessari viku. Því telur stjórn Handkattleiksdeildar KA að yngri leikmönnum sé enginn greiði gerður með því að senda þær í efstu deild, en aðeins 2-3 stúlkur í hópnum hafa reynslu af því að leika þar. Stefnan er sett á markvissar æfingar í vetur og keppni með það að markmiði að eiga aftur lið á meðal þeirra bestu á næsta hausti. Stjórn Handknattleiksdeildar KA

Á morgun fimmtudag, 13.september verður rafmagnið tekið af Giljahverfi kl.17.00 vegna viðgerðar hjá Norðurorku.Af þessum sökum neyðist félagið til að fella niður æfingar sem hefjast 16.

KA tryggði sér sl. sunnudag rétt til að spila hreinan úrslitaleik um Íslandsmeistaratitil A-liða í 4. flokki kvenna og verður Breiðablik andstæðingur KA-stelpna í þeim leik. KA sigraði annan úrslitariðilinn, sem var spilaður á Akureyri um helgina, með fullt hús stiga og Breiðabliksstúlkur sigruðu sömuleiðis alla þrjá leiki sína í hinum úrslitariðlinum um helgina. Úrslitaleikurinn verður fimmtudaginn 13. september kl. 16 á Kópavogsvelli. Þetta er frábær árangur hjá KA-stelpunum og þjálfurum þeirra, Agli Ármanni Kristinssyni og Srdjan Tufegdzic og er þeim óskað til hamingju með að vera annað tveggja bestu liða í þessum aldursflokki á landinu.

3. flokkur karla varð í gær bikarmeistari fyrir Norður-/Austurland með sigri á KF/Tindastóli með tveimur mörkum gegn einu í úrslitaleik í Ólafsfirði.  Þetta er annað árið í röð sem KA vinnur KF/Tindastól í þessum úrslitaleik.

Í gær lauk æfingamótinu hjá meistarafloki kvenna. KA/Þór-1 vann alla sína leiki örugglega og sigraði því mótið með fullt hús eða 6 stig. Fylkir hafnaði í öðru sæti með fjögur stig. Afturelding í þriðja sæti með tvö stig en KA/Þór-2 í neðsta sæti án stiga. Margar ungar og efnilegar stúlkur spiluðu með liðum KA/Þór og stóðu sig afar vel. Úrslit leikjanna urðu sem hér segir:

Í gær laugardag spiluðu 4.fl stelpurnar sinn annan leik í úrslitakeppninni á Akureyrir. Fyrirfram mátti búast við hörku leik sem og varð. Þær gerðu sér lítið fyrir og unni leikinn 3-2 eftir að hafa lent tvisvar undir.

í dag spilaði 4.fl kvenna sinn fyrsta leik af 3 í úrslitakeppni 4.fl kvenna. Þær mættu Tindastól á KA vellinum og má segja að þær hafi verið vel tilbúnar í þetta verkefni. Eftir 13 mín komst KA yfir með marki frá Margréti Árnadóttur. Hún náði síðan að bæta við öðru marki á síðust mínútu fyrri hálfleiks

Nú um helgina verður fjögurra liða æfingamót í KA heimilinu fyrir meistaraflokk kvenna í handknattleik. KA/Þór heldur mótið í samstarfi við Norðlenska og að sjálfsögðu kallast mótið Opna Norðlenska. Frá KA/Þór verða tvö lið í mótinu en auk þeirra mæta lið frá Fylki og Aftureldingu. Mótið hefst með tveim leikjum á föstudag og síðan verða fjórir leikir á laugardaginn. Leikjaniðurröðun og tímasetningar eru sem hér segir: Föstudagur 7. sept. kl. 19:00 KA/Þór1 - Afturelding Föstudagur 7. sept. kl. 20:15 KA/Þór2 - Fylkir

Þriðji flokkur karla spilar til bikarúrslita nk. laugardag kl. 12.00 við KF/Tindastól á Ólafsfjarðarvelli. Upphaflega átti leikurinn að vera kl. 14, en honum hefur verið flýtt um tvo tíma og verður sem sagt spilaður kl. 12.00. Í undanúrslitum vann KA öruggan sigur á Þór og KF/Tindastóll hafði betur gegn Völsungum.

A-lið 4. flokks kvenna í KA spilar um helgina þrjá leiki í öðrum tveggja riðla í úrslitakeppni um Íslandsmeistaratitilinn í 4. flokki. Riðillinn verður spilaður á KA-velli og Akureyrarvelli. Auk KA spila í þessum riðli lið Tindastóls, Fjölnis og Breiðabliks 2.