Fréttir

Hallgrímur Mar Steingrímsson, kantmaðurinn knái í KA-liðinu, framlengdi samning sinn við KA í dag og er nú samningsbundinn félaginu næstu tvö keppnistímabil.

Nýr þjálfari KA í knattspyrnu verður kynntur til sögunar í KA heimilinu í dag (fimmtudag) kl 17:15, í leiðinni mun einn okkar allra efnilegasti leikmaður skrifa undir nýjan samning. ALLIR KA menn og konur eru hjartanlega velkomin í KA-Heimilið í dag og bera nýjan þjálfara augum, boðið verður uppá kaffi og  jafnvel með því! Mætum KA fólk!

Leikur Akureyrar og ÍR hefst klukkan 19:00 en fyrir leikinn er handhöfum Gullkorta boðið upp á heitan mat. Að þessu sinni verður maturinn framreiddur á öðrum stað en vanalega eða í stækkaðri aðstöðu félagsins sem er við anddyri Hallarinnar (á vinstri hönd þegar gengið er inn). Maturinn verður framreiddur upp úr klukkan 18:00. Þeir sem enn eiga eftir að verða sér úti um stuðningsmannaskírteini geta gert það í anddyri Hallarinnar og drifið sig síðan í matinn. Að sjálfsögðu verða kaffiveitingarnar í hálfleik.

Síðastliðinn laugardag frá kl 11 - 13 var samankominn stór og góður hópur af KA fólki, börnum unglingum og fullorðnum til að eiga góða stund saman.

Við minnum fólk á að koma tómstundaávísunum frá Akureyrarbæ sem nota á upp í æfingagjöld sem allra fyrst til okkar.Hægt er að skila þeim í póstkassann sem er fyrir utan andyri hússins eða skila þeim til skrifstofunnar á opnunartíma.

Eftir góðan útisigur á Fram í síðustu umferð fær Akureyri verðugt verkefni á fimmtudaginn þegar spútnik lið ÍR kemur í heimsókn. ÍR liðið vann 1. deildina í fyrravetur með töluverðum yfirburðum og síðan hafa ÍR ingar fengið til liðs við sig fjölmarga þungavigtarmenn og fyrir vikið eru þeir með eitt öflugasta byrjunarlið deildarinnar í ár. Það er því ekki undarlegt að liðinu er spáð mikilli velgengni eða þriðja sæti deildarinnar af forráðamönnum N1-liðanna.

Í þessari viku 1.-6.Október er áhorfsvika hjá FIMAK.Þá er foreldrum/aðstandendum velkomið að koma og horfa á æfingar hjá börnum sínum.Athugið að yngri systkini og vinir /vinkonur mega koma að horfa á en allir áhorfendur eiga að sitja í stúkunni eða á bekkjunum upp við vegginn, alls ekki leika í salnum.

Gunnlaugur Jónsson lét af störfum sem þjálfari KA á lokahófi kanttspyrnudeildar um síðustu helgi en hann hafði stýrt liðinu í 2 ár og var á réttri braut með liðið en fjölskylduaðstæður urðu til þess að ómögulegt var fyrir hann að halda áfram á Akureyri.

Í sumar hlaut Unglingaráð handknattleiksdeildar styrk til kaupa á keppnistreyjum fyrir stúlkurnar í yngri flokkum KA/Þór frá Norðurorku. Þetta var kærkomin viðbót við það góða starf sem hefur verið unnið í því að styrkja kvennahandboltann frá því að ákveðið var að sameina hann undir merkjum KA/Þór og framvegis munu stelpurnar keppa í sínum eigin búningum.