Fréttir

KA-daginn í dag sóttu vel á annað hundrað manns og þótti hann takast í alla staði mjög vel. Margir lögðu hönd á plóg. Formaður KA vill koma á framfæri þakklæti fyrir daginn:

Hrefna G. Torfadóttir, formaður KA, afhenti Gunnari Jónssyni, fráfarandi framkvæmdastjóra félagsins gjöf á KA-deginum í dag sem þakklætisvott fyrir hans mikla framlag til félagsins undanfarinn röskan áratug,sem hann hefur gegnt stöðu framkvæmdastjóra. Gjöfin var hin glæsilega bók Jónasar Kristjánssonar, fyrrverandi ritstjóra, Þúsund og ein þjóðleið.

Á KA-deginum í dag voru afhentir þrír styrkir úr Minningarsjóði Jakobs Jakobssonar.

Helga Hansdóttir, Íþróttamaður KA 2011, fékk mjög fallegan verðlaunagrip, svokallaðan formannabikar, sem fyrrverandi formenn gefa. Einnig fékk hún farandbikar, sem var í fyrsta skipti afhentur í dag, en hann gefur Arionbanki. Þessi glæsilegi gripur,sem er úr keramiki, verður á næstu árum afhentur þeim íþróttamönnum sem verða útnefndir íþróttamenn KA.

Í gær, laugardaginn 7. janúar, var framlengdur samningur knattspyrnudeildar KA við Ingvar Má Gíslason, aðstoðarþjálfara meistaraflokks KA, og mun hann Gunnlaugi Jónssyni til aðstoðar á undirbúningstímabilinu og næsta sumar, eins og á sl. keppnistímabili.

Á KA-deginum í dag voru 26 landsliðsmenn KA á árinu 2011 heiðraðir. Eftir því sem næst verður komist hefur félagið aldrei áður átt fleiri landsliðsmenn á einu ári.

Helga Hansdóttir, júdókona, var í dag, á 84. ára afmælisdegi KA, útnefnd Íþróttamaður KA 2011. Aðrir í kjörinu voru Martha Hermannsdóttir, handknattleikskona, Haukur Heiðar Hauksson, knattspyrnumaður og Filip Pawel Szewczyk, blakmaður.

KA 1 sigraði Magna í dag í fyrsta leik sínum í Hleðslumótinu í Boganum með þremur mörkum gegn engu. Sigurinn var fyllilega sanngjarn og hefði getað orðið mun stærri. KA 2 tapaði fyrir Dalvík/Reyni með fimm mörkum gegn engu.

Miðjumaðurinn Jóhann Helgason gekk í dag í raðir KA – síns uppeldisfélags – á lánssamningi frá Grindavík og mun spila með liðinu í 1. deildinni í sumar. Samningur við Jóhann var undirritaður í KA-heimilinu í dag.

Næstkomandi sunnudag, 8. janúar 2012 kl. 14:00, á 84. afmælisdegi Knattspyrnufélags Akureyrar, verður KA-dagurinn haldinn hátíðlegur. Þar verður farið yfir liðið ár og kjöri Íþróttamanns KA fyrir árið 2011 lýst. Einnig verða landsliðsmenn KA á liðnu ári heiðraðir. Séra Hildur Eir Bolladóttir verður ræðumaður dagsins.