Fréttir

Fimmtudaginn 2. feb kl 17:40 hefst baráttan um bæinn í KA-Heimilinu. KA-2 er í hefndarhug gegn taplausum Þórsurum. Búist er við þéttum og skemtilegum leik og því ættu allir að mæta!! 

Í morgun var tímasetningu á úrslitaleik Hleðslumótsins í fótbolta milli KA1 og Þórs1 breytt í þá veru að hann verður kl. 14.00 nk. sunnudag - 5. febrúar - en ekki klukkan 17.00 eins og til stóð. Látið þetta endilega berast - við hvetjum KA-menn til þess að fjölmenna í Bogann og hvetja strákana til sigurs!

Síðastliðinn föstudag hvarf KA-kerran (hún er rækilega merkt KA) af planinu norðan við íþróttahúsið. Stundum hafa góðvinir félagsins fengið kerruna lánaða og við viljum trúa því að svo sé einnig nú, en viðkomandi hafi gleymt að biðja um leyfi. Ef svo er biðjum við þann sem tók kerruna að skila henni hið fyrsta.

KA2 varð að sætta sig við 0-2 tap gegn Völsungi í Hleðslumótinu í Boganum sl. sunnudag. Þar með endaði KA2 í neðsta sæti síns riðils í mótinu og spila við Þór2 um neðstu tvö sætin í mótinu. KA1 spilar hins vegar til úrslita í mótinu við Þór1.

Laugardaginn 4.febrúar fer fram þrepamót FSÍ í áhaldafimleikum í 5.þrepi stúlkna.Mótið er haldið í Ásgarði hjá Stjörnunni í Garðabæ.

Helgina 28.-29.janúar fór fram þrepamót í áhaldafimleikum.Kept var í 1.-4.þrepi íslenska fimleikastigans í kvennaflokki og 1.-5.þrepi íslenska fimleikastigans í karlaflokki.

KA1 sigraði KF með fimm mörkum gegn þremur í miklum baráttuleik í Boganum í gær þar sem dæmdar voru þrjár vítaspyrnur, fjöldi gulra spjalda fór á loft og eitt rautt. Þar með endaði KA1 með fullt hús stiga í riðlinum og spilar til úrslita í Hleðslumótinu gegn annað hvort Þór1 eða Dalvík/Reyni, en þessi lið mætast í dag og dugar Þór1 jafntefli til þess að halda efsta sæti riðilsins og spila úrslitaleikinn gegn KA1.

KA átti 7 keppendur á Afmælismóti JSÍ sem fram fór í dag.  Afmælismótið kemur næst Íslandsmóti að styrkleika.  Óhætt er að segja að keppendur KA hafi staðið sig frábærlega er árangur þeirra var eftirfarandi:

Bæði KA1 og KA2 spila í Hleðslumótinu í Boganum um helgina. KA1 mætir KF á morgun, laugardag, kl. 17.30 og KA2 mætir Völsungum á sunnudag kl. 17.15. Þetta eru síðustu leikir liðanna í riðlakeppni Hleðslumótsins. KA1 er með fullt hús stiga í sínum riðli en KA2 eru án stiga. KA-menn eru hvattir til að fjölmenna í Bogann og styðja við bakið á strákunum.

Bikarmóti BLÍ í 2. og 3. flokki beggja kynja lauk á Akureyri sunnudaginn 22. janúar. Liðin í 2. fl. kk drógu sig úr keppni og því voru engir bikarmeistarar krýndir í þeim flokki þetta árið. Mótið tókst í alla staði vel og voru leikmenn og þjálfarar/fararstjórar sjálfum sér og íþróttafélögum sínum til mikils sóma. KA var bikarmeistari í öllum flokkum þ.e. 2. og 3. fl. kvk og 3. fl. kk.