Fréttir

Íslandsmót unglinga í hópfimleikum fer fram helgina 11.-12.febrúar í íþróttahúsi Vallaskóla v/Sólvelli á Selfossi.Keppt er í 1.-5.flokki í landsreglum.FIMAK sendir 5 lið til keppni.

Um næstu helgi, dagana 10.-11. febrúar n.k., fer fram seinni hluti undankeppni Bikarmóts BLÍ í Íþróttahöllinni á Akureyri.

Upp hefur komið tilvik um lús í einum hópi í fimleikunum.Mikilvægt er að þeir sem greinast með höfuðlús eða forráðamenn þeirra bregðist strax við smitinu til að komið sé í veg fyrir dreifingu til annarra.

KA/Þór tók á móti HK í N1 deild kvenna á laugardaginn. Akureyrarstelpurnar báru enga minnimáttarkennd fyrir Kópavogsstúlkum sem eru í 3. sæti deildarinnar og skoruðu fyrstu fjögur mörk leiksins. KA/Þór hafði prýðistök á leiknum, tölurnar 8-4 og 11-7 sáust á markatöflunni en HK náði að minnka muninn í 11-8 fyrir lok hálfleiksins með marki beint úr aukakasti eftir að leiktímanum var lokið.

KA sigraði Þór 3-2 í spennandi leik í úrslitum Hleðslumótsins og KA því Norðurlandsmeistari annað árið í röð og þriðji sigurinn í röð á nágrönnum okkar í Þór. Þórir Tryggva var á staðnum í dag og smellti af myndavélinni eins og herforingi. Myndirnar má sjá hér

KA-stelpurnar stóðu sig frábærlega á Goðamóti Þórs í 4. flokki um helgina. Þær sigruðu í A-liðum, áttu lið í öðru og þriðja sæti í B-liðum, sigruðu í C-liðum og áttu þar líka lið í fjórða sæti.  Sigurliðið í C-liðum var eingöngu skipað stelpum úr 5. flokki og því er árangur þeirra sérlega glæsilegur.

KA1 sigraði Þór1 í úrslitaleik Hleðslumótsins í knattspyrnu í Boganum í dag með þremur mörkum gegn tveimur.

Á morgun, sunnudaginn 5. febrúar  kl. 14.00, verður úrslitaleikur Hleðslumótsins í knattspyrnu í Boganum þar sem mætast KA1 og Þór1. Bæði lið eru ósigruð í mótinu að riðlakeppni lokinni.

Í dag voru undirritaðir tveggja ára samningar knatttspyrnudeildar KA við tvo pilta í 2. flokki - Kristján Frey Óðinsson og Gunnar Örvar Stefánsson.

Þá er Evrópumeistaramótinu lokið og þar með fer N1 deildin á fulla ferð að nýju hér heima. Á fimmtudaginn fer fram heil umferð í deildinni og fyrsti leikurinn er einmitt hér í Íþróttahöllinni þar sem við fáum firnasterkt lið HK í heimsókn. Leikurinn er ákaflega þýðingarmikill fyrir bæði liðin sem eru í baráttunni um sæti í úrslitakeppninni í vor. Baráttan er jöfn þar sem HK og FH eru í 2. – 3. sæti, einu stigi á undan Akureyri og Fram og því augljóst að það verður ekkert gefið eftir í þessum leik.