Fréttir

Það verður að segja hlutina eins og þeir eru; 2-3 tap KA gegn Stjörnunni í Boganum í dag í fyrstu umferð Lengjubikarsins var svekkjandi og ósanngjarnt. KA-menn voru sterkari aðilinn í leiknum og sköpuðu sér miklu fleiri færi en úrvalsdeildarlið Stjörnunnar.

Fram sigraði KA/Þór með átta mörkum í leik liðanna í N1 deildinni í gær. Leikurinn fór ágætlega af stað og jafnt á fyrstu tölum, Frida varði vítakast í stöðunni 2-2. Fram liðið sýndi í framhaldinu að það er ekki tilviljun að þær eru á toppi deildarinnar. Einhvernveginn virtist þó sem að flestar KA/Þór stelpnanna hefðu ekki alveg trú á að þær ættu möguleika í leiknum, það voru eiginlega bara Ásdís Sigurðardóttir og Martha Hermannsdóttir sem börðust í sóknarleiknum og skutu á markið.

Tæplega 1,6 milljóna króna hagnaður varð af rekstri knattspyrnudeildar KA á árinu 2011. Velta deildarinnar á síðasta ári - allra flokka - varð samtals röskar 95 milljónir og hækkaði um tíu milljónir milli ára. Þetta kom fram á framhaldsaðalfundi knattspyrnudeildar KA í gær.

Einar Helgason, fyrrverandi leikmaður og þjálfari KA og ÍBA og einnig þjálfari margra annarra liða, var á framhaldsaðalfundi knattspyrnudeildar KA í gær sæmdur gullmerki KSÍ fyrir sín miklu og góðu störf í þágu knattspyrnunnar á Íslandi. Vignir Þormóðsson, stjórnarmaður í KSÍ, afhenti Einari gullmerkið og sagði eftirfarandi við það tækifæri:

KA mætir Pepsídeildarliði Stjörnunnar í fyrstu umferð Lengjubikarsins í Boganum nk. sunnudag, 19. febrúar, kl. 16.00. Þetta verður sannarlega verðugt verkefni fyrir KA-strákana því Stjarnan var ótvírætt spútniklið sl. keppnistímabils og spilaði þá sérlega skemmtilegan sóknarleik. KA-menn eru hvattir til að fjölmenna í Bogann og styðja við bakið á strákunum.

Það verður enginn smáleikur í KA heimilinu á laugardaginn þegar KA/Þór tekur á móti Fram sem er í 1.-2. sæti deildarinnar. Eftir tvo sigurleiki í röð fá stelpurnar svo sannarlega tækifæri til að setja strik í reikninginn hjá stórliðinu. Leikurinn er klukkan 16:00 á laugardaginn og það er frítt inn, komið og sjáið alvöru handbolta. Sömu lið mætast í 3. flokki klukkan 13:30 á laugardaginn og þar verður ekki síður harður slagur, liðin eru í 2. og 3. sæti deildarinnar.

Framhaldsaðalfundur knattspyrnudeildar KA fyrir árið 2011 verður haldinn í KA-heimilinu föstudaginn 17. febrúar kl. 18.00. Á dagskrá fundarins er afgreiðsla reikninga og önnur mál. Undir liðnum önnur mál mun Gunnlaugur Jónsson, þjálfari mfl. kk, fara vítt og breitt yfir sviðið í knattspyrnunni í félaginu og þá mun Einar Helgason veita viðtöku viðurkenningu frá Knattspyrnusambandi Íslands. Við hvetjum KA-félaga til að fjölmenna á fundinn og taka virkan þátt í starfi deildarinnar.

Konukvöld KA verður haldið 17. febrúar í KA-heimilinu með pompi og prakt og eru allar KA-konur nær og fjær hvattar til að láta sjá sig! Húsið verður opnað klukkan 20:30 (ekki 20:00 eins og stendur á facebook) og í boði verður:

Um helgina fór fram Íslandsmeistaramót unglinga í landsreglum á Selfossi.Það er gaman frá því að segja að við sigruðum bæði í 3.flokk og 5.flokk.

Í leik Þórs 2 og KA 2 í Boganum í gærkvöld varð Bergvin Jóhannsson, einn af liðsmönnum Þórs 2, fyrir slæmum hnémeiðslum þegar hann rann á járnstólpa utan vallarins. Var Bergvin í kjölfarið fluttur á Sjúkrahúsið á Akureyri. Hugur knattspyrnumanna í KA er hjá Bergvini og vill knattspyrnudeild KA, þ.m.t. allir leikmenn og þjálfarar mfl. og 2. flokks félagsins, senda honum baráttukveðjur og bestu óskir um góðan bata.