Fréttir

Í dag var gengið frá ráðningu Sævars Péturssonar í starf framkvæmdastjóra KA, en eins og fram hefur komið hefur Gunnar Jónsson sagt því starfi lausu. Gunnar mun láta af störfum um áramót en Sævar kemur til starfa þann 1. mars. Í janúar og febrúar mun Óskar Þór Halldórsson, framkvæmdastjóri knattspyrnudeildar KA, brúa bilið og jafnframt gegna starfi framkvæmdastjóra félagsins.

Skráning er nú hafin í N1-mót KA í knattspyrnu, sem verður haldið dagana 4.-7. júlí 2012 á KA-svæðinu.

Þeir sem eiga pantaða félagsboli eða félagsgalla fyrir jól geta nálgast þá á morgun fimmtud.22.des.milli 15-17.Ath.eftir það er félagið komið í jólafrí.Kv, skrifstofa fimak.

Það var Hauka helgin mikla. Hún byrjaði á föstudegi með tveim leikjum hjá 4.fl karla. A-lið KA vann sinn leik með 7 mörkum (36-29) og B-liðið vann einnig sinn leik með 9 mörkum (32-23). Á laugardag var komið að 3. flokki karla. KA1 tapaði sínum leik (28-30) en KA2 vann (40-33). KA2 spilaði svo aftur á sunnudag á móti sama Hauka liðinu og KA2 vann aftur en þá með 10 mörkum.

Hér að neðan eru myndir sem Inga Björk Harðardóttir tók:

Nú hefur verið tekin saman ítarleg foreldrahandbók fyrir foreldra iðkenda í yngri flokkum KA í knattspyrnu þar sem fram koma þær upplýsingar sem foreldrar þurfa að búa yfir - varðandi þjálfun og æfingar, æfingagjöld, mót, útbúnað og margt fleira. Bráðnauðsynleg lesning fyrir alla. Foreldrahandbókina er að finna á heimasíðu yngri flokka í knattspyrnu á slóðinni http://ka.fun.is/?page_id=28

Á fyrsta stjórnarfundi knattspyrnudeildar í dag eftir aðalfundinn fyrr í þessum mánuði skipti stjórnin með sér verkum. Gunnar Níelsson tekur við formannssætinu af Bjarna Áskelssyni, sem færir sig yfir í gjaldkerann. Halldór Aðalsteinsson er nýr ritari stjórnar, Páll S. Jónsson og Hjörvar Maronsson eru meðstjórnendur og varmenn eru Sævar Helgason og Eggert Sigmundsson.

Meistaraflokkur KA spilaði tvo æfingaleiki í síðustu viku - á fimmtudag og laugardag - gegn Völsungi og Tindastóli og unnust þeir báðir. KA-menn sigruðu Völsung 2-1 og Tindastól 3-0.

Hér að neðan eru myndir frá Jólamótinu sem Eyþór Ingi Jónsson tók.

Ákveðið hefur verið að efna til innanhússmóts í knattspyrnu í KA-heimilinu föstudaginn 30. desember og er þetta gráupplagt tækifæri fyrir knattspyrnuhetjur á öllum aldri að hittast, efla liðsandann og rifja upp gamlar og góðar minningar.