Fréttir

Þórir Tryggvason sendi okkur fjölmargar myndir frá afmælishátíð KA sem haldin var sunnudaginn 8.  janúar síðastliðinn.

Á laugardaginn byrjar boltinn aftur að rúlla í N1 deild kvenna. Stelpurnar okkar fá þá lið Gróttu í heimsókn og hefst leikurinn klukkan 16:00 í KA heimilinu. Aðgangur er ókeypis og um að gera að fjölmenna og sýna stelpunum stuðning.

Kjör á fimleikamanni Akureyrar 2011 verður í dag kl.18:00.Við hvetjum alla til að mæta.

Eftirfarandi pistil flutti Sigfús Karlsson á afmælishátíðinni. Ágætu KA félagar. Það er orðin ágæt hefð hér í þessu afmælishófi að stikla á stóru í því sem gerst hefur í félaginu okkar á liðnu ári.  Hér kemur því annáll fyrir árið 2011. Félagsstarfið hefur verið blómlegt á árinu og árangur allra deilda verið viðunandi, hvort sem við mælum árangurinn inni á íþróttavellinum eða í félags- og uppeldisstarfi. KA hefur verið fyrirmyndarfélag ÍSÍ undanfarin 5 ár og var sá gæðastimpill á félaginu endurnýjaður í byrjun árs.  

Sr. Hildur Eir Bolladóttir, prestur í Akureyrarkirkju, var ræðumaður dagsins á KA-deginum í gær. KA fékk góðfúslegt leyfi sr. Hildar að birta ávarpið hennar hér.

Síðastliðinn laugardag - þegar skrifað var undir samning við Jóhann Helgason - var skrifað undir nýjan tveggja ára samstarfssamning knattspyrnudeildar og Hölds - Bílaleigu Akureyrar.

KA-daginn í dag sóttu vel á annað hundrað manns og þótti hann takast í alla staði mjög vel. Margir lögðu hönd á plóg. Formaður KA vill koma á framfæri þakklæti fyrir daginn:

Hrefna G. Torfadóttir, formaður KA, afhenti Gunnari Jónssyni, fráfarandi framkvæmdastjóra félagsins gjöf á KA-deginum í dag sem þakklætisvott fyrir hans mikla framlag til félagsins undanfarinn röskan áratug,sem hann hefur gegnt stöðu framkvæmdastjóra. Gjöfin var hin glæsilega bók Jónasar Kristjánssonar, fyrrverandi ritstjóra, Þúsund og ein þjóðleið.

Á KA-deginum í dag voru afhentir þrír styrkir úr Minningarsjóði Jakobs Jakobssonar.

Helga Hansdóttir, Íþróttamaður KA 2011, fékk mjög fallegan verðlaunagrip, svokallaðan formannabikar, sem fyrrverandi formenn gefa. Einnig fékk hún farandbikar, sem var í fyrsta skipti afhentur í dag, en hann gefur Arionbanki. Þessi glæsilegi gripur,sem er úr keramiki, verður á næstu árum afhentur þeim íþróttamönnum sem verða útnefndir íþróttamenn KA.