Fréttir

Miðjumaðurinn Örn Kató Hauksson sem á föstudaginn fór á heimaslóðir í KA á eins mánaðar lánssamningi lék sinn fyrsta leik fyrir KA í nokkurn tíma í kvöld en endurkoman var ekki jafn ánægjuleg og hann hafði búist við.Kató var í byrjunarliði KA í Akureyrarslagnum gegn Þórsurum í þriðju umferð VISA-bikarsins en hann fékk högg á höndina þegar rétt rúmar fimm mínútur voru liðnar af leiknum og varð hann strax sárþjáður. Hann fór í myndatöku eftir leik og kom í ljós að hann er handleggsbrotinn og mun því gangast undir aðgerð í á morgun. Ekki er vitað nákvæmlega hversu lengi hann verður frá en það mun væntanlega taka einhvern tíma fyrir beinið að gróa svo þessi mikli baráttujaxl verði leikfær á ný. Við sendum honum baráttukveðjur!

KA tapaði í kvöld 1-0 í VISA-bikarnum í Akureyrarslagnum gegn Þór. Leikurinn fór 1-0 og skoraði Ármann Pétur Ævarsson markið á 73 mínótu.

Í dag er Akureyrarslagur af bestu gerð. Þór og KA mætast í þriðju umferð VISA-bikars karla á Akureyrarvellinum kl. 19:15. Leikurinn verður í beinni textalýsingu hér á síðunni.  Þór og KA drógust saman í þriðju umferð VISA-bikarsins á dögunum og mætast því í kvöld í hörkuleik en síðustu leikir þessara liða hafa verið stórskemmtilegir. Allir á völlinn!

Stjórn knattspyrnudeildar KA tók þá ákvörðun seint í dag að segja Slobodan Milisic þjálfara meistaraflokks KA upp störfum.Jafnframt hefur stjórn knattspyrnudeildar KA boðið Slobodan Milisic að starfa við knattspyrnuakademíu KA.Nýr þjálfari hefur ekki verið ráðinn í stað Milo en Pétur Ólafsson aðstoðarþálfari meistaraflokks KA og Matus Sandor munu stjórna KA í næstu leikjum liðsins.Stjórn knattspyrnudeildar KA

KA lék í gærkvöld gegn Fjölni og endaði leikurinn með 6-0 tapi KA-manna í ótrúlegum leik.Hér eru markaskorar: KA 0 - 6 Fjölnir0-1 Davíð Þór Rúnarsson (60)0-2 Ragnar Heimir Gunnarsson (64)0-3 Gunnar Már Guðmundsson0-4 Tómas Leifsson (78)0-5 Atli Viðar Björnsson (84)0-6 Atli Viðar Björnsson (92)

Mikill fjöldi skráninga hefur nú borist Fimleikafélagi Akureyra fyrir næsta vetur, á næstu dögum verður unnið í því að raða niður í hópa og þá kemur í ljós hverjir komast að næsta vetur hjá félaginu.

Akureyrarbær framlengdi í dag til fimm ára rekstrarsamninga sína við Knattspyrnufélag Akureyrar og Íþróttafélagið Þór. Meðal nýmæla er að félögin eiga kost á sérstakri „hvatagreiðslu“ sem nemur 4 milljónum króna á ári, takist þeim að halda rekstrinum hallalausum og innan rekstraráætlunar. Til viðbótar núgildandi samningi frá 2002 og hvatagreiðslunum, mun Akureyrarbær styrkja KA og Þór með fernum hætti: 10 milljóna króna greiðsla við undirritun samnings. Fjárhæðinni skal að öllu leyti varið til að greiða niður skuldir félaganna. Árlegur aukinn rekstrarstyrkur vegna reksturs skrifstofu, 1.5 m.kr. á ári árin 2007 til 2011. Árlegur aukinn rekstrarstyrkur vegna reksturs valla félaganna, 1 m.kr. á ári árin 2007 til 2011. Akureyrarbær veitir félögunum sérstakan stuðning í formi láns án vaxta til fjögurra ára. Lánsfjárhæðin er 10 m.kr. sem skal að öllu leyti varið til að greiða niður skuldir. Fjárhæðin kemur til greiðslu innan mánaðar frá undirritun. Hana ber að endurgreiða með jöfnum greiðslum á árunum 2008 - 2011.

Mikill fjöldi fólks lagði leið sína í KA heimilið í gær til að vera viðstatt KA-Daginn 2007. Þar voru kynntir til leiks meistaraflokkur KA og meistaraflokkur kvenna, Þórs og KA. Einnig var hægt að skrá sig í fótbolta fyrir sumarið, leika sér fótbolta. Einnig bauð Sportver upp á KA vörur á sérstöku tilboði og skifað var undir samning við Ölgerðina. Boðið var uppá grillaðar pylsur og svala fyrir yngri kynslóðina og kaffi og vöflur fyrir foreldra og aðstandendur. Talið er að um 200 - 300 manns hafi mætt og svæðið og þótti dagurinn hafa heppnast mjög vel. Hægt er að sjá myndir frá deginum hér.  

Í síðustu viku voru kynntar tillögur um uppbyggingu á svæðum félaganna næstu árin. Lagðar voru fram tillögur til KA annarsvegar og Þórs hinsvegar. Aðalstjórn KA samþykkti tillögurnar og nokkur ánægja ríkti í herbúðum félagsins en Þórsarar höfnuðu hinsvegar tillögum um uppbyggingu á þeirra svæði.Nú hafa þær raddir heyrst að umræður um þessi mál séu aftur komnar á byrjunarstig og að það þurfi að byrja upp á nýtt á vinnslu þessara mála.   

Þremur leikjum úr fjórðu umferðinni í fyrstu deild karla hefur verið frestað þar til 19. júní vegna þess að U19 ára landsliðið heldur í dag til Noregs þar sem það mun leika í milliriðli fyrir EM. Nokkur lið úr fyrstu deildinni eiga leikmenn í þessum hópi og hefur því þremur leikjum í umferðinni verið frestað en þeir áttu að fara fram næstkomandi fimmtu- og föstudag.KA átti að leika á föstudaginn nk. gegn Þrótturum en þar sem Almarr Ormarsson leikmaður okkar manna er í hópnum hefur þeim leik verið frestað. Næsti leikur KA liðsins er því heimaleikur gegn Fjölnismönnum föstudaginn 7. júní eftir tæpar tvær viku.