Fréttir

KA hampaði Deildarmeistaratitlinum í blaki kvenna á sunnudaginn en stelpurnar hafa verið algjörlega magnaðar í vetur. Þær unnu alla leiki sína í deildinni fyrir utan einn og eru því verðskuldaðir Deildarmeistarar auk þess sem að þær urðu Bikarmeistarar helgina áður

KA hampaði Deildarmeistaratitlinum í blaki kvenna í dag eftir sannfærandi 3-0 sigur á HK í lokaumferð deildarinnar. Titillinn var í höfn fyrir leik en stelpurnar sem hafa verið magnaðar í vetur keyrðu áfram á fullri ferð og fóru með afar sanngjarnan sigur af hólmi

Knattspyrnudeild KA stendur fyrir kynningarkvöldi á Bryggjunni á mánudaginn klukkan 20:00. KA hefur leik í Bestu deildinni þann 20. apríl og um að gera að koma sér í gírinn

Aðalfundur Knattspyrnufélags Akureyrar var haldinn í KA-Heimilinu í gær og var meðal annars ný aðalstjórn félagsins kjörin. Ingvar Már Gíslason steig til hliðar sem formaður félagsins í lok febrúar og tók Eiríkur S. Jóhannsson við embættinu tímabundið fram að aðalfundi

KA/Þór tekur á móti Aftureldingu klukkan 16:00 á laugardaginn í síðasta heimaleik liðsins í Olísdeildinni í vetur. Leikurinn er liður í næstsíðustu umferð deildarinnar en KA/Þór er í 3. sætinu með 27 stig en þar fyrir ofan eru Valur með 28 stig og Fram á toppnum með 29 stig

Úrvalsdeildum karla- og kvenna í blaki lýkur um helgina en bæði karla- og kvennalið KA leika heimaleiki. Stelpurnar okkar sem urðu Bikarmeistarar á dögunum eru einnig orðnar Deildarmeistarar og munu lyfta bikarnum í leikslok á sunnudaginn er þær taka á móti HK

KA á tvo fulltrúa í æfingahóp U20 ára landsliðs Íslands í handbolta sem undirbýr sig fyrir Evrópumeistaramótið sem fer fram í júlí í Portúgal en þetta eru þeir Arnór Ísak Haddsson og Haraldur Bolli Heimisson. Strákarnir koma saman til æfinga dagana 12.-14. apríl næstkomandi

Laugardaginn 9. apríl næstkomandi fer fram Íslandsmót í áhaldafimleikum í sal Fimleikafélags Akureyrar við Giljaskóla. Íslandsmótið er fyrir keppendur í 1.-3. þrepi í áhaldafimleikum karla og kvenna en von er á um 90 keppendum frá 9 félögum. Þrep í fimleikum gefa til kynna kröfur til keppanda þar sem 1. þrep er erfiðasta þrep fimleikastigans. Þegar 1. þrepi er lokið öðlast keppendur rétt til að keppa í frjálsum æfingum sem líkja mætti við meistaraflokk. Þar sem þrepið er bundið við erfiðleikastig æfinga getur aldur keppenda í hverju þrepi verið breytilegur en flestir keppendur um helgina eru á aldrinum 11-14 ára. Í áhaldafimleikum kvenna er keppt á fjórum áhöldum, þ.e. gólfæfingum, stökki, tvíslá og jafnvægisslá. Í áhaldafimleikum karla er keppt á sex áhöldum, bogahesti, hringjum, stökki, tvíslá, svifrá og gólfæfingum.

KA tekur á móti Selfyssingum í KA-Heimilinu kl. 19:30 í kvöld í lokaheimaleik liðsins í Olísdeildinni í vetur. Baráttan er gríðarleg þegar aðeins tvær umferðir eru eftir en sigur í kvöld tryggir KA endanlega sæti í úrslitakeppninni þar sem barist verður um Íslandsmeistaratitilinn

Óðinn Þór Ríkharðsson, Rakel Sara Elvarsdóttir, Rut Jónsdóttir og Unnur Ómarsdóttir eru öll í A-landsliðum Íslands í handbolta sem leika mikilvæga leiki á næstunni