Fréttir

B lið 4. flokks kvenna brunaði í gær, síðasta vetrardag, suður til að etja kappi við Gróttu2 í 8 liða úrslitum Íslandsmótsins. Leikurinn hófst af krafti, stemmingin í húsinu var stórgóð og mikið af áhorfendum og látum. Óákveðni og mistök einkenndu sóknarleikinn í fyrri hálfleik skiluðu fáum mörkum, en gríðarlega sterk vörn KA stúlkna skilaði sömuleiðins fáum mörkum á móti.

B-lið 4. flokks karla vann í dag HK sannfærandi í 8-liða úrslitum Íslandsmótins. KA byrjaði leikinn afar vel og komst í 7-2. Leikur KA datt aðeins niður eftir það og staðan í hálfleik var svo 9-6. Í seinni hálfleik voru strákarnir mikið sterkari og komust mest 10 mörkum yfir. Lokatölur urðu svo 23-15 sigur.

B-lið 4. flokks karla á leik í 8 liða úrslitum á morgun, fimmtudag. Þá mæta strákarnir HK í KA heimilinu og hefst leikurinn klukkan 15:00. Ef KA nær að sigra farar strákarnir suður strax um helgina í undanúrslit og síðan í úrslitaleikinn eða þá í leik um þriðja sæti.

Nú er rétt nýlokið æsispennandi úrslitaleik um Íslandsmeistaratign A liða í 4. flokki karla.  KA strákar léku úrslitaleikinn gegn FH og fór leikurinn fram í Hafnarfirði fyrir fullu húsi heimamanna.  Jafnt var á öllum tölum í fyrri hálfleik en KA ávallt með frumkvæði og hafði eins marks forystu í hálfleik 12-11. Sama spenna hélst í síðari hálfleik en svo fór að FH hafði eins marks sigur 22-21 en KA strákar áttu síðustu sóknina í leiknum en náðu ekki að jafna metin. Að vonum eru strákarnir svekktir enda voru þeir svo nálægt því að krækja í titilinn, en þess ber að geta að árangur þeirra í vetur er búinn að vera frábær og þeir eru deildarmeistarar.

KA strákarnir í 4. flokki A-liða sigruðu í dag Þór í undanúrslitum Íslandsmótsins 27-22 og eru þar með komnir í úrslitaleikinn sem verður leikinn á morgun, sunnudag klukkan 12:30 í Strandgötunni í Hafnarfirði.

Stelpurnar í A liði fóru suður í gær til að keppa við HK í 8 liða úrslitum. Fyrirfram var vitað að leikurinn yrði erfiður. KA stelpurnar hafa leikið í 2. deildinni í vetur og staðið sig þar með sóma þrátt fyrir stöku mótlæti. HK hefur á að skipa gríðarlega breiðum hóp af sterkum handboltastelpum og eru núverandi deildar- og bikarmeistarar 4. flokks kvenna.  Það sem þó gerði stöðuna enn erfiðari fyrir stelpurnar var að þetta var fjórði leikurinn þeirra á aðeins sex dögum.

Um helgina fara strákarnir í A-liði 4. flokks suður að leika á úrslitahelgi yngri flokka. Á laugardag leika þeir í undanúrslitum gegn nágrönnum sínum í Þór. Leikurinn fer fram í Strandgötu í Hafnarfirði klukkan 14:00 og er fólk á höfuðborgarsvæðinu eindregið hvatt til þess að mæta og sjá hörkuleik. Nái strákarnir að sigra þann leik munu þeir spila um gullið á Íslandsmótinu á sunnudag.

A lið 4. flokks kvenna á erfiðan leik við HK í Digranesinu í dag (fimmtudag) HK stelpurnar hömpuðu á dögunum deildarmeistaratitlinum og fyrr í vetur urðu þær bikarmeistarar. Það er því á brattann að sækja fyrir KA stelpurnar í þessum leik en ef að stelpurnar sýna þann vilja og þá einbeitingu sem þær sýndu á móti Val í síðasta leik þá eiga þær möguleika á að fara lengra í þessari keppni. Eins og oft hefur sannast, þá slær KA hjartað hvað harðast þegar á reynir. Leikurinn hefst klukkan 16:00 og er í Digranesi. Stefán Guðnason

Í kvöld tryggði A-lið 4. flokks sér sæti í undanúrslitum Íslandsmótins með sannfærandi sigri á Gróttu. KA leiddi 18-8 í hálfleik en lokatölur voru 29-22. Strákarnir halda því suður um komandi helgi en þá munu úrslitaleikirnir fara fram. KA mætir Þór í undanúrslitunum á laugardag. Ljóst var strax frá fyrstu sekúndu að KA-menn voru klárir í verkefnið. Þeir komust strax yfir og leiddu 5-1 eftir örfáar mínútur. Eftir það var aldrei spurning hvort liðið myndi sigra leikinn.

A liðið vann umspils-leikinn við Valsstelpur nokkuð sannfærandi. KA byrjaði leikinn af feiknakrafti. Með mjög góðri vörn, markvörslu og feikna góðum sóknarleik var staðan 10-0 fyrir KA stelpum þegar 15 mínútur voru búnar. Staðan í hálfleik var 15-4 KA í vil. Breytt var um varnarleik í seinni hálfleik og nýjir hlutir prófaðir. Valsstelpur náðu með því aðeins að klóra í bakkann og voru lokatölur 24-15.