Fréttir

Þór/KA sækir Fylki heim klukkan 16:15 í Lengjubikarnum í dag en liðin eru í harðri baráttu um sæti í undanúrslitunum og ljóst að gríðarlega mikilvæg stig eru í húfi

KA tók á móti Þrótti Vogum í Mizunodeild karla í blaki í kvöld en KA liðið sem hafði verið á miklu skriði er kom að tapi gegn Aftureldingu í Kjörísbikarnum á dögunum lék án þeirra Miguel Mateo Castrillo og André Collins og var því áhugavert að sjá hvernig strákarnir myndu mæta til leiks gegn botnliðinu

Eftir smá bikarpásu er komið að því að hasarinn í Mizunodeildunum í blaki hefjist á ný. karlamegin tekur KA á móti Þrótt Vogum klukkan 21:00 í kvöld. 50 áhorfendur eru leyfðir á leiknum og því um að gera að mæta tímanlega og styðja strákana til sigurs, áfram KA

Þór/KA barst heldur betur liðsstyrkur í dag þegar þrír leikmenn skrifuðu undir hjá félaginu fyrir komandi sumar. Þetta eru þær Sandra Nabweteme frá Úganda (framherji), Miranda Smith frá Kanada (miðjumaður) og Colleen Kennedy frá Bandaríkjunum (kantmaður/framherji)

Dregið var í 16-liða úrslit Coca-Cola bikars karla og kvenna í handboltanum í hádeginu og voru KA og KA/Þór að sjálfsögðu í pottinum. Bæði lið fengu andstæðing úr neðri deild en samkvæmt reglum bikarkeppninnar fær það lið sem er deild neðar ávallt heimaleik og því útileikir framundan

Aðalfundur Þórs/KA fyrir starfsárið 2020 verður haldinn í Hamri fimmtudaginn 18. mars næstkomandi og hefst klukkan 19:30. Á dagskrá verða hefðbundin aðalfundarstörf og hvetjum við alla sem eru áhugasamir um störf Þórs/KA að mæta og kynna sér það góða starf sem er unnið í kringum kvennafótboltann í bænum

Lúðvík Gunnarsson þjálfari U15 ára landsliðs Íslands í knattspyrnu valdi á dögunum hóp leikmanna fyrir úrtaksæfingar dagana 22.-24. mars næstkomandi. KA á alls þrjá fulltrúa í hópnum en KA varð Íslandsmeistari í aldursflokknum í sumar

KA og KA/Þór eiga alls 10 fulltrúa í Hæfileikamótun HSÍ sem fer fram 19.-21. mars næstkomandi. Alls voru fimm strákar og fimm stelpur úr okkar röðum valin en öll eru þau fædd árið 2007. Alls munu hóparnir æfa fjórum sinnum yfir helgina í Víkinni og Ásvöllum

Annað mót vetrarins í 5. og 6. flokki í handboltanum fór fram um helgina og stóðu KA strákar sig frábærlega. KA stóð uppi sem sigurvegari í efstu deild í báðum flokkum og ljóst að strákarnir eru þeir bestu á landinu um þessar mundir

5. flokkur KA/Þórs stóð í ströngu á öðru handboltamóti vetrarins um helgina en KA/Þór er með tvö lið í aldursflokknum. KA/Þór 1 vann 2. deildina á síðasta móti og lék því í efstu deild og komu stelpurnar heldur betur af krafti inn í deildina