Fréttir

KA og Stjarnan gerðu 28-28 jafntefli í hádramatískum leik í Olís deild karla í handboltanum í gær. Það var gríðarlegur hiti í leikmönnum, þjálfurum og áhorfendum og hrikalega skemmtileg upplifun í KA-Heimilinu að vanda

Blaklið KA léku mikilvæga leiki um helgina en bæði karla- og kvennalið KA léku í 8-liða úrslitum Kjörísbikarsins auk þess sem kvennaliðið lék tvo leiki í Mizunodeildinni. Þórir Tryggvason ljósmyndari mætti á leik kvennaliðsins í gær og má sjá myndir hans með því að smella á myndina hér fyrir neðan

KA lagði Fram að velli í leik liðanna í Lengjubikarnum í Egilshöllinni í gær. Þetta var annar leikur liðanna í mótinu en KA hafði unnið 4-0 sigur á Íslandsmeisturum Vals í fyrsta leik sínum. Strákarnir fylgdu þeim flotta sigri eftir með góðum 1-2 sigri í gær

Kvennalið KA í blaki stendur í ströngu um helgina en liðið tekur þrívegis á móti Þrótti Reykjavík. Í dag, föstudag, mætast liðin klukkan 20:30 í 8-liða úrslitum Kjörísbikarsins. Karlalið KA hinsvegar sækir lið Hamars heim í Hveragerði á sunnudag í sínum leik í 8-liða úrslitum keppninnar

Ottó Björn var í dag valinn á úrtaksæfingar hjá U-18 ára landsliði Íslands í knattspyrnu sem fara fram í Kórnum dagana 1. og 2. mars næstkomandi. Þetta er í annað skiptið á stuttum tíma sem Ottó er valinn á úrtaksæfingar hjá U-18 og óskum við honum áfram góðs gengis á æfingunum

KA lék í dag síðasta heimaleik sinn í Mizunodeild karla í blaki þegar liðið tók á móti Aftureldingu. Strákarnir voru fyrir þó nokkru búnir að tryggja sér sigur í deildinni og þeir spiluðu virkilega vel í dag og sáu til þess að gleðin var einkennandi þegar bikarinn fór á loft að leik loknum

KA vann 4-0 stórsigur á Íslandsmeisturum Vals í gær er liðin mættust í Lengjubikarnum í Boganum í gær. KA liðið sýndi virkilega góða frammistöðu og hefur unnið alla leiki sína á undirbúningstímabilinu til þessa. Þórir Tryggvason og Sævar Geir Sigurjónsson ljósmyndarar voru á leiknum og mynduðu hann í bak og fyrir

Þór/KA hefur titilvörn sína í Lengjubikarnum í dag þegar liðið tekur á móti Stjörnunni í Boganum kl. 16:30. Það má búast við hörkuleik eins og alltaf þegar þessi lið mætast og hvetjum við að sjálfsögðu alla til að mæta og styðja stelpurnar eða fylgjast með gangi mála á KA-TV

Karla- og kvennalið KA í blaki léku fyrri leiki sína gegn Aftureldingu í dag en liðin mætast aftur á morgun, sunnudag. Karlarnir eru nú þegar orðnir Deildarmeistarar og var því lítið undir hjá þeim á meðan konurnar freistuðu þess að endurheimta toppsætið í deildinni

KA tók á móti Íslandsmeisturum Vals í fyrsta leik liðanna í Lengjubikarnum í fótbolta í Boganum í dag. Fyrir leikinn var KA liðið búið að vinna alla sína æfingaleiki á undirbúningstímabilinu en ljóst að leikur dagsins yrði gríðarlega krefjandi enda flestir á því að lið Vals sé það besta á landinu