Fréttir

Lúðvík Gunnarsson þjálfari U-15 ára landsliðs karla í knattspyrnu valdi í dag hóp leikmanna sem tekur þátt í úrtaksæfingum 25.-27. janúar. KA á einn fulltrúa í hópnum en það er hann Björgvin Máni Bjarnason og óskum við honum til hamingju með valið sem og góðs gengis á æfingunum

Hrefna Gunnhildur Torfadóttir fyrrum formaður KA var í dag sæmd heiðursviðurkenningu Íþróttabandalags Akureyrar. Óhætt er að fullyrða að Hrefna hafi síðastliðin 40 ár verið áberandi í starfinu hjá KA, hvort sem það var við að selja tópas og aðgöngumiða á leiki í Íþróttaskemmunni eða þvo búninga og selja auglýsingar á þá fyrir handknattleiksdeild þá var Hrefna mætt

Íþróttamenn Akureyrar voru kjörnir í kvöld við hátíðlega athöfn í Hofi en ÍBA stendur fyrir valinu. Kjörið er kynjaskipt og átti KA að venju nokkra fulltrúa sem komu til greina. Filip Szewczyk blakkempa sem nýlega var kjörinn íþróttamaður KA varð í 2. sæti hjá körlunum og Alexander Heiðarsson júdókappi varð í 3. sætinu

Það var sannkallaður nágrannaslagur í kvöld er Völsungur tók á móti KA í Mizunodeild kvenna í blaki. Fyrir leikinn var KA í 2. sæti deildarinnar en lið Völsungs hefur verið á miklu skriði undanfarið og sat í 3. sætinu, leikurinn var því ansi mikilvægur í toppbaráttunni og ljóst að bæði lið ætluðu sér sigurinn

Yngriflokkaráð KA í knattspyrnu og Toppmenn og Sport eru nú með flotta Diadora KA jakka til sölu á ótrúlegu verði eða 3.990 krónur. Þetta eru sömu jakkar og fylgdu með æfingagjöldum um árið og því er takmarkað magn í boði

Það var ansi mikilvægur leikur hjá KA/Þór í kvöld er liðið sótti Stjörnuna heim í 12. umferð Olís deildar kvenna. Um var að ræða sannkallaðan fjögurra stiga leik en liðin voru í 5. og 6. sæti deildarinnar og munaði einungis tveimur stigum á þeim

Það stefnir í hreinan úrslitaleik á fimmtudaginn á milli Íslands og Makedóníu um sæti í næstu umferð á HM í handbolta. Af því tilefni bjóðum við ykkur að horfa á leikinn með okkur á tjaldi í KA-Heimilinu

Það er enginn smá leikur framundan í kvöld þegar KA/Þór sækir Stjörnustúlkur heim í 12. umferð Olís deildar kvenna. Fyrir leikinn er KA/Þór í 5. sæti deildarinnar með 10 stig en Garðbæingar eru í 6. sætinu með 8 stig. Þetta er því klár fjögurra stiga leikur og geta stelpurnar með sigri að miklu leiti sagt skilið við botnbaráttuna

Ungmennalið KA í handbolta lék sína fyrstu leiki á nýju ári þegar liðið hélt suður og lék gegn ungmennaliðum ÍR og Selfoss. Strákarnir eru í harðri toppbaráttu í 2. deildinni og ætla sér upp í Grill-66 deildina að ári og því ljóst að leikir helgarinnar væru gríðarlega mikilvægir

Sandra María Jessen, fyrirliði Þórs/KA í knattspyrnu er nú genginn til liðs við Þýska liðið Bayer Leverkusen. Þetta er frábært skref fyrir Söndru sem hefur verið algjör lykilleikmaður í liði Þórs/KA frá árinu 2011 og var hún meðal annars valin besti leikmaður Pepsi deildarinnar á síðasta tímabili