Fréttir

Lokahóf yngri flokka hjá handknattleiksdeild KA fór fram í gær og var mikið líf og fjör á svæðinu. Að venju voru þeir sem stóðu uppúr verðlaunaðir en einnig var farið í hina ýmsu leiki og bar þar hæst reipitogskeppni milli iðkenda og foreldra sem sló vægast sagt í gegn! Lokahófinu lauk svo með frábærri pizzuveislu og er óhætt að segja að allir hafi farið heim með bros á vör

KA mætti sterku liði FH í Kaplakrika í 4. umferð Pepsi deildar karla. Ljóst var fyrir leikinn að erfitt verkefni væri fyrir hendi enda hefur FH verið besta lið landsins undanfarin ár en fyrir leikinn var FH með 6 stig í 2. sætinu og KA með 4 stig í 5. sætinu

Hlaðvarpsþáttur KA, KA Podcastið, heldur áfram göngu sinni en að þessu sinni fara þeir Siguróli Magni Sigurðsson og Birkir Örn Pétursson yfir lokahófið í handboltanum, stöðuna í fótboltanum ásamt því að þeir rýna í félagsfund KA sem fór fram í gær

KA á krefjandi verkefni fyrir höndum í dag þegar liðið sækir FH heim í Kaplakrika í 4. umferð Pepsi deildar karla. Leikurinn hefst klukkan 18:00 og má búast við svakalegum leik en liðin gerðu jafntefli í báðum viðureignum sínum á síðustu leiktíð. Hér fyrir neðan má sjá mörkin úr 2-2 jafntefli þeirra í Kaplakrika

Hið stórskemmtilega lokahóf hjá yngri flokkunum í handboltanum er í dag í KA-Heimilinu klukkan 18:00. Að venju verða verðlaunaafhendingar, pizzuveisla og hinir ýmsu leikir í boði. Við hvetjum að sjálfsögðu alla handboltakrakka til að mæta og auðvitað foreldra og forráðamenn til að njóta skemmtunarinnar

Á morgun, fimmtudag, verður Fimleikasambandið 50 ára.Af því tilefni ætlar FSÍ að setja heimsmet í handstöðu í Laugardagshöll.Um leið verður iðkendum hér á Akureyri boðið að koma í fimleikahúsið hérna hjá okkur og styðja við verkefnið.

KA heldur í dag opinn félagsfund þar sem félagið mun kynna framtíðaruppbyggingu á KA-svæðinu sem og rekstrarumhverfi KA. Gríðarlega mikilvægt er að KA fólk fjölmenni á fundinn enda mikilvægir tímar framundan hjá félaginu okkar. Fundurinn hefst klukkan 17:15 í íþróttasal KA-Heimilisins

Aðalfundur Fimleikafélags Akureyrar fer fram fimmtudaginn 31.maí kl.20:00 í Giljaskóla.Við hvetjum foreldra, þjálfara og aðra sem láta málefni félagsins sig varða til þess að mæta á fundinn.

Blakdeild KA er áfram stórhuga eftir gríðarlega vel heppnað tímabil hjá karlaliðinu sem vann alla þrjá titla sem í boði voru. Liðinu barst í morgun mikill liðsstyrkur en Miguel Mateo Castrillo var stigahæsti leikmaður Mizunodeildarinnar á síðustu leiktíð og kemur til KA frá Þrótti Neskaupstað

Það eru alvöru nágrannaslagir í dag í fótboltanum en í 2. flokki karla tekur sameiginlegt lið KA/Dalvík/Reynir/Magni á móti Þór á KA-vellinum klukkan 18:00 en leikurinn er liður í 32-liða úrslitum Bikarkeppni 2. flokks