Fréttir

Myndatökur á hópunum í búningum fóru fram í gær á generalprufunni.Myndirnar verða seldar á sýningunum og kostar stk.1.000,- kr.Þetta verkefni er fjáröflun fyrir hóp af krökkum sem stefna að því að fara á Eurogym 2014 í Svíþjóð.

Nú fyrr í dag kom skemmtileg sending frá Englandi þegar treflar sem unnið hefur verið í að kaupa fyrir félagið í þónokkurn tíma enduðu ferð sína og mættu í félagsheimilið okkar. Treflarnir eru hinir glæsilegustu eins og má sjá á meðfylgjandi mynd af strákunum vera máta þá í dag. Verðið á hverjum trefli verður 2.500 krónur. Hinsvegar ætlum við að bjóða fólki að ef það kaupir 3 stykki eða fleiri í einu að fá þá á 2.000 krónur, enda þurfa allir á heimilinu að eiga sinn trefil. Frá og með morgundeginum verður trefillinn kominn í sölu upp í KA heimili. Ef ykkur vantar einhverjar upplýsingar er hægt að hafa samband við Ólaf í síma 824-2720 eða Ragnar í 865-1712, sem og KA heimilið - 462-3482 (frá og með morgundeginum)

KA átti að ferðast til Ólafsfjarðar næst komandi fimmtudag og leika þar við knattspyrnufélag Fjallabyggðar. Eins og við þekkjum vel hér á Akureyri þá eru vellir að koma illa undan vetri og er enþó nokkur snjór enþá á Ólafsfirði en þrátt fyrir það hefur völlur þeirra komist ágætlega undan snjónum sem mokaður hefur verið af vellinum. Félögin komust í sameiningu að því í dag að færa leikinn til Laugardags og binda þannig vonir við að snjó létti við völlinn en stúkan og allt í kring er á bólakafi. Leikurinn verður því flautaður á kl 14:00 á Laugardaginn næsta. Nánar um leikinn þegar nær dregur.

Vorsýningarnar verða 4 talsins í ár og fara þær fram föstudaginn 24.maí og laugardaginn 25.maí.Hér má sjá hvaða hópur sýnir á hverri sýningu.Miðaverð á sýningarnar er krónur 1000,- fyrir 16 ára og eldri.

Generalprufan fyrir vorsýninguna fer fram fimmtudaginn 23.maí.Tímasetningar fyrir alla hópa má finna í þessari frétt.Athugið að allar almennar æfingar falla niður þennan dag.

Lokahóf handknattleiksdeildar yngri flokka KA var haldið föstudaginn 17. maí síðastliðinní KA heimilinu. Mikið fjölmenni var og að venju var mikið fjör í húsinu. Farið var í leiki og verðlaun veitt fyrir árangur vetrarins. Í lokin var síðan heljarinnar pizzuveisla frá Greifanum. Þórir Tryggvason mætti með myndavélina og má hér sjá fjölmargar skemmtilegar myndir frá hófinu.

Helgina 10.-12.maí fór stór hópur frá FIMAK í keppnisferð til Selfoss.

KA tók á móti Fjölni í 2. umferð 1. deildar í dag en leikurinn fór fram innandyra í Boganum vegna þess að Akureyrarvöllur er ekki klár í slaginn.

Á morgun tökum við á móti Fjölni frá Grafarvogi  í annar umferð íslandsmótsins í knattspyrnu.  Leikurinn fer fram  í Boganum og hefst kl 14.

Í mörg ár hefur KEA stutt við íþróttafélögin KA og Þór og reynst einn af helstu styrktaraðilum félaganna.  Halldór Jóhannsson, framkvæmdastjóri KEA, hefur undirritað styrktarsamninga  við félögin vegna ársins 2013 og skrifaði Hrefna G. Torfadóttir undir samninginn fyrir hönd KA og Árni Óðinsson fyrir hönd Þórs.  Þau voru sammála um að stuðningur KEA væri afar þýðingarmikill fyrir félögin og efldi starf og uppbyggingu þeirra umtalsvert. Halldór Jóhannsson sagði að KEA legði jafnan metnað sinn í að skila jákvæðri afkomu félagsins út í samfélagið til eflingar íþrótta- og æskulýðsstarfi á félagssvæðinu og undirritun þessara samninga væri því mikið gleðiefni.