Fréttir

Kantmaðurinn skástrik bakvörðurinn Ómar Friðriksson gekk til liðs við Magna á láni nú rétt í þessu en lánssamningurinn gildir út tímabilið. Ómar hefur átt erfitt uppdráttar síðan í vetur vegna meiðsla og vonandi að hann nái að hrista þau af sér hjá Magna og komi tvíefldur til leiks næsta vetur. Óskum Ómari góðs gengis!

Nú þegar rúmur klukkutími er eftir af félagsskiptaglugganum höfum við KA menn bætt við okkar hóp. Skagadrengirnir Sigurjón Guðmundsson og Fannar Freyr Gíslason hafa gengið til liðs við KA frá ÍA. Sigurjón er á leið í Háskólann á Akureyri og stefnir því á að vera hjá KA næstu 3 árin en Fannar kemur á láni út tímabilið.

Íslenska landsliðið í hópfimleikum bæði í kvenna og mix flokki verða með sýningu í íþróttamiðstöðinni við Giljaskóla fimmtudaginn 2.ágúst kl.16.00.Frítt er inn á sýninguna og ætlar FIMAK að vera með sjoppu.

Á morgun mætir KA Leikni frá Reykjavík í gríðarlega mikilvægum leik, eins og allir leikir eru þetta tímabilið. Eftir 12 leiki er KA aðeins 6 stigum frá toppsætinu og því nóg eftir og 30 stig í pottinum. Gunnlaugur Jónsson þjálfari var bjartsýnn þegar heimasíðan heyrði í honum í dag.

KA tekur á móti Leikni R á Akureyrarvelli föstudaginn 27. júlí kl. 18.30 og eru allir KA-menn hvattir til að fjölmenna á leikinn og hvetja strákana.

Gauti Gautason, miðvörðurinn knái í þriðja flokki KA, hefur verið valinn í U-17 landsliðið sem spilar á Norðurlandamóti pilta í Færeyjum dagana 5. til 12. ágúst nk.

FIMAK sér um árlegt kirkjutröppuhlaup sem fram fer föstudaginn 3.ágúst kl.16.00.Dagskrá hefst kl.15.00 með heimsókn frá Leikhópnum Lottu.Kirkjutröppuhlaupið fer þannig fram að hlaupið er ein ferð upp allar tröppurnar.

Fram að verslunarmannahelgi verður skrifstofa félagins opin á þesusm tímum: Þriðjudag: 14.00-16.00 Miðvikudag: 11.00-13.00 Fimmtudag: 14.00-16.00.

Íslandsmótið hjá 2.flokk er hálfnað en liðið leikur í B-deild eftir sárt fall síðasta haust, gengi liðsins hefur verið upp og niður og liðið sýnt frábæra takta inná milli til að mynda sigraði liðið ÍR efsta lið deildarinnar þá 3-0 á útivelli en engu að síður situr liðið í 8.sæti deildarinnar með 8 stig en 10 lið skipa deildina.

Hægt er að sjá mörkin og helstu atvikin úr 5-1 sigri KA á ÍR í gær með því að smella á lesa meira