Fréttir

Bókaútgáfan Tindur hefur gefið út bókina Íslensk knattspyrna 2012 eftir Víði Sigurðsson en þetta er 32. árið í röð sem árbók knattspyrnunnar á Íslandi kemur út.

Árleg jólaæfing 8. og 7. flokks (strákar og stelpur) verður laugardaginn 15. desember kl 10-11. Þar verður farið í skemmtilega leiki og óvæntir gestir munu kíkja í heimsókn. Foreldrar og systkini eru velkomin að koma og horfa á eða taka þátt í æfingunni. Yngstu flokkarnir munu svo fara í jólafrí í samræmi við skólana í bænum. 

Fyrsti æfingaleikur vetrarins fór fram á laugardaginn þegar KA mætti Þórsorum í Boganum. Eitthvað vantaði af leikmönnum í bæði lið en Þórsarar tefldu þó fram nokkrum reynsluboltum í byrjunarliðinu.

Bjarni Fritzson, annar þjálfari Akureyrar Handboltafélags var í viðtali á sjónvarpsstöðinni N4 í gær þar sem hann ræddi við Hildi Jönu um leikinn, Akureyrarliðið og ekki síst segir hann frá gerð kennsludisksins Frá byrjanda til landsliðsmanns. Þá eru sýnd myndbrot af diskinum.

Þá er komið að síðasta tækifærinu til að sjá Akureyrarliðið á heimavelli á þessu ári. Mótherjarnir eru engir aðrir en Íslandsmeistarar HK og það er til mikils að vinna í dag. Til viðbótar hve baráttan er hörð í deildinni þá er einnig í húfi þátttökuréttur í deildarbikarkeppni efstu fjögurra liða N1 deildarinnar að aflokinni 12. umferð. Athugið að leikurinn í dag hefst klukkan 19:15, fimmtán mínútum síðar en venjulega.

Sex krakkar frá Tennis- og badmintondeild KA fóru á Unglingamót TBS á Siglufirði sl. laugardag, 1 desember. Þau sem tóku þátt fyrir hönd TB-KA voru Kristín Halldórsdóttir, Viktor Már Árnason, Helgi Brynjólfsson, Sigmar Ágúst Reykjalín Hjelm, Anton Heiðar Erlingsson og Snorri Már Óskarsson en bæði Kristín og Snorri Már voru að keppa á sínu fyrsta badmintonmóti. Allir krakkarnir stóðu sig mjög vel, Viktor sigraði í einliðaleik í flokki U-11, Helgi sigraði í einliðaleik í flokki U-13 og Helgi og Sigmar sigruðu í tvíliðaleik í flokki U-13. Allir skemmtu sér mjög vel og endað var á að fara saman út að borða á Siglufirði áður en haldið var heim.  

Mjög reglulega eru föt og skór tekin í misgripum í fataklefum eða anddyri íþróttamiðstöðvarinnar.Það auðveldar alla úrvinnsu ef þessir hlutir eru vel merktir, því þá er í mörgum tilfellum hægt að rekja hvar hlutirnir eru og leiðrétta.

Leikur KA og Fylkis í blaki kvenna fór fram í KA-heimilinu á Akureyri á laugardaginn. Leikurinn var jafn og spennandi.Leikur beggja liða var þó nokkuð kaflaskiptur. Fylkir vann fyrstu hrinuna 25-21 eftir að KA hafði verið yfir 12-7. KA vann aðra og þriðju hrinu 25-18 og 25-20. Í fjórðu hrinu gerðu KA stúlkur mikið af mistökum og vann Fylkir hrinuna auðveldlega 25-15. KA tók sig á í fimmtu hrinu og sigraði hrinuna örugglega 15-7 og þar með leikinn 3-2.  Það er skemmtilegt frá því að segja að mæðgur áttust við í leiknum. Hugrún Ólafsdóttir leikmaður Fylkis er mamma Dagnýar Ölmu Jónasdóttur leikmanns KA. Meðfylgjandi er mynd af þeim mæðgum fyrir leikinn.

Nú er að koma út fyrsti kennsludiskurinn í handknattleik sem gefinn er út á Íslandi. Diskurinn nefnist Frá byrjanda til landsliðsmanns og það eru þeir Bjarni Fritzson og Sturla Ásgeirsson sem hafa veg og vanda að gerð disksins en þeir hafa einnig fengið marga af okkar bestu handknattleiksmönnum í lið með sér á diskinum. Diskurinn fer í almenna sölu þann 7. desember og er að sjálfsögðu skyldueign og draumajólagjöf allra handknattleiksáhugamanna.

3.fl kvenna í knattspyrnu er með RISA BINGÓ í Brekkuskóla á morgun Laugardag.. þar verða fullt af vinningum og má þar nefna sæti í Arsenalskólanum. Allir vinningar eru 10.000 kr virði eða meira. Bingóið hefst kl 14. sjá nánar á mynd hægrameginn á Kaffi og kaffi selt í hléi á 350 kr Spjaldið kostar 500 kr Allur ágóði af Bingóinu fer uppí utanlandsferð hjá stelpunum sem farin verður næsta sumar.