Fréttir

12.janúar næstkomandi verður haldin heljarinnar veisla í KA heimilnu þar sem fagnað verður 85 ára afmæli KA. Miðar eru komnir í sölu og fást í KA heimilinu.

Sú skemmtilega hefð hefur verið nokkur undanfarin ár að ýmsir kappar sem gerðu garðinn frægan með yngri flokkum KA hittast í KA heimilinu á annan í jólum og rifja upp forna takta. Það er Davíð Már Kristinsson sem hefur haft forgöngu um þennan hitting og að sjálfsögðu var mikil gleði ríkjandi þegar strákarnir komu saman í ár.

Öllum KA-mönnum nær og fjær - félagsmönnum, iðkendum í öllum deildum félagsins, þjálfurum, foreldrum, stuðningsmönnum og styrktaraðilum - og landsmönnum öllum - sendum við hugheilar óskir um gleðilríka og friðsæla jólahátíð og farsæld og fögnuð á árinu 2013. Stjórn og starfsfólk Knattspyrnufélags Akureyrar.

Við óskum iðkendum okkar og fjölskyldum þeirra, þjálfurum og öðru starfsfólki félagsins gleðilegra og kærleiksríkra jóla og farsældar á nýju ári.Þökkum fyrir samskiptin á árinu sem er að ljúka.

Á milli jóla og nýárs kemur til okkar danskur danskennari að nafni Matte Svarrer sem ætlar að kenna I-1 nýjan Team Gym dans.

Kæru iðkendur, þjálfarar , stjórnarmenn, framkvæmdastjóri  og aðrir félagsmenn KA! Ég óska ykkur öllum innilega gleðilegra jóla og farsæls nýs árs. Takk fyrir samstarfið á árinu sem er að líða. Ég vil þakka sérstaklega öllum okkar frábæru sjálfboðaliðum sem leggja ómælt af mörkum fyrir félagið. Með KA kveðju, Hrefna

Nú eru vörurnar sem pantaðar voru loksins að streyma í hús.Hægt verður að nálgast þær á morgun á skrifstofu FIMAK á eftirfarandi tímum: 11.00-13.00 og 15.00-17.00.Jafnframt er eitthvað til af vörum ef einhverjir þurfa að redda jólagjöf á síðustu stundu.

Frestur til að sækja um styrk úr Minningarsjóði Jakobs Jakobssonar rennur út föstudaginn 28. desember nk. og eru því þeir sem hyggjast sækja um styrk úr sjóðnum hvattir til að senda sem fyrst inn umsókn.

Jólaæfing hjá yngstu iðkendunum í handbolta var haldin um síðustu helgi .  þar  mættu um 100 krakkar með foreldrum og systkinum og tóku vel á því bæði í leik og söng.  Þjálfarar voru með skemmtilega leiki fyrir börnin og óvæntir rauðklæddir gestir mættu á staðinn með gott í poka og tóku lagið með krökkunum.   Jólasveinarnir höfðu orð á því að krakkarnir hefðu verið einstaklega skemmtileg, stillt og prúð.