Fréttir

  Fyrr í þessum mánuði opnaði vefurinn Úrslit.net en þar er hægt að sjá úrslit og markaskorara úr öllum fótboltaleikjum sem fara fram hér á landi.

Íslensku strákarnir í U-17 landsliðinu í knattspyrnu gerðu sér lítið fyrir í dag og tryggðu sér sæti í úrslitakeppni Evrópumóts landsliða. Þetta er frábær árangur og undirstrikar enn og aftur hversu öflugt þetta landslið er. Íslendingar sigruðu Litháa í dag með fjórum mörkum gegn engu á sama tíma og Danir lögðu Skota 3-2. Íslendingar og Danir hlutu jafn mörg stig, en Ísland fer áfram í úrsitakeppnina með einu marki betra markahlutfall en Danir. Stórsigurinn í dag gerði því gæfumuninn. Sem fyrr var KA-maðurinn Fannar Hafsteinsson í marki Íslands í dag og hinn fulltrúi KA í liðinu, Ævar Ingi Jóhannesson, kom inn á á 44. mínútu.  

Skrifstofan verður opin frá 16:30-18:00 mánudag 26.mars.en ekki 16:30-19:00.Bendi á opnunartíma á þriðjud.11:00-13:00 og á fimmtud.15:00-17:00.

Það er mikið undir í leik Gróttu og KA/Þór á miðvikudaginn þegar liðin mætast á Seltjarnarnesinu. Bæði lið eiga eftir að spila tvo leiki í deildinni þar sem Grótta er í 6. sæti með 9 stig en KA/Þór í því 7. með 8 stig.  Efstu sex liðin fara síðan í úrslitakeppnina þannig að allar líkur eru á því að sigurliðið í þessum leik fái sæti í úrslitakeppninni.

KA varð að sætta sig við 2-1 tap gegn úrvalsdeildarliði Keflavíkur í Lengjubikarnum í Reykjaneshöllinni í gær. Jóhann Helgason skoraði mark KA í síðari hálfleik.

KA sækir Keflvíkinga heim í dag suður með sjó í Lengjubikarnum. Bæði lið sigla fremur lygnan sjó í þessum riðli.

Hér má finna skipulagið fyrir Akureyrarfjör 2012.Aðgangseyrir á mótið er kr.500,- fyrir 15.ára og eldri.Fólk greiðir einu sinni fyrir alla helgina.Keppendur á Akureyrarfjöri greiða sig ekki inn á mótið og ekki eru rukkuð mótagjöld að þessu sinni.

Allar júdóæfingar falla niður í dag 23. mars vegna Íslandsmóts fullorðinna.

Íslensku strákarnir í U-17 landsliðinu sigruðu heimamenn í Skotlandi í kvöld í öðrum leik sínum í milliriðli Evrópumóts landsliða með einu marki gegn engu. KA-strákarnir Fannar Hafsteinsson og Ævar Ingi Jóhannesson stóðu vaktina í leiknum, Fannar varði mark Íslands og Ævar Ingi kom inn á 56. mínútu leiksins. FH-ingurinn Kristján Flóki Finnbogason skoraði mark Íslands á 43. mínútu leiksins.

Stelpur úr m.fl Þór/KA kíktu í vikunni á æfingu hjá 5.fl. , 6.fl, og 7.fl kvenna. Þær eru nýbúnar að gefa út dagatal fyrir árið 2012 en þetta er árlegt hjá stelpunum.