Fréttir

Eins og flestir ættu að vita eigast KA og HK við í annað skipti á fjórum dögum á laugardaginn. Á miðvikudaginn fóru KA-menn með 3-2 sigur af hólmi eftir framlengdan baráttuleik. HK-ingar börðust vel í leiknum og Tómas Ingi, þjálfari þeirra, getur verið sáttur með það. Heimasíðan heyrði í Tómasi eftir leikinn og spurði hann út í leikinn sem og viðureign liðana á laugardaginn.

Á morgun mætast KA og HK í annað sinn á fjórum dögum. Í þetta skiptið mætast liðin í fimmtu umferð fyrstu deildarinnar. Liðin mættust í 32 liða úrslitum Visa bikarsins á miðvikudaginn og fóru KA-menn með sigur af hólmi, 3-2 eftir framlengdan leik. Mörk KA manna komu frá Andra Fannari sem skoraði tvö og svo Guðmundi Óla sem skoraði stórglæsilegt mark með viðstöðulausu skoti utan teigs.

Nú fyrr í kvöld áttust við KA og HK á KA-vellinum í 32 liða úrslitum VISA-bikarsins. Búast mátti við hörkuleik enda um tvö góð lið að ræða og sú varð raunin. KA-menn börðust allan leikinn af krafti og eiga hrós skilið fyrir. Umfjöllun með myndum.

KA-menn unnu HK á KA-vellinum í 32-liða úrslitum í kvöld eftir framlengingu. Nánari umfjöllun og myndaveisla á leiðinni.

Vinir Sagga ætla að hita upp fyrir leikinn gegn HK á morgun með því að hittast á veitingastaðnum Bryggjunni og gera sig klára í leikinn sem fer fram á KA-svæðinu.

KA leitar að metnaðarfullum þjálfurum frá og með næsta hausti sem eru tilbúnir að leggja sitt af mörkum til að efla yngri flokkana hjá félaginu og vinna skv. stefnu félagsins. Reynsla af þjálfarastörfum og þjálfaramenntun frá KSÍ er skilyrði.

Á miðvikudaginn 2. júní hefjast 32 liða úrslit VISA bikarsins. HK ingar koma í heimsókn á KA völlinn og hefjast leikar klukkan 19.15. KA menn hafa oft verið nokkuð góðir í bikarnum og slegið út mörg af stóru liðunum. Liðinu hefur hinsvegar ekki gengið nægilega vel í byrjun tímabilsins en vonandi að liðið nái sigri í þessum leik.

KA menn hafa verið að dala aðeins í síðustu leikjum en það þýðir ekki að stuðningurinn hætti. Vinir Sagga fara vonandi að koma sterkir inn í næstu leikjum og styðja liðið til sigurs í mikilvægum leikjum. Þeir setja oft skemmtilegan og gulan svip á stúkuna í sérhönnuðum bolum fyrir meðlimi.

Nýlega skrifuðu Hagkaup og unglingaráð Handknattleiksdeildar KA undir styrktarsamning. Við undirskriftina voru frá unglingaráði: Sigríður Jóhannsdóttir féhirðir  og Sigurður Tryggvason formaður.  Frá Hagkaup voru Þórhalla Þórhallsdóttir verslunarstjóri á Akureyri og Gunnar Ingi Sigurðsson framkvæmdastjóri Hagkaupa.

Það var heldur kalt í veðri þegar KA menn heimsóttu Njarðvíkinga í kvöld á rennisléttan og flottan Njarðtaksvöll þeirra heimamanna. Umfjöllun um leikinn og tengill á myndaveislu.