Fréttir

Strax frá byrjun tóku Stjörnustelpur frumkvæðið og héldu því allt til loka leiks. Staðan í hálfleik var 13-20 fyrir Stjörnuna og lokatölur 25-36. Eins og sést á úrslitum var lítið um tilþrif i vörninni. Stelpurnar virkuðu oft á tíðum hálf áhugalausar og nánast horfðu á Stjörnustelpur labba í gegnum vörnina aftur og aftur. Skytturnar hjá Stjörnunni fengu þann frið sem þær vildu til að athafna sig og línumaðurinn skottaðist fyrir aftan dapra vörn norðanstúlkna eins og hún vildi. Þá skipti engu í hverslags varnarafbrigði var skipt, alltaf léku þær naut og nautabana við Stjörnustelpur.

Stelpurnar í 4. flokk kvenna léku sinn fyrsta leik á tímabilinu á laugardaginn var. Leikurinn byrjaði ágætlega. Vörn KA stúlkna var sterk og áttu Víkingsstúlkur í miklum vandræðum með að finna glufu á vörninni. Sóknarlega virkuðu heimastúlkur frekar óstyrkar og áttu í miklum erfiðleikum með einföldustu aðgerðir.

Á laugardaginn spiluðu strákarnir í 4. flokki gegn HK. A-liðin léku klukkan 14:00 og var strax ljóst að yfirburðir KA strákanna voru algerir. Í hálfleik höfðu þeir örugga forystu 15-8 og í seinni hálfleik bættu þeir enn í og stórsigur niðurstaðan, 34-18. Strax á eftir mættust B2 liðin og bættu KA strákarnir um betur og kafsigldu Kópavogspiltana. Staðan í hálfleik var 15-3 fyrir KA og lokatölur 35-10. Hér á eftir eru nokkrar myndir frá leikjunum.

Íslands- og bikarmeistarar Stjörnunnar sýndu það í gær að það er ekki að ástæðulausu að þær eru topplið íslenska kvennahandboltans. Þar er valinn maður í hverju rúmi og ekki spillir fyrir að í markinu stendur besti markvörðurinn sem leikur hér á landi. Leik KA/Þór og Stjörnunnar lauk með þrettán marka sigri gestanna 19-32 eftir að hafa leitt 10-17 í hálfleik. Hér á eftir fer umfjöllun Þrastar Ernis Viðarssonar úr Vikudegi.is ásamt myndum frá Þóri Tryggvasyni.

Það er ekki laust við að verði risaleikur á laugardaginn klukkan 16:00 þegar KA/Þór taka á móti Íslands- og bikarmeisturum Stjörnunnar. Það er góðkunningi okkar, Atli Hilmarsson sem þjálfar liðið. Stjarnan er í toppbaráttunni sem stendur með fjóra sigra úr fimm leikjum, þær töpuðu fyrsta leiknum gegn Val sem eru fyrir vikið í toppsætinu.

Það verður mikið um að vera hjá yngri flokkunum á laugardaginn. Strax klukkan 9:00 hefst æfingamót hjá 6. flokki og byrjendaflokki þar sem þátt taka KA, Þór og Völsungur, 6 fl. kl.9-10 og byrjendur 10-11:30 Klukkan 11:50  leikur KA gegn Víkingum  í 4. flokki kvenna A lið Klukkan 13:00  KA2 gegn HK í 4. flokki karla B lið Klukkan 14:00  KA gegn HK í 4. flokki karla A lið Og klukkan 18:00  KA gegn Aftureldingu í 3. flokki karla A lið

Í dag, fimmtudag, heldur Akureyrarliðið suður á Seltjarnarnes og leikur þar við spútniklið Gróttu sem hefur svo sannarlega sýnt það sem af er að þeir eru sýnd veiði en ekki gefin. Þeir félagar á SportTV.is hafa nú tilkynnt að leikurinn verði í beinni útsendingu hjá þeim og er ástæða til að fagna þeim tíðindum. Leikurinn hefst klukkan 18:30 á fimmtudaginn. Hægt verður að horfa á leikinn í KA - Heimilinu!

Stelpurnar í A liði 3. flokks kvenna mættu Haukum á sunnudagsmorgun og má segja að heimastúlkur hafi ekki verið almennilega vaknaðar þegar leikurinn byrjaði. Haukar náðu strax forskoti á meðan KA/Þór stúlkur spiluðu langt undir getu framan af. Með ágætum leikkafla tókst heimastúlkum þó að jafna leikinn fyrir hlé, staðan 10-10 í hálfleik.

Kæru foreldrar/forráðamenn Nú er komið að seinni innheimtudögunum hjá okkur í handboltanum, þeir sem ekki hafa gengið frá æfingagjöldum vetrarins eru  vinsamlega beðnir um að  koma við í KA heimilinu, eða hafa samband svo hægt sé að ganga frá skráningu iðkenda.  Æfingagjöldin er hægt að greiða annaðhvort með peningum eða skipta greiðslum á greiðslukort. Einnig er hægt að fylla út blað sem sent er til greiðsluþjónustu bankanna.  Ef menn vilja millifæra þá er bankanúmerið 0162-05-63299 kt. 450902-2680 og muna þá að setja kennitölu iðkanda í skýringu.

Það var ekkert gefið eftir á laugardaginn þegar KA/Þór tók á móti Haukum í N1 deild kvenna. Þórir Tryggvason var á staðnum með myndavélina og sendi okkur nokkur athyglisverð augnablik úr leiknum.