Fréttir

Engar æfingar verða hjá yngriflokkum KA sem og hjá öðrum félögum á meðan samkomubanni stendur á en þetta varð ljóst í dag með tilkynningu frá Íþrótta- og Ólympíusambandi Íslands. Við birtum hér yfirlýsingu ÍSÍ og hvetjum ykkur öll að sjálfsögðu til að fara áfram varlega

Stjórn BLÍ og mótanefnd sambandsins sendu í dag frá sér að keppni í Mizunodeildum karla- og kvenna í blaki sé aflýst. Lokastaða mótanna verður staðan sem var mánudaginn 16. mars og ljóst að KA er því Deildarmeistari í blaki kvenna tímabilið 2019-2020

KA kom öllum á óvart sumarið 1989 þegar liðið hampaði Íslandsmeistaratitlinum í knattspyrnu í fyrsta skiptið. Framganga liðsins er eitt af mestu ævintýrum í íslenskri knattspyrnu og gaf þar tóninn að vígi Reykjavíkurrisanna væri langt frá því að vera óvinnandi

Knattspyrnufélag Akureyrar eignaðist sína fyrstu Íslandsmeistara á stórum velli í knattspyrnu sumarið 1988 þegar 2. flokkur kvenna gerði sér lítið fyrir og vann alla leiki sína og hampaði titlinum stóra. Reyndar hafði 6. flokkur karla hampað óopinberum Íslandsmeistaratitli árið 1985 en sigur stúlknanna var sá fyrsti sem er talinn á opinberu móti

Það er komið að því að rifja upp oddaleik KA og Vals um Íslandsmeistaratitilinn í handbolta árið 2002. KA liðið sem hafði lent 2-0 undir hafði jafnað einvígið í 2-2 og tókst loks hið ómögulega og hampaði titlinum eftir frábæran síðari hálfleik í oddaleiknum sem vannst 21-24 að Hlíðarenda

Í tilefni af 30 ára afmælis Íslandsmeistaratitils KA í knattspyrnu fór KA af stað með sölu á sérstökum afmælistreyjum af varatreyju liðsins árið 1989. Liðið lék einmitt í bláu treyjunum góðu þegar titillinn var tryggður í Keflavík í lokaumferðinni. Á afmælistreyjunni eru áletruð úrslit sem og dagssetning leiksins og á bakinu stendur smátt Lifi Fyrir KA

Herrakvöld KA sem fram átti að fara laugardaginn 28. mars næstkomandi með pompi og prakt á Hótel KEA hefur verið frestað um óákveðinn tíma. Það er engan bilbug að finna á okkur og við munum gera okkur glaðan dag þegar þessum óvissutímum lýkur

Úrslitaeinvígi KA og Vals um Íslandsmeistaratitilinn í handbolta árið 2002 var ógleymanlegt. KA liðið tapaði fyrstu tveimur leikjunum og var því komið í ansi erfiða stöðu enda þurfti Valur aðeins einn sigur í viðbót til að tryggja sér titilinn

KA lék í fyrsta skiptið í Evrópukeppni í knattspyrnu sumarið 1990 þegar liðið tók þátt í Evrópukeppni meistaraliða eftir að hafa hampað Íslandsmeistaratitlinum sumarið 1989. KA liðið fékk ansi erfitt verkefni en andstæðingar liðsins voru hinir margföldu búlgörsku meistarar CSKA Sofia