Fréttir

Á morgun munu okkar menn spila sinn annan leik í 1. deildinni þetta sumarið. Mótherjarnir að þessu sinni eru þeir Fjarðarbyggðarmenn. Leikurinn er hinsvegar spilaður á Reyðarfirði innandyra þar sem engir aðrir vellir eru tilbúnir undan vetri.

Minnum á að æfingar falla niður á morgun, uppstigningardag.Sjáumst hress á föstudag.kveðja Starfsfólk FIMAK.

KA og Fram skildu jöfn í skemmtilegum leik á laugardaginn var. Leiknum lyktaði með 3-3 jafntefli. Næsti leikur KA er á laugardaginn kl. 14:00 gegn Fjarðarbyggð fyrir austan

Nýverið tilkynnti HSÍ um val á úrtakshópum í landslið U-15 drengja og stúlkna, og U17 drengja og stúlkna. KA á þrjá fulltrúa í hópnum og KA/Þór á fjóra. Við óskum þessum krökkum til hamingju með valið.

Helgina 9.-10.maí fór fram Mínervumót Bjarkanna.Að þessu sinni fóru 30 keppendur frá FIMAK á mótið og kepptu þar í 6.og 5.þrepi íslenska fimleikastigans í alls 5 liðum.

Þá er loksins komið að því. KA - Fram kl. 16:00 í dag. Leikurinn er á KA-velllinum. Áður en haldið er á völlinn mælum við með því að kíkja á þetta myndband, þar sem fyrirliðinn fer yfir sumarið sem er á næsta leiti...

Það er aðeins rétt rúmur sólarhringur í að Guðmundur Ársæll Guðmundsson flauti leik KA og Fram á í 1. deild karla í knattspyrnu á KA-vellinum. Í tilefni af því tók heimasíðan Ævar Inga Jóhannesson í létt spjall um sumarið og veturinn sem er að baki. Eins og hefur margoft komið fram hefst leikur KA og Fram kl. 16:00 á morgun, laugardag, á KA-vellinum. Ársmiðar eru til sölu upp í KA-heimili.

Ekki nóg með að kynningarkvöld KA sé í kvöld kl. 20:00 heldur eru aðeins tveir dagar í fyrsta leikinn! Leikurinn sjálfur er gegn Fram og hefst kl. 16:00 á laugardaginn á KA-vellinum. Í dag ætlum við hinsvegar að kynna til leiks Ben Everson, Archange Nkumu og Callum Williams, þrjá Breta sem hafa samið við KA fyrir sumarið. Heimasíðan tók þá í létt spjall og ræddi við þá um veruna á Íslandi og komandi sumar.

Í kvöld klukkan 20:00 fer fram kynningarkvöld knattspyrnudeildar KA í KA-heimilinu, en þar munu þjálfarar liðsins kynna lið sumarsins til leiks. Ársmiðasala hefst og verða léttar veitingar í boði fyrir gesti og gangandi. Þessi kvöld eru ávalt skemmtileg og góð upphitun fyrir stórleikinn á laugardaginn þegar að Fram kemur í heimsókn á KA-völl kl. 16.00. Við hvetjum alla KA-menn, og áhugafólk um knattspyrnu að líta við í kvöld og ekki síður á leikinn á laugardaginn.

Nú þegar aðeins þrír dagar eru í leik KA og Fram í 1. deild karla í knattspyrnu heldur heimasíðan uppteknum hætti í upphitun fyrir sumarið. Hrannar Björn Steingrímsson hefur verið lykilleikmaður hjá KA undanfarið en hann er einmitt bróðir þeirra Hallgríms Mar og Guðmundar Óla sem leikið hafa áður með liðinu. Við gripum Hrannar í létt spjall um komandi sumar! Fylgist með