Fréttir

Liverpool goðsögnin Robbie Fowler skrifaði nú rétt í þessu undir samning við KA sem nær út komandi keppnistímabil. Það er ljóst að Robbie mun verða góð viðbót við KA-liðið enda með áralanga reynslu úr ensku úrvalsdeildinni þar sem hann er einn markahæsti leikmaður deildarinnar frá upphafi.

Hægt er að fullyrða að KA-völlurinn niður í bæ komi talsvert betur undan vetri en í fyrra. Ég fór niður á völl í gær og tók mynd því til staðfestingar.

Fyrr í kvöld tók KA á móti Tindastóli en greinilegt var að margir tókur spurningabombuna í sjónvarpinu (Gettu betur) fram yfir leikinn því fámennt var í Boganum, svo sem skiljanlegt er, enda lokaþáttur bombunnar, en nóg um það.

KA-menn taka á móti Tindastóli í Lengjubikarnum í Boganum í kvöld kl. 20. Þetta er næstsíðasti leikur KA-manna í Lengjubikarnum, síðasti leikur liðsins í mótinu verður eftir páska gegn ÍBV syðra.

Þá er komið að lokaleiknum í N1 deild kvenna þegar KA/Þór tekur á móti stórliði Vals. Með sigri á KA/Þór möguleika á að komast í úrslitakeppnina í fyrsta sinn. Valsmenn geta hins vegar tryggt sér deildarmeistaratitilinn með sigri. Komið og sjáið spennandi lokaleik deildarkeppninnar í vetur.  Aðgangur ókeypis.

Á aðalfundi KA sl. þriðjudag lá fyrir formleg ósk frá Tennis- og badmintonfélagi Akureyrar um aðild að KA. Aðalfundurinn samþykkti án mótatkvæða aðildina og því er ljóst að á þessu ári tekur til starfa ný deild innan KA.

Á aðalfundi KA veitti Haukur Jakobsson viðtöku fyrir hönd KA forláta styttu, sem ættfræðingurinn Oddur Friðrik Helgason ákvað að færa KA að gjöf.

Knattspyrnufélag Akureyrar var rekið með tæplega 3,8 milljóna króna hagnaði á árinu 2011. Þetta kom fram á aðalfundi félagsins sl. þriðjudag. Stjórn félagsins er óbreytt frá fyrra ári.

Steindór Gunnarsson hefði orðið 65 ára í dag, 30. mars, hefði hann lifað. Steindór lést á Kanaríeyjum þann 19. mars 2011 og var til moldar borinn 1. apríl, fyrir réttu ári. Steindórs verður ætíð minnst sem eins harðasta KA-manns allra tíma. Hann unni félaginu af heilum hug og lagði því til ómælda vinnu, sem aldrei verður fullþökkuð. Minning um góðan dreng lifir.

Í dag var hafist handa við að fjarlægja gömlu trébekkina úr stúku Akureyrarvallar, en í þeirra stað koma tæplega 700 aðskilin sæti í stúkuna, samkvæmt kröfu leyfiskerfis KSÍ.