Fréttir

Norðurlandsmótið í fótbolta í Boganum - sem í fyrra hét Soccerademótið en í ár Hleðslumótið - hefst nk. laugardag, 7. janúar, þegar bæði KA 1 og KA 2 eiga leiki. KA 1 spilar gegn Magna og KA 2 gegn Dalvík-Reyni.

Hinar fjórar deildir KA hafa nú tilnefnt jafn marga einstaklinga úr sínum röðum, er munu keppa um titilinn Íþróttamaður KA árið 2011. Úrslit þess kjörs verða að venju tilkynnt í árlegri afmælishátíð félagsins þann 8 janúar n.k. en eins og flestir félagsmenn vita þá var KA stofnað þann 8. janúar 1928.

Knattspyrnufélag Akureyrar óskar félagsmönnum sínum, starfsfólki, stuðningsmönnum, styrktaraðilum og Íslendingum öllum gæfu og gengis á árinu 2012 með þökk fyrir árið sem er að líða. KA-heimilið verður lokað á nýársdag og mánudaginn 2. janúar, en það verður síðan aftur opnað þriðjudaginn 3. janúar. Gleðilegt ár!

Innanhússmótið í fótbolta í KA-heimilinu síðdegis í gær tókst með miklum ágætum og voru keppendur hinir ánægðustu með hvernig til tókst. Þegar upp var staðið höfðu félagarnir í liðinu "1991" sigur eftir æsilegan úrslitaleik við Meistarana, sem sigruðu í mótinu fyrir tveimur árum. Þátttakendur höfðu á orði eftir mótið að þetta mót yrði að vera árlegur viðburður og eigum við ekki bara að hafa það sem nýársheit að svo verði!

Samherji hf.boðaði til móttöku síðdegis í gær í KA-heimilinu á Akureyri og afhenti við það tækifæri styrki til ýmissa samfélagsverkefna á Eyjafjarðarsvæðinu upp á 75 milljónir króna.

A2, A4, A5 og M2 og M5 hafa fengið breyttan æfingatíma á vorönn ásamt nokkrum breytingum á þjálfurum.Eins hefur I7 fengið breyttana æfingatíma á vorönn ásamt nýjum þjálfara.

Nú er allt orðið klárt fyrir mótið á morgun. Mótið hefst kl 17.00 stundvíslega og ætlum við okkur að láta þetta ganga smurt fyrir sig. Við viljum biðja lið að vera klár í leiki strax og þeirra leikur á að hefjast svo við náum að ljúka þessu á tilsettum tíma.

Útgerðarfyrirtækið Samherji styrkti í dag íþrótta- og æskulýðsstarf á Akureyri og í Dalvíkurbyggð svo og nokkur önnur samfélagsverkefni um samtals 75 milljónir króna. Í hópi þeirra fjölmörgu íþróttafélaga sem fengu úthlutað fjárstyrk frá Samherja er KA. Úthlutun styrkjanna fór fram í veglegu hófi sem Samherji efndi til í KA-heimilinu í dag. Heiðursgestir við úthlutun styrkjanna voru forsetahjónin, Ólafur Ragnar Grímsson og Dorrit Moussaieff.

Nú hefur verið lokað fyrir skráningu á innanhússmótið sem fram fer í KA-heimilinu 30. desember næstkomandi. Alls eru skráð 9 lið til leiks en það er tveimur liðum meira en á sama tíma fyrir 2 árum síðan.

Í dag urðu fagnaðarfundir í KA heimilinu þegar þar mættu um það bil 25 handboltakappar sem ólust að mestu upp í KA heimilinu fyrir nokkrum árum. Það var Davíð Már Kristinsson sem hafði veg og vanda að því að smala saman gömlum handboltafélögum úr árgöngum 1985 til 1991. Stillt var upp í mót þriggja aldursskiptra liða og leikin þreföld umferð undir styrkri mótsstjórn Jóhannesar Bjarnasonar og Einvarðs Jóhannssonar sem dæmdu leikina. Þó fengu Andri Snær Stefánsson og Siguróli Magni Sigurðsson einnig að spreyta sig á flautunni. Það fór svo að lokum að yngsta liðið fór með sigur af hólmi, en mestu skipti að koma saman, hitta félagana og að allir sluppu ómeiddir frá gleðinni.