Fréttir

Sunnudaginn 3.apríl fer fram uppfærsla á vefþjónum Stefnu ehf.Má búast við tímabundnum truflunum á vef- og póstsamskiptum milli kl.10:00 og 16:00.Við biðjumst velvirðingar á óþægindum sem þetta kann að valda.

Það var einn og einn Akureyringur mættur í Bogann fyrr í kvöld þegar okkar menn hentust í stutta heimsókn yfir í 603. Mjölnismenn voru mættir með gjallarhorn og trommur og heyrðist vel í þeim allan leikinn en af KA- stuðningsmönnum var lítið að frétta nema að sjálfsögðu Hauki Jóhannss en hann kom stöku sinnum með sitt fræga “ ÁFRAM KAAA!!!!!” öskur sem löngum er orðið frægt á Akureyri og víðar.

Í aðdraganda leiksins gegn Þór í kvöld var að sjálfsögðu haft samband við manninn í brúnni, Gunnlaug Jónsson. Hann býst við hörku leik og vonast til að sjá sem flesta. En Hvernig er staðan á leikmannahópnum?

Þrjár stelpur úr KA/Þór hafa verið valdar í landsliðsúrtak í U-15 ára landsliðið, það eru þær Arna Kristín Einarsdóttir, Birta Fönn Sveinsdóttir og Hulda Bryndís Tryggvadóttir. Liðið æfir í Mýrinni í Garðabæ dagana 18.-20. apríl undir stjórn Díönnu Guðjónsdóttur og Unnar Sigmarsdóttur.

Bandaríkjamaðurinn Dan Howell, sem verið hefur á reynslu hjá KA síðustu vikur, gerði í dag samning við félagið sem gildir út komandi keppnistímabil.

Knattspyrnufélag Akureyrar var rekið með 5 milljóna króna hagnaði á síðasta rekstrarári. Þetta kom fram á aðalfundi félagsins nú síðdegis. Hagnaður var af rekstri allra deilda félagsins nema handknattleiksdeildar, en þar var lítilsháttar tap. Þá var aðalstjórn félagsins rekin með hagnaði.

Guðmundur Óli er löngu orðinn lykilmaður í liði KA og sló heimasíðan á þráðinn til hans og spurði hann útí leikinn gegn Þór

Það verður heldur betur fjör í Íþróttahöllinni á fimmtudaginn þegar Akureyri Handboltafélag tekur á móti Aftureldingu úr Mosfellsbæ í næstsíðustu umferð N1 deildarinnar. Leikurinn hefst klukkan 19:30 sem er nokkru síðar en vanalega tíðkast. Ástæðan er sú að í reglum HSÍ er kveðið á um að allir leikir í tveim síðustu umferðum deildarinnar skuli fara fram samtímis. Í leikslok á fimmtudaginn verður síðan stór stund í sögu handboltans hér á Akureyri en þá verður liðinu afhentur bikarinn sem tilheyrir Deildarmeistaratitlinum. Við treystum því að hinir frábæru stuðningsmenn fjölmenni á leikinn og taki þátt í bikarafhendingunni enda eiga stuðningsmenn liðsins drjúgan þátt í titlinum.

Upphitun fyrir leikinn gegn Þór hefst hér með formlegum hætti. Ég hitti á nokkra KA menn og einn Þórsara og leyfði þeim að spreyta sig á spádómshæfileikum sínum. KA menn eru bjartsýnir á sigur en að sjálfsögðu spáði Þórsarinn Jan Eric Jessen fótboltadómari sínum mönnum sigur.

Aðalfundur KA fer fram í kvöld og hefst hann kl. 18. Á dagskrá eru venjuleg aðalfundarstörf.  Félagsmenn eru hvattir til þess að fjölmenna.