Fréttir

Marteinn Friðriksson, fyrrverandi formaður  og heiðursfélagi KA, lést þann 18. apríl sl. Knattspyrnufélag Akureyrar þakkar þessum fyrrverandi formanni  sínum fyrir störf hans í þágu félagsins og áratuga tryggð við KA. Marteinn verður jarðsunginn frá Vídalínskirkju í Garðabæ í dag, 29. apríl. Við sendum aðstandendum Marteins kveðjur og vottum þeim samúð okkar

Úrslitaeinvígi Akureyrar og FH heldur áfram í kvöld klukkan 20:15 en að þessu sinni verður leikið í Kaplakrika, heimavelli FH. Akureyrarliðið er staðráðið í að jafna stöðuna í einvíginu og hvetjum við alla stuðningsmenn sem verða staddir í nágrenni Hafnarfjarðar til að fjölmenna á leikinn og taka virkan þátt í baráttunni. „Það er fín stemmning í hópnum hjá okkur. Við erum búnir að fara yfir leikinn á þriðjudaginn og við látum þetta tap ekkert á okkur fá. Það er fullt eftir ennþá og við ætlum að halda áfram á fullum krafti,“ segir Atli Hilmarsson þjálfari Akureyrar í viðtali við Vikudag.

Hinn eiturspræki Svíi Boris Lumbana gekk formlega í raðir KA í gær en hann kemur að láni frá hinu fróma úrvalsdeildarfélagi Örebro. Strákurinn er flottur fótboltamaður, snöggur varnarjaxl. En hann er ekki bara fótboltamaður, o nei, ne,i nei, hann er líka tónlistarmaður og hefur gefið út nokkur lög. Tónlistin sem hann gerir er svokölluð RnB tónlist, en sú stefna tröllríður öllu um þessar mundir og skemmst er að minnast vinsælda hins íslenska Friðriks Dórs í þeim efnum. Heyrst hefur að ónefndir aðilar á Akureyri sem tengjast útvarps- og tónlistarbransanum séu spenntir fyrir Boris og ætli þeir jafnvel að gera eitthvað úr sönghæfileikum hans!

Allar æfingar í KA heimilinu falla niður á morgun föstudaginn 29. apríl vegna Hagnsmótsins sem haldið verður í KA heimilinu. Húsið verður svo lokað 30. apríl og 1. maí.

Sænski varnarmaðurinn Boris Lumbana hefur gengið til liðs við KA og er hann væntanlegur til landsins í dag og mun verða í æfingabúðum með KA-liðinu um helgina.

Laugardaginn 30. apríl stendur yngriflokkastarf KA fyrir árlegu Greifamóti í Boganum fyrir yngstu krakkana, 8. flokk, 7. flokk kk og kvk og 6. flokk kvk. Vel á þriðja hundrað krakkar eru skráðir til leiks.

Í dag skrifuðu knattspyrnumennirnir Þórður Arnar Þórðarson og Sigurjón Fannar Sigurðsson undir nýja tveggja ára samninga við KA.

Þriðja og síðasta Greifamót KA í vetur verður haldið í Boganum nk. laugardag, 30. apríl, og af þeim sökum falla niður æfingar allra flokka í Boganum þann dag. Mótið stendur frá kl. 10 til ca. 15.