Fréttir

Það var margt um manninn í boganum í dag þegar Íslandsmeistararnir kíktu í heimsókn, en fjöldinn hefur ekkert með það að gera að Blikar voru í heimsókn, fólk mætti frekar til að sjá eitt elsta dómaratríó veraldar með Kristin Jakobsson í broddi fylkingar.

3. flokkur karla hefur leik klukkan 13:45 í dag þegar B lið þeirra tekur á móti FH í íslandsmótinu í handbolta. B lið 3. flokks karla er í harðri baráttu um deildarmeistaratitilinn og því um mikilvægan leik að ræða.  Klukkan 16 spila mst. flokkur kvenna í blaki gegn liði Ýmis í KA heimilinu.  Um helgina spilar 4. flokkur kvenna samtals fjóra leiki. Í dag mæta stelpurnar í A liði Haukum klukkan 17:30 í KA heimilinu. A liðið er búið að vera á mikillri siglingu í vetur og hafa einungis tapað einum leik sem einmitt var þeirra fyrsti leikur.  Á morgun, sunnudag spilar B liðið gegn Haukum klukkan 10 og 12 en A liðið spilar klukkan 11 gegn Haukum.  Þannig að ef leiði sækir að um helgina er nóg um að vera í KA heimilinu og um að gera að mæta upp eftir og fylgjast með íþróttaviðburðum helgarinnar.  

Á sunnudaginn koma risarnir frá Kópavogi í heimsókn, en Blikarnir eru eins og allir vita ríkjandi Íslandsmeistar. “Það er alltaf möguleiki í fótboltaleik” sagði Gunnlaugur Jónsson í viðtali við síðuna fyrir leik.

Fréttir síðustu vikna af leikmannamálum hingað til hafa verið á þann veginn að leikmenn séu að fara frá félaginu. Nú hinsvegar skiptum við um gír en KA er búið að fá þrjá stráka á láni til félagsins. Þessir strákar koma frá Breiðablik og FH.

Í gær voru hjá Fasteignum Akureyrarbæjar opnuð tilboð í einstaka verkþætti við endurbyggingu og úrbætur í stúku Akureyrarvallar, sem nú er heimavöllur KA.

Gunnleifur Gunnleifsson landsliðsmarkmaður ætlar að koma norður og vera með markmannsnámskeið fyrir þá sem hafa áhuga á að kynnst því. Gunnleifur kom einni hérna síðasta vetur og lukkaðist það mjög vel. Gunnleifur er einn af okkara betri markmönnum í dag og er um að gera að skrá sig á námskeiðið eða fyrir þjálfara og áhugasama og koma og sjá hvað Gunnleifur er að legga upp með.

Viðtölin sem áttu að birtast hér á síðunni í doktor vikunni runnu í eina skemtilega sögu sem allir er skyldugir til að lesa. KA, Þór, lífið á Akureyri og lífið fyrir KA er meðal þess sem doktorinn ræðir í þessu magnaða viðtali

KA lagði lið Stjörnunnar nokkuð örugglega um helgina.  Hilmar Sigurjónsson fyrrum KA maður mætti á gamla heimavöllinn en gat lítið gert við sigri KA í leiknum.  Heimamenn unnu leikinn örugglega 3-0.  

Á sunnudaginn síðastliðinn mættu HK stelpur í heimsókn í KA heimilið. HK er á toppi deildarinnar með Haukum og Gróttu og hafa á að skipa gríðarlega sterku liði. Eitthvað virtist mannskapurinn á pappírnum hræða heimastúlkur því það er skemmst frá því að segja að liðið náði aldrei að stilla sig af varnarlega og gengu HK stelpur nánast í gegnum vörn KA/Þórs allan leikinn. Hinum meginn á vellinum var reyndar sömu sögu að segja og réð vörn HK engan veginn við Kolbrúnu Gígju né Laufeyju Láru og var leikurinn því nokkuð jafn lengst af en HK leiddi þó alltaf með 2-4 mörkum. Þegar fimm mínútur voru eftir náðu HK stelpur að auka forskotið í 5 mörk og öll von virtist úti enda vörnin engan veginn að gera sig. Síðustu fimm mörk leiksins voru HK mörk og fóru þær því með tíu marka sigur af hólmi. 

Athugið að vegna vetrarfrís í grunnskólum Akureyrar verður frí hjá 7. og 8. flokki karla á föstudag og laugardag og hjá stelpunum á föstudag. Handboltaæfingar verða samkvæmt stundarskrá í næstu viku.