Fréttir

Aðalstjórn KA undir stjórn Erlings Kristjánssonar setti saman annál ársins 2009. Tryggvi Gunnars flutti hann á KA deginum í dag. Hér getur þú lesið hann.

Í dag var 82. ára afmæli KA fagnað á hinum svokallaða KA degi, en hefð er að skapast fyrir að halda hann helgina í kringum afmælisdag KA 8. janúar. Um og yfir 100 manns lögðu leið sína í KA - heimilið, hlustuðu á ræður og gæddu sér á glæsilegum veitingum. Auk þess að lýsa kjöri á íþróttamanni KA, Piotr Slawomir, var farið yfir árið 2009 hjá KA af Tryggva Gunnarssyni, fallinna félaga minnst af Hrefnu Torfadóttur og síðan sló ræðumaður dagsins Sr. Svavar Alfreð sóknarprestur í Akureyrarkirkju í gegn sem ræðumaður dagsins.

Á KA - deginum í dag, sem fram fór í tilefni 82. ára afmæli KA, var íþróttamaður KA kjörinn. Í ár var Piotr Slawomir Kempisty kjörinn. Piotr var valinn besti leikmaður 1. deildar karla 2009 af leikmönnum og þjálfurum deildarinnar er hann stigahæstur í MIKASA deild karla eftir fyrstu fimm umferðir þessa keppnistímabils. Í öðru sæti var Haukur Heiðar knattspyrnumaður og í því þriðja var Helga Hansdóttir júdókona en þau hafa bæði staðið sig virkilega vel á árinu. Heimasíðan óskar þessu frábæra keppnisfólki til hamingju með titlana!

Árið hefur verið viðburðarríkt hjá blakdeild KA einsog reyndar félaginu öllu. Sigurður Arnar, formaður deildarinnar, tók saman helstu viðburði á árinu og bjó til annál ársins 2009 fyrir deildina, hér er hægt að lesa hann.

Fyrsti leikur KA á Soccerade mótinu fór fram í gær en það voru strákarnir í 2. flokk sem riðu á vaðið. Öttu þeir kappi við nágranna okkar úr Eyjarfjarðarsveit, Samherja. Skemmst er frá því að segja að strákarnir unnu leikinn 3-1 og eru nú efsta sæti riðilsins með 2 stig og bestu markatölu. Næstu helgi helgi tekur meistarflokkur (KA1) á móti 2. flokk Þórs, föstudaginn 15. jan kl 19:45 og á laugardag mætir 2. flokkur (KA2) Draupni kl 14:15.

Kvennalið KA fylgdi í fótspor karlanna og vann sinn leik gegn Stjörnunni. Eftir mikið basl í tveimur fyrstu hrinunum náði KA undirtökunum og vann að lokum öruggan 3-1 sigur. Hulda Elma Eysteinsdóttir bar liðið á herðum sér og tók málin í sínar hendur þegar á þurfti að halda. Hún skoraði 27 stig en Auður Anna var með 16 og Birna 14.

Karlalið KA vann Stjörnuna 3-2 í hörku tveggja tíma leik í KA heimilinu í dag.  Stigahæsti maður KA var Piotr Kempisty með 32 stig en Hilmar Sigurjónsson skoraði 18 stig.

Hið árlega Soccerade - mót hófst í dag. Mótið er hugsað sem undirbúningsmót fyrir liðin hér á norðurlandi en alls eru 10 lið skráð til leiks en mótið stendur til 21. febrúar. Fyrsti leikur KA manna á mótinu er á morgun þegar 2. flokkur etur kappi við Samherja úr Eyjafjarðarsveit. Það er um að gera fyrir alla fótboltaþyrsta KA menn að mæta í Bogann á morgun en leikurinn hefst kl 14:15. Næstu helgi munu svo bæði meistaraflokkur og 2. flokkur keppa þannig að það verður nóg að spennandi hlutum að gerast í boltanum á næstu vikum. KA síðan verður með litla hliðarsíðu tileinkaða mótinu þar sem hægt er að sjá leikjaniðurröðun, riðla og einnig samantekt yfir allar fréttir sem skrifaðar verða um mótið. Þú getur smellt hér eða farið í "Soccerade mótið" í valmyndinni hér að ofan.

Þeir eru vandfundnir jafn miklir KA menn og Gunnar Níelsson. Þegar sá sem þetta ritar hugsaði með sér hver gæti verið sniðugur til þess að skrifa stuttan pistil í tilefni 82. ára afmælis KA kom nafnið Gunni Nella upp í hugann um leið. Eftir nokkrar samningaviðræður varð það úr að Gunnar fékkst til að skrifa pistil, kveðju til besta vinar síns; KA!

Á laugardaginn kl: 19.00 spila KA1 - FH1 í KA heimilinu. Þessi lið eru á sömu slóðum í deildinni og því ætti að verða hörkuleikur þar. Á sunnudag spila síðan KA2 - FH2 kl:11.00 í KA heimilinu. KA liðið hefur átt erfitt uppdráttar en voru farnir að bæta sig verulega í síðustu leikjum fyrir jól, vonumst við til að sú framþróun haldi áfram. Ég vil því hvetja alla til að koma og hvetja þessa stráka. Jóhann Gunnar Jóhannsson