Fréttir

KA-menn leika í Lengjubikarnum á morgun. Það eru Fjölnismenn sem verða andstæðingar en leikurinn fer fram í Egilshöll.

Fyrsti leikurinn í einvíginu um Íslandsmeistaratitilinn fór fram í kvöld í KA-heimilinu. KA lagði þá HK í mjög jöfnum og spennandi leik. Fór leikurinn reyndar 3-0 en KA-menn voru stálheppnir að vinna fyrstu hrinuna. Næsti leikur liðanna verður á laugardag í Digranesi og hefst hann kl 15:30. Er ástæða til að hvetja alla blakunnendur til að hópast á leikinn til að hvetja sín lið. Með sigri á laugardag verður KA Íslandsmeistari. Ef HK vinnur þá mun leikinn oddaleikur í KA-heimilinu á mánudag kl 19:30.

Á laugardaginn fer meistaraflokkur KA/Þór suður í Garðabæ en þá fer fram síðasta umferð N1 deildar kvenna. Stelpurnarn leika þá við Stjörnuna og hefst leikurinn klukkan 16:00 en hann fer fram í Mýrinni.

Fimmtudaginn 25. mars verður síðasta æfing fyrir páska hjá 7. og 8. flokki drengja í handbolta. Eftir æfingu, eða kl. 17:15 – 18:15 verður svo pizzuveisla fyrir strákana í salnum í KA-heimilinu. Strákarnir þurfa ekkert að borga en koma sjálfir með drykki. Æfingar eftir páska hefjast svo fimmtudaginn 8. apríl. Gleðilega páska Sævar, Danni, Finnur, Sölvi og Róbert

Næstkomandi laugardag spila KA1 og KA2 sína síðustu leiki í deildarkeppninni. KA1 mætir Gróttu1 klukkan 16:00.  Strákarnir hafa verið að spila ljómandi góðan handbolta í vetur og eiga mikla möguleika á að gera enn betur. Þeir hafa nú þegar tryggt sér annað sætið í 1. deildinni en ætla sér enn lengra og er þessi leikur sá fyrsti í undirbúningi fyrir það sem koma skal.

Eins og flestum ætti að vera kunnugt eru karla- og kvennalið KA nú á lokaspretti Íslandsmótsins, sjálfri úrslitakeppninni. Karlarnir unnu Þrótt 3-0 á miðvikudag og 3-1 á föstudag í nokkuð strembnum leikjum og tryggðu sér rétt á að leika til úrslita gegn HK. Fyrsti leikur í þeirri rimmu verður í KA-heimilinu kl 19:30 á fimmtudagskvöldið. Leikur nr. tvö verður í Digranesi á laugardaginn kl 15:30. Vinna þarf tvo leiki til að verða Íslandsmeistari og má alveg reikna með að það þurfi oddaleik. Ef svo fer mun hann verða leikinn í KA-heimilinu kl 19:30 á mánudagskvöld. Kvennaliðið spilar tvöfalda umferð gegn HK, Þrótti Nes og Fylki. Fyrsti leikurinn gegn Þrótti fór 0-3 og næsti leikur verður gegn HK í Digranesi á laugardaginn kl 13:30. Bæði liðin munu því spila við HK á laugardaginn og eru stuðningsmenn KA á höfuðborgarsvæðinu hvattir til að koma á leikina og styðja sín lið.

Nýverið var valið í yngri landslið karla og kvenna og á KA þó nokkra leikmenn í þessum landsliðum. Í U-16 karla voru þeir Daníel Matthíasson, Finnur Heimisson og Kristján Már Sigurbjörnsson valdir frá KA. Strákarnir eru lykilmenn í sínu liði ásamt því að hafa verið að spila upp fyrir sig í 3. flokki karla.

Aðalfundur KA verður haldinn annað kvöld, þriðjudagskvöldið 23. mars, í KA - Heimilinu. Fundurinn hefst klukkan 20:00 og eru allir félagsmenn hvattir til þess að mæta.

Eins og stundum áður var Þórir Tryggvason með myndavélina meðferðis í KA Heimilinu þegar KA/Þór tók á móti Haukum í síðasta heimaleik tímabilsins.

Blaklið KA, karla og kvenna, voru hyllt við hátíðlega athöfn í KA heimilinu í vikunni en þau náðu gríðarlega góðum árangri s.l. helgi í bikarkeppninni eins og áður hefur komið fram. Þórir Tryggva var á svæðinu og tók myndir sem hægt er að sjá hér.