Fréttir

Hinn geysi sterki fótboltamaður frá Ólafsfirði, Ingi Freyr Hilmarsson, sem leikið hefur með KA undanfarin ár er á förum frá liðinu. Ingi hefur gert samning við 3. deildarliðið Årdal FK og mun halda utan á næstunni og hefja æfingar með þeim. Knattspyrnudeild KA óskar honum góðs gengis úti.

Úrlistaleikur um 1. sætið á Soccerade-mótinu fór fram í gærkvöld. Þar mættu okkar menn liði Völsungs. Staðan var 1 - 1 eftir venjulegan leiktíma og því þurfti að grípa til vítaspyrnukeppni sem Völsungar unnu svo. Deanó sagði í samtali við tíðindamann síðunnar að honum hafi fundist við vera mun betri aðilinn í leiknum en vandamálið hafi bara verið að við gátum ekki klárað færin. Næstu helgi hefst svo Lengjubikarinn og verður spennandi að sjá hvernig okkar menn standa sig þar.

Karlalið KA var í eldlínunni um helgina þegar liðið tryggði sér sæti í undanúrslitum Bridgestonebikarsins. Sex lið börðust um tvö laus sæti en kvennalið KA var þegar búið að tryggja sitt sæti í undanúrslitunum. KA strákarnir rúlluðu yfir alla andstæðinga sína og verða því í Laugardalshöllinni 13. mars þegar undanúrslitin fara fram. Stelpurnar verða þar líka og er ástæða fyrir Eyfirðinga, Þingeyinga, Ólsara og fleiri að fjölmenna í Höllina.

Nú fer Soccerade-mótinu að ljúka og á einungis eftir að leika um sæti. Eins og fram hefur komið þá leikur KA 1 til úrslita á móti Völsungi og KA 2 leikur um 7. sæti á móti Þór 2. Leikur KA og Völsungs fer fram á sunnudaginn en leikur KA 2 fer fram næstkomandi miðvikudag.

Síðasta föstudag kl. 20:00 hófust "old-boys" æfingar hjá júdódeildinni.  Á fyrstu æfinguna mættu nokkrar gamlar kempur sem ekki hafa sést í júdógalla í allt of langan tíma.  Framhald verður á þessum æfingum og eru nýliðar einnig velkomnir en nú þegar hafa nokkir slíkir boðað komu sína. 

Nú fer óðum að styttast í að fótboltasumarið hefjist, en það eru um þrír mánuðir þangað til að boltinn byrjar að rúlla. KSÍ er hefur nú gefið út frá sér drög að leikjum sumarsins. Nú geta menn farið að skipuleggja sig, t.d. hvenær skuli fara í hina árlegu ferð til Fjarðabyggðar.

KA vann Dalvíkinga í úrslitaleik riðils síns í Soccerade-mótinu í dag. Fóru leikar 3-2 eftir að Dalvíkingar höfðu náð forustunni. Andri Fannar setti tvö mörk og Orri Gözza eitt. KA vann alla leikina í riðlinum og spilar úrslitaleikinn á mótinu gegn Stubbi og félögum hans í Völsungi. Leikurinn verður spilaðursunnudaginn 14. febrúar kl 18:15. Strax á eftir munu Þór og Dalvík berjast um þriðja sætið á mótinu. KA2 steinlá fyrir Þór í gærkvöldi 12-2.

KA tók á móti Þrótti Reykjavík í KA heimilinu á laugardag bæði í karla- og kvennaflokki.  Karlaliðið steig stórt skref í átt að deildarmeistaratitlinum með 3-1 sigri en liðið er nú efst í MIKASA deildinni þegar þrjár umferðir eru eftir. Kvennaliðið vann einnig sinn leik eftir mikinn barning og tryggði sig þar með inn í úrslitakeppnina.

Eins og áður hefur komið fram gengur mikið á í kjallara KA - Heimilisins en nú er verið að byggja upp glæsilega pottaaðstöðu auk þess að sett verður upp nýtt gufubað og ísbað. Undanfarna laugardagsmorgna hafa nokkrir vaskir KA menn tekið til hendinni. Tíðindamaður síðunnar mætti á svæðið og smellti nokkrum myndum af þeim. Myndirnar má sjá hér.

Stelpurnar í KA/Þór fá erfitt verkefni að glíma við á laugardaginn þegar þær halda suður og mæta Fram klukkan 15:00. Leikið er í Framhúsinu í Safamýrinni.