Fréttir

Leik KA1 gegn ÍR sem var fyrirhugaður á föstudag kl: 21.00 hefur verið frestað um óákveðinn tíma. HSÍ sendi út eftirfarandi skilaboð: Mótanefnd HSÍ hefur ákveðið, að beiðni ÍR, að leikjum ÍR í meistaraflokki til og með 4. flokki sem fram eiga að fara frá og með deginum í dag og fram yfir helgi verður frestað um óákveðinn tíma vegna þess sorglega atburðar sem átti sér stað í gær hjá ÍR. Við KAmenn sendum ÍR-ingum samúðarkveðjur okkar. 

Stelpurnar í 3. flokk kvenna spiluðu gegn HK stelpum í Fagralundi nú um liðna helgi. Leikurinn var strax á eftir meistaraflokksleiknum og bar hann öll merki þess að í báðum liðum höfðu leikmenn verið að spila leik rétt áður eða í það minnsta búnar að bíða lengi í íþróttahúsinu eftir leiknum. Bæði lið spiluðu frekar undir getu ef eitthvað var en voru þó á svipuðum stað í leiknum.

Það hefur væntanlega ekki farið fram hjá neinum að mikið stendur til um næstu helgi en þá fer fram 2. umferð Íslandsmóts eldra árs. Jafnframt hefur verið valið eitt lið leikmanna af yngra ári til þátttöku til að jafna út riðla á mótinu. Nú liggur fyrir lokaniðurröðun leikja á mótinu og eru foreldrar beðnir um að kynna sér dagskrána vel. Eins og fram kom á foreldrafundi sl. mánudagskvöld munu drengirnir taka virkari þátt í mótinu en áður þegar spilað hefur verið hér á heimavelli. Okkar drengir mega fara í kvöldverð bæði kvöldin, fá frítt í sund og að sjálfsögðu mæta þeir á kvöldvöku á laugardagkvöldið.

Foreldrar  krakka í 5. flokki  sem eru að fara til Vestmannaeyja næstkomandi helgi, eru beðnir um að greiða kostnaðinn við ferðina kr. 11.000 inn á banka 0162-05-63299 kt. 450902-2680 og setja kennitölu barns í skýringu. Kveðja, Unglingaráð

Í gærkvöldi funduðu saman þjálfarar allra deilda hjá KA. Gunnar Jónsson framkvæmdastjóri KA opnaði fundinn og kom umræðunni af stað um að stofna þjálfarafélag innan KA.

Geta yngri leikmenn sótt sér styrk til þeirra eldri - skiptir sagan og bakgrunnur félaga máli.  Af hverju eru gamalgróin íþróttafélög oftast öflugri en þau ungu?  Þetta eru spurningar stundum heyrast í tengslum við íþróttafélög, á afmælum og hátíðlegum stundum.  Um helgina var eitt slíkt afmæli og.....

KA-menn náðu góðum sigri gegn Þrótti, 3-2 í gær eftir mikinn barning. Einhver værð var yfir liðinu en góður endasprettur bjargaði tveimur stigum í hús. Mikil forföll voru í röðum KA og greip Marek þjálfari til þess ráðs að kalla til leiks ýmsa snillinga úr röðum öldungablakara. Má segja að þeir hafi staðið fyrir sínu en yngri spilarar fengu einnig sína eldskírn. Marek notaði þretttán menn í leiknum og hlýtur það að vera Íslandsmet. Þróttur keyrði hins vegar allan leikinn á sínum sex mönnum.

KA/Þór sótti stig í Kópavoginn í dag þegar stelpurnar léku gegn HK en liðin skildu jöfn, 26:26, í N1 deild kvenna í Digranesinu í dag. Ásdís Sigurðardóttir 7, Anna Valgerður Erlingsdóttir 6, Emma Sardarsdóttir 4, Martha Hermannsdóttir 4, Guðrún Tryggvadóttir 3, Katrín Viðarsdóttir 2

Fundur með öllum þjálfurum hjá öllum deildum KA verður á mánudagskvöld kl 20:15. Rætt verður um stöðu þjálfunar hjá deildunum og samstarf þjálfara í framtíðinni. Allir þjálfarar hvattir til þess að mæta og taka þátt í umræðum.

Árið 1989 vann karlalið KA sinn fyrsta Íslandsmeistaratitil í blaki.  Af tilefni þess að 20 ár eru liðin síðan þessi ánægjulegi viðburður átti sér stað hefur stjórn Blakdeildar KA boðið leikmönnum sem unnu þennan titil að koma á leikinn í MIKASA deildinni milli KA og Þróttar Rvk. karla sem fram fer í KA heimilinu laugardaginn 21. nóvember kl. 17:00.  Fyrir leikinn verður stutt athöfn þar sem þessir leikmenn KA verða heiðraðir og mun Sigurður Harðarsson, sem áður var bæði stjórnarmaður og þjálfari hjá Blakdeild KA, flytja stutt erindi.