Fréttir

Valið hefur verið u-20 ára landsliðs kvenna sem tekur þátt í undankeppni fyrir EM sem fram fer helgina 21.-23. maí í Rúmeníu en liðið er þar í riðli ásamt Rúmeníu, Frakklandi og Króatíu. Þrjár stelpur úr liði KA/Þór eru í hópnum, þær Arna Valgerður Erlingsdóttir, Emma Havin Sardarsdóttir og Unnur Ómarsdóttir. Við óskum þeim að sjálfsögðu til hamingju með árangurinn og óskum þeim velgengni í verkefninu.

Það var tekið á því á Nývangi í gær þegar meðlimir meistaraflokks KA tóku sig til og mokuðu snjóinn af Nývangi. Þetta flýtir fyrir því að völlurinn nái sér eftir veturinn og að strákarnir geti farið að æfa.

Í morgun komu landsliðsmennirnir Arnór Atlason, Ásgeir Örn Hallgrímsson og Sturla Ásgeirsson í heimsókn til Akureyrar. Ætlunin var að reyna að fá þá á æfingar hjá yngri flokkum en þar sem þeir þurftu sjálfir að vera mættir á æfingu í Reykjavík seinni partinn var það ekki hægt. Í staðinn fóru þeir í heimsókn í nokkra skóla hér á Akureyri og hittu unga aðdáendur.

Guðmundur Hólmar Helgason leikmaður 3. flokks KA hefur verið valinn í U-20 ára landslið Íslands sem tekur þátt í undankeppni Evrópumeistaramótsins nú um helgina. Ásamt Guðmundi eru tveir félagar hans í Akureyri Handboltafélagi í landsliðshópnum en það eru þeir Geir Guðmundsson og Oddur Gretarsson.

Nú þegar Íslandsmótum vetrarins er lokið þá er gaman að skoða hvernig skipting verðlauna hefur verið.  Hér á eftir er samantekt um skiptinguna: Félag: Gull: Silfur: Brons: Samtals: JR 22 16 13 51 KA 10 14 12 36 Ármann 11 5 5 21 ÍR 1 8 10 19 Selfoss 7 4 6 17 Grindavik 2 3 3 8 Þróttur   1 2 3 Samherjar 2     2 Vinir okkar í JR er með langbestan árangur og er ástæða til þess að óska þeim til hamingju með það.  Við í KA getum mjög vel við unað, við erum í öðru sæti og einnig getum við hæglega talið með okkar árangri fóstbræður okkar í Samherjum sem æfa með okkur.  Annars er ánægjulegt að sjá hversu mörg félög eru að standa sig vel, sérstaklega er fjöldi gullverðlauna hjá Selfyssingum verulega flottur.

Á Skírdag fór fram skemmtilegur handboltaleikur í KA heimilinu. Þar mættust hóparnir tveir sem fyrst lönduðu Íslandsmeistaratitli hjá KA í handbolta árið 1992 og 1993. Þetta voru s.s. árgangar drengja fæddir 1977-1980. Leikurinn var æsispennandi en lauk með sigri eldra liðsins.

Í kvöld fór fram framhaldsaðalfundur KA. Helga Steinunn Guðmundsdóttir formaður uppstillingarnefndar gerði grein fyrir störfum nefndar og í kjölfarið var lögð fram tillaga uppstillingarnefndar.  Fundarmenn samþykktu tillögu með miklu og langvinnu lófataki. Nýja stjórn skipa Hrefna G Torfadóttir formaður, aðrir í stjórn eru, Tryggvi Þór Gunnarsson, Sigurður Harðarsson, Sigríður Jóhannsdóttir, Sigurbjörn Sveinsson. Varamaður er Ragnheiður Júlíusdóttir.  Einnig eru formenn deilda í KA með sæti í aðalstjórn samkvæmt lögum félagsins.

Við minnum á framhaldsaðalfund KA sem haldinn verður annað kvöld kl 20:00. Þar verður fundinum sem fram fór þann 23. mars áframhaldið.

Íslandsmót fullorðinna í júdó fór fram nú um helgina.  KA átti þar 12 keppendur og unnu þau til 11 verðlauna.  Bestum árangri náði Helga Hansdóttir, en hún varð Íslandsmeistari í -63kg. flokki.  Árangur keppenda KA varð annars þessi:

KA spilar síðasta leik sinn í Lengjubikarnum á morgum þegar Leiknismenn úr Breiðholti koma í heimsókn. Liðin eru jöfn á botni B-riðils með 1 stig hvort. Leiknir vann reyndar síðasta leik sinn gegn FH, 2-1. FH-ingar kærðu leikinn og var þeim dæmdur sigur. KA hefur átt í mesta basli í Lengjubikarnum en aðalhöfuðverkurinn hefur verið að skapa færi og skora mörk. Markatalan eftir fimm leiki er 4-14. Við skulum vona að úr rætist í leiknum á morgun enda ekki seinna vænna, aðeins mánuður í Íslandsmót. Strax að leik loknum eða kl 15 spilar Þór/KA við Fylki í Lengjubikar kvenna. Sjálfur Björn Kristinn Björnsson (Bubbi) er þjálfari Fylkis og leika tvíburadætur hans, Laufey og Björk undir hans stjórn. Gaman er að segja frá því að í leiknum mun Bubbi mæta einhverjum af sínum gömlu lærisveinum sem hann þjálfaði í 6. og 5. flokki KA á sínum tíma.