Fréttir

KA handboltadagur verður haldin laugardaginn 15. október og vonumst við til að sjá sem flesta.  Þá verður skráning iðkenda/innheimt æfingagjöld og  boðið upp á veitingar.   Í ár ætlum við að leggja áherslu á kvennaboltann í KA/Þór.  Einvarður Jóhannsson ætlar að hafa skemmtilega æfingu fyrir stelpur í 1.-5. bekk kl. 11:30-12:30 og er ÖLLUM  stelpum í bænum á þessum aldri boðið að koma og prófa handbolta. Kl. 12:30 spilar 3. flokkur KA/Þór við FH, kl.14:00 spila sömu lið í 4. flokki og kl.16:00 sömu lið í meistaraflokki kvk.  Þannig að það er tilvalið að koma í KA heimilið á laugardaginn, prófa handbolta, horfa á leiki og fá sér vöflukaffi.

Nú er lokið fyrsta stóra handboltamótinu sem KA kemur að í vetur, það var Íslandsmót 6. flokks yngra ár í stelpna og drengja flokki sem við héldum ásamt Þór. Við viljum byrja á því að þakka Þór fyrir gott samstarf og einnig öllum þeim sem gerðu okkur mögulegt að halda þetta mót jafnt styrktaraðilum, samstarfsaðilum og þeim sem unnu óeigingjarna sjálfboðavinnu.

Nú um helgina fór fram hér á Akureyri umferð í Íslandsmótinu í handknattleik fyrir 6. flokk karla og kvenna. Það voru KA og Þór sem héldu mótið og var leikið í KA heimilinu og Íþróttahöllinni. Nú liggja fyrir öll úrslit og lokastaða í mótsins og er hægt að sjá það allt í leikjaskránni. Einnig eru komnar ljósmyndir frá mótinu. Smelltu hér til að sjá allt um mótið!                

Leikurinn KA/Þór – Fjölnir í 3. flokki kvenna verður á morgun sunnudag 9. okt. kl. 12:30 í íþróttahúsi Síðuskóla en ekki kl. 14:00 í KA heimilinu eins og áður var áætlað.

Meistaraflokkur kvenna KA/Þór hefur gert samning við BK kjúkling Grensásvegi 5 í Reykjavík um að stelpurnar fari þangað að borða fyrir útileikina. Þetta er góður samningur fyrir stelpurnar og við hvetjum alla KA menn og Þórsara að skreppa á BK kjúkling þegar fólk á leið suður.

Meistaraflokkur KA/Þór leikur sinn fyrsta leik í N1 deildinni á laugardag kl. 16:00.  Leikurinn er í Digranesi við HK, en þeim hefur einmitt verið spáð mikill velgengni í vetur og byrjuðu tímabilið á því að sigra Fram í fyrstu umferð.

Það er óhætt að segja að það verði stórleikur í Höllinni í dag þegar Íslandsmeistararnir úr FH mæta til leiks. Viðureignir liðanna frá síðasta tímabili voru margar og klárlega hápunktar tímabilsins. Akureyrarliðið fór vel af stað í fyrsta leik síðastliðinn mánudag þegar liðið vann góðan útisigur á Aftureldingu í Mosfellsbænum. FH ingar hins vegar töpuðu illa fyrir Fram á sínum heimavelli og koma væntanlega dýróðir í þennan leik, staðráðnir í að komast á sigurbraut á ný.

Í Morgunblaðinu í dag er kynning á liði KA/Þór sem leikur í vetur í N1 deild kvenna. M.a. er rætt við þjálfara liðsins Guðlaug Arnarsson. Þess má geta að stelpurnar sitja hjá í fyrstu umferð deildarinnar þar sem Fylkir dró lið sitt út úr keppninni á síðustu stundu. Fyrsti leikur liðsins verður 8. október en það er útileikur gegn HK en þann 15. október verður fyrsti heimaleikurinn þegar FH stúlkur koma í heimsókn. Hér á eftir er kynningin úr Morgunblaðinu.

Um síðustu helgi tók meistaraflokkur kvenna þátt í  Errea-mótinu á Seltjarnarnesi.  Mótið var æfingamót en auk KA/Þór tóku Grótta, HK, ÍBV og þátt í mótinu. Meðfylgjandi eru úrslit mótsins.

Fríða Rún Þórðardóttir næringafræðingur var með fyrirlestur um næringarfræði miðvikudaginn 7. september síðastliðinn í KA heimilinu fyrir þjálfara, iðkendur og foreldra.