Fréttir

Sú erfiða ákvörðun var tekin á fundi stjórnar fimleikadeildar KA að leggja niður áhaldafimleika hjá deildinni tímabundið. Breytingin tekur gildi um áramót. Ákvörðunin var ekki léttvæg en fyrir henni eru þó nokkrar ástæður

Stuðningsmannaveggur KA og KA/Þór hefur prýtt íþróttasalinn okkar undanfarin þrjú ár og vakið verðskuldaða athygli

Bjarni Aðalsteinsson mun spila með liði í dönsku C-deildinni á komandi sumri. Hann dvaldi í Danmörku síðasta vetur með kærustu sinni, sem er þar við nám, og hefur ákveðið að vera þar að minnsta kosti næsta árið. Hann mun því ekki spila með KA liðinu næsta sumar

Úthlutað var úr Menningar- og viðurkenningarsjóði KEA á dögunum en þetta var í 92. skiptið sem veitt er úr sjóðnum. Í ár var úthlutað tæplega 30 milljónum króna úr sjóðnum til rúmlega 70 aðila úr flokkunum menningar- og samfélagsverkefni, íþrótta- og æskulýðsfélaga og ungra afreksmanna

Hið árlega og geysivinsæla jólahappdrætti KA og KA/Þórs er farið af stað. Vinningaskráin er kyngimögnuð og telur í ár akkúrat 100 vinninga og heildarverðmæti þeirra er yfir tveimur milljónum íslenskra króna

Síðustu tvær helgar fóru hópfimleikarnir suður og kepptu á haustmóti sem eru fyrstu mót þessa veturs. 4.flokkur gerði góða ferð til Selfoss og stóðu sig frábærlega þar, bættu sig töluvert mikið frá síðasta móti og voru deildinni til mikillar sóma. Um síðustu helgi lögðu stúlkur úr 3., 2. og 1. flokki af stað suður til að taka þátt í Haustmótinu sem haldið var á vegum Stjörnunnar í Garðabæ. Þessar efnilegu fimleikastúlkur stóðu sig vel og sýndu frábærar framfarir í öllum flokkum. 1.flokkur sýndi sínar bestu hliðar og náði glæsilegum árangri með því að hreppa 1. sætið á fíber og 2. sætið í heildarkeppninni. Þetta er stórkostlegur árangur sem endurspeglar mikla vinnu og elju stúlknanna ásamt öflugum stuðningi frá þjálfurum og foreldrum. Við óskum þeim öllum innilega til hamingju með framúrskarandi frammistöðu um helgina og bíðum spennt eftir að fylgjast með frekari afrekum þeirra í framtíðinni.

Stórafmæli skráðra félagsmanna í desember

Valdimar Logi Sævarsson skrifaði undir nýjan þriggja ára samning við knattspyrnudeild KA og er nú samningsbundinn félaginu út sumarið 2028. Eru þetta afar jákvæðar fréttir en Valdi er gríðarlega efnilegur og spennandi leikmaður sem á sannarlega framtíðina fyrir sér

Steinþór Már Auðunsson eða Stubbur eins og hann er iðulega kallaður skrifaði í dag undir nýjan eins árs samning við knattspyrnudeild KA og er nú samningsbundinn félaginu út sumarið 2026

Eftir samráð við slökkvilið Akureyrar höfum við bætt við 50 aukamiðum til sölu sem verða í boði í KA-Heimilinu í dag, miðvikudag. Ekki missa af stærsta leik tímabilsins