Fréttir

Handknattleiksdeild KA og TM hafa gert með sér styrktarsamning vegna kvennahandboltans hjá KA/Þór. Samningurinn gildir til tveggja ára og vill handknattleiksdeild KA koma á framfæri sérstöku þakklæti fyrir stuðninginn.

Markmaðurinn Srdjan Rajkovic hefur skrifað undir tveggja ára samning við KA. Þessi reynslumikli markmaður verður góður stuðningur við Fannar Hafsteins.

Fannar Hafsteinsson og Ævar Ingi Jóhannesson hafa verið valdir í U19 ára landslið Íslands sem mætir Svíþjóð í vináttuleikjum í byrjun mars á höfuðborgasvæðinu.

Þór/KA beið lægri hlut gegn Breiðablik 3-0 í fyrsta leik lengjubikarins.

Aðalfundur Blakdeildar KA verður haldinn í KA-heimilinu þriðjudaginn 4. mars n.k. kl. 20:00

Þriðjudaginn 25. febrúar klukkan 20:15 í Boganum fer fram leikur Þórs/KA og Breiðabliks í Lengjubikarnum.

Katrín Ásbjörnsdóttir leikmaður Þór/KA var valin í A-landsliðs Íslands í knattspyrnu sem tekur þátt í hinum árlega Algarvebikarnum.

Stelpurnar á yngra ári í 4. flokki kvenna hjá KA/Þór mættu ÍR í undanúrslitum í KA heimilinu á sunnudeginum. Fyrri hálfleikurinn var ágætlega spilaður á köflum hjá stelpunum en óákveðni í sókninni og einbeitingaleysi í vörninni voru þó áberandi heilt yfir. Þrátt fyrir að vera ekki að spila sinn besta leik í fyrri hálfleik fóru stelpurnar inn með 12-9 forystu. Í seinni hálfleik var ljóst frá fyrstu mínútu að þær ætluðu sér í Höllina. Vörnin lokaðist, Arnrún hrökk í gang í markinu og sóknarleikurinn varð miklu beittari. Forskotið óx jafnt og þétt og í raun bara spurning um hversu stór sigurinn yrði. Það fór svo að stelpurnar lönduðu glæsilegum 26-16 sigri fyrir framan dygga áhorfendur á pöllunum.