Fréttir

Nú er búið að setja saman æfingatöflu handboltans hjá öllum flokkum. Æfingar byrja samkvæmt töflunni mánudaginn 3. september. Sjá töfluna hér að neðan, auk þess sem nánari upplýsingar eru við hvern aldursflokk undir liðnum Yngri flokkar.

Nú eru æfingar að hefjast hjá Tennis og badmintondeild KA (áður TBA). Þjálfarar okkar í vetur verða þau Sonja Magnúsdóttir og Rainer Jessen íþróttakennari. Æfingar verða í íþróttahöllinni við Skólastíg á eftirfarandi tímum: þriðjudagar: 16:00-18:00 fimmtudagar: 16:00-18:00 sunnudagar: 15:00-17:00 Sonja mun sjá um þjálfun á sunnudögum, Rainer á þriðjudögum og fimmtudögum. Við byrjum á að vera með opna tíma fyrir alla iðkendur og er fyrsti tíminn þriðjudaginn 4. september klukkan 16:00 Vonumst til að sjá ykkur sem flest.

Næsti leikur KA verður heimaleikur á Akureyrarvelli gegn Þrótti R föstudaginn 31. ágúst og hefst hann kl. 18:00.

Stærsti Derby leikur ársins á Íslandi fer fram á morgun þegar okkar menn í KA og við öll flykkjumst yfir Glerána og hópum okkur saman á Þórsvellinum og aðstoðum okkar menn í að kreista fram 3 stig gegn erkifjendunum í Þór.

Á morgun er seinni helmingur í baráttunni um Akureyri en þá förum við KA menn í heimsókn í Þorpið og spilum okkar seinni leik gegn Þórsurum. Allir vita hvernig fyrri leikurinn fór, þar sem við unnum glæsilegan sigur einum manni færri. Strákarnir í liðinu ætla ekkert að gefa eftir í seinni leiknum og ætla að klára baráttuna um Akureyri með stæl. Það ætla stuðningsmenn KA einnig að gera en á morgun kl. 15 mun hefjast fjölskyldugleði í KA heimilinu þar sem öllum KA mönnum, ungum sem öldnum, verður boðið að koma og hrista sig saman fyrir leik.

Hér má finna stundatöflu FIMAK fyrir haustið 2012.Athugið að stundataflan er birt með fyrirvara um breytingar sem geta átt sér stað á fyrstu vikum annarinnar vegna t.d.brottfalls, breytinga á stundatöflum þjálfara og annarar hagræðingar.

Laugardagshópar eru börn fædd 2009 2008 og 2007.Hóparnir S1 og S2 eru fyrir börn fædd 2009, S3, S4 fyrir börn fædd 2008, S5 er blandaður af börnum fæddum 2008 og 2007.S6 og S7 eru svo fyrir börn fædd 2007.

 „Menn eru að þjappa sér saman, það er meiri stemning á æfingum og meiri leikgleði inni á vellinum,“ segir Gunnlaugur Jónsson, þjálfari m.fl. KA um stemninguna í hópnum. Hann og liðið sjálft kalla eftir frekari stuðningi frá KA'fólki í komandi leikjum. „Mér finnst að fólk þurfi að þjappa sér betur á bakvið liðið,“ segir Gunnlaugur. Sjáið viðtal sem tekið var við hann í dag með því að smella á „Lesa meira“.

3.fl. karla komst í kvöld í úrslit bikarkeppninnar á Norðausturlandi. Strákarnir unnu Þór í fyrri undanúrslitaleiknum 1-4 og seinni leikinn í dag, sem fram fór á Akureyrarvelli, 10-1. Samanlögð markatala er því 14-2.

Nú fer handboltinn að byrja aftur eftir gott sumarfrí. Í 3. og 4. flokki karla og kvenna eru æfingar hafnar og æfinar hjá 5.-6.-7. og 8. flokki byrja á næstu dögum.  Nánari tímasetningar verða auglýstar á heimasíðunni um leið og æfingataflan verður tilbúin, en verið er að leggja lokahönd á töfluna.   Þjálfarar vetrarins verða sem hér segir: