Fréttir

Elmar Dan Sigþórsson gekk í dag í raðir KA-manna og verður löglegur með KA í leiknum mikilvæga á móti Leikni á Akureyrarvelli á morgun. Elmar Dan hefur undanfarin tvö ár búið í Noregi og spilað með tveimur þarlendum liðum, síðast með 2. deildar liðinu Förde. Elmar Dan hefur nú flutt heim til Akureyrar með fjölskyldunni og er albúinn að taka þátt í slagnum sem framundan er með KA.

Þórir Tryggva stendur alltaf fyrir sínu og sendi að vanda myndir frá leik KA og Þórs í 2.flokki á miðvikudag. Myndir má sjá hér!

Ef smellt er á tengilinn að neðan er hægt að sjá myndir frá tapi KA gegn ÍA í síðustu viku. Myndirnar tók Þórir Tryggva Myndir hér

Dagana.18.-23.júlí verða Evrópumeistararnir í Hópfimleikum á ferð um landið.

Annar flokkur tók á móti Þór í, eins og við var að búast, miklum baráttuleik þar sem bæði lið áttu lipra spretti og góð færi á milli harðra tæklinga og smá handalögmála. Leikurinn besta skemmtun og alvöru nágrannaslagur.

KA og Þór eigast við í ,,mini-derby" leik á Akureyrarvelli  í kvöld og hefst hann kl 19.30

Því miður tókst okkur ekki að sækja það sem við ætluðum vestur á firði í gær eða 3 stig.  Eftir að við höfðum haft  forustuna lengi tókst heimamönnum að tryggja sér sigur.

Okkar menn leika í kvöld seinasta leik í fyrri umferð Íslandsmótsins gegn BÍ/Bolungarvík.  Leikurinn fer fram á Torfnesvelli og hefst hann kl. 20.00. Gestgjöfum okkar hefur gengið þokkalega í deild,  en þeirra bestu stundir í ár hafa komið í bikarnum þar sem við þeim blasir leikur í undanúrslitum gegn KR.  BÍ/Bol er sem stendur í áttunda sæti með þrettán stig, við í tíunda með tíu stig.

2. flokkur fékk sameiginlegt lið Breiðabliks og Augnabliks nú fyrir stundu og var boðið upp á sannkallað havarí! KA-menn byrjuðu vel og spiluðu mun betur en Blikarnir allan fyrri hálfleikinn.

Skagamenn voru í heimsókn á KA-vellinum í kvöld (áður Akureyrarvöllur). Fyrir leikinn mátti búast við erfiðum leik fyrir KA-menn enda Skagamenn taplausir á toppnum og með rosalega flott lið. Það kom á daginn.