Fréttir

KA-strákar í þriðja flokki sigruðu Fjarðabyggð/Leikni í dag í Fjarðabyggðarhöllinni með einu marki gegn engu. Þessi sigur þýðir að KA, sem hefur verið í C-deild í þriðja flokki, vann þar með sæti í B-deild á næsta keppnistímabili og spilar við Þrótt Reykjavík nk. sunnudag kl. 14.00 á Blönduósi um sigur í C-deildinni. Sigurliðið úr þeim leik spilar síðan í úrslitakeppni um Íslandsmeistaratitilinn í 3. flokki karla.

Á morgun laugardag tökum við á móti galvöskum Víkingum frá Ólafsvík í 19 umferð Íslandsmótsins í knattspyrnu.  Blásið verður til leiks kl 14 af dómara leiksins en hann verður samkv. heimasíðu KSÍ Pétur Guðmundsson.

Næst komandi laugardag hefjast æfingar hjá okkar yngstu iðkendum.Eitthvað hefur gengið illa að senda póst á foreldra og því birtum við nafnalista iðkenda í stafrófsröð ásamt tíma og hópaskiptingu:.

Í dag ákvað KSÍ að úrslitaleikur um Íslandsmeistaratitilinn í 5. flokki kvenna í A-liðum verði á Hlíðarenda - heimavelli Vals - nk. sunnudag 4. september og hefst hann kl. 16.00. Valsstelpur taka þar á móti okkar KA-stelpum og vonandi verður það spennandi og áhugaverð viðureign. Allir sannir KA-menn, ættingjar og vinir eru hvattir til að taka frá þennan tíma. Nú fjölmennum við á Hlíðarenda og styðjum stelpurnar duglega. Þær ætla alla leið, en til þess þarf ykkar stuðning!!

Búið er að gera smávægilegar breytingar á æfingatöflunni sem sett var á síðuna í gær, þannig að ný útgáfa er nú komin á síðuna. Æfingar í Íþróttahöllinni og Síðuskóla hefjast 1. september en vegna framkvæmda í K.A. heimilinu hefjast æfingar ekki þar fyrr en mánudaginn 5. september. Æfingatöfluna í heild er hægt að sjá hér, (eða undir Yngir flokkar á  handboltasíðunni).

Hlutkesti og KA eiga ekki samleið, það er margsannað og sannaðist enn einu sinni í dag þegar KA tapaði hlutkesti um laust sæti í undanúrslitum Íslandsmóts í 5. flokki drengja - A-liðum og sömuleiðis tapaði KA í dag hlutkesti um leikstað í undanúrslitum í 3. flokki karla.

Æfingartöflu má sjá á síðu júdódeildar.

Stelpurnar í A-liði KA í 5. flokki kvenna gerðu sér lítið fyrir í dag og tryggðu sér sæti í hreinum úrslitaleik við Val um Íslandsmeistaratitilinn. Ekki liggur endanlega fyrir hvenær úrslitaleikurinn fer fram.

Nú fer að líða að því að handboltafólk taki fram skóna og hefji æfingar. Planið var að byrja æfingar mánudaginn 29. ágúst, en vegna framkvæmda í K.A. heimilinu gengur það ekki eftir. 3 og 4 flokkur eru reyndar byrjuð í útihlaupum og styrktaræfingum.

Daniel Jason Howell minnti rækilega á sig á Seltjarnarnesinu í gær þegar hann skoraði þrennu gegn sínum gömlu félögum í Gróttu í afar mikilvægum 3-0 sigri KA á Seltirningum í 1. deildinni í fótbolta. Sigurinn gerði það að verkum að KA hefur nú tryggt sæti sitt í 1. deildinni og nú er bara að klára hana með stæl í þeim þremur leikjum sem eftir eru gegn Víkingi Ólafsvík og Bí/Bolungarvík á heimavelli og Skagamönnum á útivelli.