Fréttir

Lokahóf yngriflokka í knattspyrnu fór fram s.l. fimmtudag í KA heimilinu. Þar var glatt á hjalla, sumarið gert upp og leikmenn meistaraflokks KA grilluðu svo ofaní mannskapinn. Sævar Geir ljósmyndari var á svæðinu og smellti nokkrum myndum af. Þær má finna með því að smella hér.

KA-menn máttu þola skell gegn frísku Skagaliði á Akranesi í gær. Þjóðhátíðarstemning var á Akranesi í gær af þeim sökum að félagið fékk afhentan bikarinn fyrir sigur í 1. deildinni að leik loknum. KA-menn hefðu hins vegar getað spillt gleðinni eilítið með góðri frammistöðu inni á vellinum, en það fór heldur betur á annan veg.

Næstsíðasta umferð 1.deildarinnar fer fram í dag og fara okkar menn á Akranes þar sem þeir mæta nýkrýndum meisturum ÍA. Eins og allir vita eru Skagamenn löngu búnir að tryggja sig upp í deild þeirra bestu en KA hefur hins vegar tryggt sætið í deildinni og því má búast við ágætis leik þar sem bæði lið verða afslöppuð og njóta þess að spila fótbolta með litlu að keppa að nema þremur stigum að sjálfsögðu. 

Elmar Dan Sigþórsson er annar leikmaður sem við kynnum til leiks í 100 leikja klúbb félagsins, (leikmenn birtir i handahófskenndri röð). 

Nú liggur fyrir æfingatafla í knattspyrnu yngri flokka í knattspyrnu hjá KA á komandi vetri - 2011-2012. Sem fyrr verða æfingar á þriðjudögum, fimmtudögum og laugardögum í Boganum og hefjast þær fimmtudaginn 29. september nk.

Á fimmtudaginn byrjar handboltinn að rúlla hér norðan heiða þegar við fáum fimm lið í heimsókn í árlegt æfingamót sem líkt og í fyrra er kennt við Norðlenska. Liðin sem koma að þessu sinni eru úrvalsdeildarliðin: Afturelding, Haukar, Valur ásamt 1. deildarliðunum ÍR og Stjörnunni.

Í gær morgun lögðu drengir fæddir árið 1993 og 1994 land undir fót og héldu til Tenerife ásamt fyrrum (og núverandi) þjálfara sínum, Einvarði Jóhannessyni. Markmið ferðarinnar eru æfingar ásamt æfingaleikjum gegn eyjaskeggjum á Tenerife.

Fimmtudagskvöldið 8. september verður haldinn íbúafundur vegna deiliskipulagsins "Dalsbraut frá Þingvallastræti að Miðhúsabraut". Fundurinn verður í Lundarskóla og hefst kl. 20.30. Við hvetjum alla til að mæta.

Fríða Rún Þórðardóttir næringafræðingur verður með fyrirlestur um næringarfræði miðvikudaginn 7. september kl. 20:00. í KA heimilinu fyrir þjálfara, iðkendur í 3. og 4. flokki. Einnig eru foreldrar allra barna sem æfa handbolta velkomnir.

Í dag var undirritaður samstarfssamningur yngriflokkastarfs KA í knattspyrnu og fóðurvörufyrirtækisins Bústólpa sem felur í sér stuðning fyrirtækisins við yngri flokkana í ár og næstu tvö ár og þar með verður Bústólpi einn af stærri stuðningsaðilum yngri flokka KA í knattspyrnu.