Fréttir

Síðdegis í dag afhenti Samherji styrki til ýmissa samfélagsverkefna – þar á meðal íþrótta- og æskulýðsstarfs á Akureyri  og í Dalvíkurbyggð, í hófi sem efnt var til í Flugsafninu á AkureyriÞetta er í þriðja sinn á jafnmörgum árum sem Samherji veitir slíka styrki. Árið 2008 var styrkupphæðin 50 milljónir króna, á síðasta ári var hún 60 milljónir króna og í ár var styrkupphæðin 75 milljónir króna. Samtals nema þessir styrkir því 185 milljónum króna á þremur árum. Eitt þeirra íþróttafélaga á Akureyri sem hlaut styrk frá Samherja er KA.

Árlegt hóf ÍRA til heiðurs Íslandsmeisturum og landsliðsmönnum Akureyrar fór fram í Íþróttahöllinni fyrr í dag. Í ár átti KA Íslandsmeistara í m.fl. karla í blaki, 3. fl. kvenna í blaki, 3. fl. karla í handknattleik auk fjölmargra Íslandsmeistaratitla í júdó. Einnig átti KA 31 landsliðsmann og var af því tilefni veittur styrkur til þeirra frá Akureyrarbæ.

Það má búast við hörkuleik í kvöld þegar Akureyri mætir FH í úrslitaleik deildarbikarsins. Þetta er annað árið í röð sem Akureyri leikur til úrslita í keppninni en í fyrra tapaði liðið úrslitaleiknum gegn Haukum með marki á síðustu sekúndu leiksins. Það má því segja að Akureyrarliðið hafi hefnt grimmilega fyrir það með því að valta yfir Haukana í gær.

Það fylgir venjulega jólahaldinu að í bæinn koma brottfluttar handboltakempur og þá er upplagt að smala saman gömlum liðum og athuga hvort lifir enn í gömlum glæðum. Einn slíkur leikur fór fram á öðrum degi jóla þegar nokkrar kempur fæddar árið 1983 rifjuðu upp hvað Jóhannes Bjarnason kenndi þeim fyrir nokkrum árum.

Nokkir miðar eru enn til í Arsenalskóla sem fram fer á æfingasvæði KA næsta sumar. Þeir sem áhuga hafa á að tryggja barninu sínu dvöl í skólanum skal bent á að hafa samband við Pétur Ólafsson yfirþjálfara yngri flokka KA í síma 861 2884 eða í netfangið petur@port.is

Jólamót júdódeildar KA var haldið í gær.  Alls tóku 69 krakkar þátt og var þeim skipt eftir getu þannig að sem jafnast yrði í hverjum flokki.  Óhætt er að segja að framtíðin sé björt ef litið er á þau tilþrif sem sáust á mótinu.  Hægt er að skoða myndir frá mótinu hér

KEA hefur endurnýjað styrktarsamninga við Knattspyrnufélag Akureyrar og Íþróttafélagið  Þór. KEA mun áfram verða einn af aðalstyrktaraðilum félaganna en um er að ræða heildarsamninga sem taka til allra deilda félaganna og gilda til eins árs.

Í morgun var síðasta æfingin hjá yngri flokkum fyrir jólafrí og að því tilefni létu jólasveinar sjá sig í Boganum og spiluðu fótbolta með krökkunum sem skemmtu sér frábærlega. Sævar Geir Sigurjónsson ljósmyndari KA mætti á svæðið og tók nóg af myndum.

Heyrst hefur að hressir jólasveinar ætli að mæta á æfingu hjá yngri flokkunum í Boganum á morgun en þetta er síðasta æfingin fyrir jólafrí. Um síðustu jól mættu jólasveinar líka á æfinguna og tóku meira að segja þátt í æfingum og spili með krökkunum sem þótti nú ekki mikið til fótboltahæfileika þeirra gömlu koma.

Byrjendaflokkarnir 7. og 8. flokkur  karla og kvenna eru frá og með deginum í dag komin í jólafrí. Æfingar hefjast þegar skóli hefst á nýju ári, stelpurnar byrja miðvikudaginn 5. janúar og strákarnir föstudaginn 7. janúar. Aðrir flokkar æfa eftir sérstöku æfingaplani sinna þjálfara. Unglingaráð handknattleiksdeildar KA og þjálfarar óska iðkendum og fjölskyldum þeirra gleðilegra jóla.