Fréttir

Við útnefningu Íþróttamanns Akureyrar sl. miðvikudagskvöld voru fjórir einstaklingar heiðraðir fyrir störf þeirra að íþrótta- og æskulýðsmálum í bænum. Þetta eru Árni Jónsson, Golfklúbbi Akureyrar, Gunnar Viðar Eiríksson Sundfélaginu Óðni, Stefán Jónasson Skíðafélagi Akureyrar og Skjöldur Jónsson KA.

Kæru félagar Mig langar til að þakka þeim fjölmörgu sem sáu um glæsilega afmælisveislu KA, í KA-heimilinu sunnudaginn 16. janúar. Þakkir til þeirra sem sáu um dagskrána, tóku þátt í henni, til þeirra sem sáu um veitingarnar og þeirra sem sáu til þess að allt í sambandi við veitingar og veisluna gengi upp. Mig langar einnig að þakka þeim fjölmörgu gestum sem komu í afmælisveisluna. Það gladdi KA-hjartað mjög að sá þvílíkan fjölda KA-manna samankominn. Með KA kveðju Hrefna G. Torfadóttir formaður KA

KA 2 unnu góðan sigur gegn KF seinasta laugardag. Lokatölur urður 3-1 þar sem Ómar, Hallgrímur og Jóhann Örn skoruðu mörk okkar.

Bingó og kökuhlaðborð verður haldið í Brekkuskóla sunnudaginn 23. janúar n.k. kl. 14. Góðir vinningar og girnilegt hlaðborð að venju. Yngriflokkaráð knattspyrnudeildar

Eins og fram hefur komið var 83. ára afmæli KA fagnað á sunnudaginn var. Ræðumaður dagsins var Viðar Sigurjónsson starfsmaður ÍSÍ á Akureyri. Hér er hægt að lesa ræðuna hans.

Síðast liðna helgi fór fram leikur KA/Þórs í 4.flokki á móti Fjölnisstelpum sem var jafnan annar deildarleikur þessara liða í vetur, þegar þær mættust á heimavelli Fjölnis þá unnu okkar stelpur góðan og stóran sigur, en Fjölnisstelpurnar mættu norður með gott og flott lið sem tekur stöðugum framförum með hverjum leik.

Hér fer á eftir annáll sem Tryggvi Gunnarsson, varaformaður KA flutti á KA-deginum þann 16. janúar þar sem jafnframt var fagnað 83. afmæli félagsins.

Síðastliðinn föstudag, þann 14. janúar héldum við til Reykjavíkur. Við hittumst uppi í KA heimili, horfðum saman á landsleikinn og lögðum síðan af stað. Við keyrðum með tveimur strákaliðum þannig að það var vægast sagt mikið fjör á leiðinni. Það var síðan stoppað í Staðarskála til þess að borða og þar fengum við hollan og góðan mat, sem að stelpunum fannst þó misgóður. Ferðinni var síðan haldið áfram og við vorum komin á gististaðinn okkar, Ársel, rétt fyrir miðnætti. Þegar þangað var komið fóru stelpurnar að taka sig til fyrir svefninn, enda langur og erfiður dagur framundan.

Sama dag og haldið var upp á 83. ára afmæli KA með glæsibrag tók 3. flokkur kvenna í KA/Þór á móti ÍR stúlkum. 

Það var heldur betur fjölmennt í KA-heimilinu í dag á árlegum KA-degi, sem haldinn er sem næst afmælisdegi félagsins, en það fagnar nú 83ja ára afmæli. Talið er að 200 manns hafi komið í KA-heimilið í tilefni dagsins.