Fréttir

Vegna árshátíðar Giljaskóla falla æfingar niður hjá öllum hópum nema keppnishópum dagana þriðjudag, miðvikudag og fimmtudag (15.- 17.febrúar).Þetta á við um parkour einnig.

Á morgun sunnudag mætast stálinn stinn í boganum þegar okkar menn í KA etja kappi við erkifjendurnar í Þór í úrslitaleik Soccerademó. Leikurinn hefst stundvíslega klukkan 17:00, Og eru allir KA menn ungir sem aldnir og stórir sem smáir hvattir til að mæta og styðja okkar menn.

Nóg að gera hjá KA/Þór um helgina. Meistaraflokkur leikur þrjá leiki, fyrst gegn Fylki kl. 21:00 á föstudag í Fylkishöll.   Á laugardaginn klukkan 12:00 gegn Val í Vodafone höllinni og loks gegn HK í Fagralundi á sunnudaginn kl.12:30. 3. flokkur leikur tvo leiki: Gegn Fram í Framhúsi á laugardag kl. 13:30 og gegn Fylki í Fylkishöll á sunnudag kl. 11:00. Við treystum því að stelpurnar eigi öflugt stuðningsfólk á höfuðborgarsvæðinu!

Aðalfundur Knattspyrnudeildar KA verður haldinn í KA-heimilinu mánudaginn 21. febrúar kl. 20. Á dagskrá fundarins eru venjuleg aðalfundarstörf og önnur mál. KA-félagar eru hvattir til að mæta og taka virkan þátt í starfi knattspyrnudeildarinnar.

Það er búið að draga í fyrstu tvær umferðirnar í VISA-bikarnum. Við sitjum hjá í fyrstu umferðinni en mætum til leiks í annari umferð. Þar mætum við sigurliðinu úr leik Kormáks og Draupnis þann 8. maí.

Lára Einarsdóttir hefur verið valin í úrtaksleiki fyrir U17 næstkomandi helgi. Á laugardaginn spilar hún og stöllur hennar í U17 gegn Aftureldingu í Kórnum kl 15.00 og á sunnudaginn gegn U19 í Egilshöll kl 9.30.

KA tók á móti Magna í gærkveldi í Boganum, eins og við var að búast var skítakuldi. 

Núna rétt í þessu var að ljúka leik KA og Magna á Soccerademótinu, leikurinn var sá síðasti í riðlakeppnina og voru KA öruggir í úrslit fyrir leikinn þar sem Þór2 tapaði sínum leik. KA sigraði 4-1, mörkin skoruðu þeir Orri Gústafsson, Jóhann Örn Sigurjónsson (2) og Jón Heiðar Magnússon. Umjföllun má vænta í fyrramálið

KA/Þór lék gegn  Stjörnunni í 2. deild Íslandsmótsins í handknattleik kvenna á laugardag. Þetta var leikur tveggja efstu liðanna í deildinni og því búist við hörkuleik.   Liðin skiptust á að hafa forustuna fram í miðjan fyrri hálfleik en röð af mistökum KA/Þórs olli því að Stjarnan seig framúr og náði 7 marka forystu.  Þá tóku heimastúlkur leikhlé og tókst að laga leik sinn og minnka muninn í 2 mörk, 21-23 í hálfleik. 

Það var mikið hlegið, talað og skemmt sér þegar um 50 konur mættu á konukvöld í Ka heimilinu. Boðið var upp á fordrykk og gómsæta rétti frá hótel KEA og konfekt frá Nóa Síríus. Ragga og Ingi tóku á móti gestum með skemmtilegri tónlist. Stefán Guðnason, handboltaþjálfari og reynslubolti í samskiptum kynjanna, var ræðumaður kvöldsins og fór á kostum. Sýnd voru föt, hönnuð og saumuð af Lindu og Heddu, og vöktu þau mikla hrifningu. Veislustjóri kvöldsins var Eva Reykjalín. Auk þess að vera stórskemmtileg og heillandi dró hún allar konurnar fram á gólfið í smá danskennslu enda salsa drotting bæjarins. Ekki má gleyma Rúnari og Hlyn sem stóðu sig vel á barnum.