Fréttir

Meistaraflokkur og 3. flokkur fóru út að borða á Greifann á fimmtudagskvöldið eftir æfingu.  Þetta var gert til að ræða framtíðina og efla móralinn.  Nokkrar myndir fylgja frá þessum skemmtilega kvöldverði. Greifinn fær miklar þakkir fyrir góða þjónustu og samstarf.

Nú hefur verið ákveðið að hafa svo kallað KA - kaffi alla föstudagsmorgna þar sem KA menn geta komið upp í KA heimili og fengið sér kaffi og kleinur í boði félagsins. Hægt verður að koma frá kl 09:30 á morgnana og eitthvað frameftir. Er þetta góður kostur fyrir þá sem vilja koma og hitta aðra KA menn og ræða málin. Alla föstudagsmorgna kl 09:30!

Um helgina verður nóg að gera hjá KA mönnum ungum sem og eldri leikmönnum. kl 15:00 í dag verður flautað til leiks á Goðamóti þórs en mótið er fyrir 5.fl karla. KA sendir þar til leiks 4 lið sem etja kappi við mörg af sterkustu liðum landsins í þessum aldursflokki. Þjálfarar eru Dean Martin (m.fl þjálfari) og Egill Ármann Kristinsson

Stelpurnar í B liði 3. flokks KA/Þórs skelltu sér á Kick Box æfingu í vikunni og var vel tekið á því. Klukkutíminn var nýttur til hins ítrasta og stelpurnar mjög ánægðar með tímann og ljóst að þetta verður endurtekið í nánustu framtíð.

KA2 tekur á móti Víkingum klukkan 15.00 á sunnudag. Þessi lið hafa jafn mörg stig í deildinni og því mikilvægt fyrir KA2 að rífa sig upp og sigra sinn fyrsta leik á heimavelli.

Nú er komið að því að ganga frá æfingagjöldum vetrarins.    Töluvert margir byrjuðu að æfa í janúar þegar EM stóð sem hæðst, og er það vel, nú viljum við biðja foreldra þessara barna að ganga frá æfingagjöldum fram á vorið.  Gjaldið fyrir þá sem byrjuðu í janúar er sem hér segir.

Meistara- og 3. flokkur kvenna hefur WC-pappír til sölu til styrktar starfinu í vetur.  48 úrvalsrúllur í pakka kosta 6.000 kr. Hægt er að kaupa pappírinn með því að hafa samband við einhverja stelpuna í meistaraflokki eða 3.flokki eða eftirtalda stjórnarmenn:    Kristveig Atladóttir         s: 862-3318    Sigríður Ingvarsdóttir     s: 820-6745    Erlingur Kristjánsson      s: 690-1078 Kaupið besta pappírinn og styðjið starfið hjá okkur !

Klístursdolla meistaraflokks kvenna hvarf úr boltapokanum í andyri KA heimilis á mánudaginn.  Ef einhver hefur upplýsingar um dolluna er hann vinsamlega beðin að láta Stefán Guðnason ( stebbigje@simnet.is GSM: 868-2396) aðstoðarþjálfara meistaraflokks vita. Ef einhver hefur dolluna undir höndum má skila henni í afgreiðsluna í KA heimilinu.

Aðalfundur knattspyrnudeildar KA verður haldinn í kvöld, fimmtudagskvöldið 25. febrúar, kl 20:00 í KA - heimilinu. Allir félagsmenn eru hvattir til þess að mæta til að fyljast með starfi deildarinnar. Einnig er þetta ágætur vettvangur til að ræða mál sem brenna á mönnum en orðið verður gefið laust undir lok fundar.

Nú er að koma að Húsavíkurferð 7. flokks en Völsungur hefur boðið okkur og Þórsurum að koma og spila við þá æfingaleiki. Ekki eru allar upplýsingar komnar í hús en áætlunin er að fara með rútu um kl. 8:30, spila handbolta frá kl. 10:00 – 12:00, fara á pizzuhlaðborð, í sund og ís og svo heim. Ekkert þarf að borga fyrir rútuna þar sem unglingaráð KA sér um hana (Samherjastyrkur) en kostnaður við pizzu, sund og ís er 1.000 kr.