Fréttir

Nú er í þann mund að hefjast innanhúsmót í knattspyrnu í KA - Heimilinu. Knattspyrnudeild KA stendur fyrir mótinu en þetta er í fyrsta skipti sem slíkt mót er haldið á vegum deildarinnar. Keppt verður frá 17 og fram eftir kvöldi en alls eru 7 lið skráð til leiks.

Í dag veitti Íþrótta- og tómstundaráð Akureyrar þeim viðkenningu sem orðið höfðu Íslandsmeistarar árið 2009 í árlegu hófi. KA átti alls 9 Íslandsmeistara og voru þeir allir úr júdódeild.

Afreks og styrktarsjóður Íþrótta og tómstundarráðs Akureyrar veitti í dag KA veglegan styrk vegna þeirra félaga sem hafa tekið þátt í keppni landsliða fyrir Íslands hönd á vegum sérsambanda á árinu. Alls voru 25 einstaklingar úr KA sem valdir voru í landslið.

Sú hefð er að komast á að KA og Þór bjóði stjórnarmönnum og starfsfólki sínu í kaffi á milli jóla og nýárs. Þórsarar riðu á vaðið í fyrra og buðu starfsfólki og stjórnarmönnum til sín í kaffi en í ár ákváðu svo KA menn að gera slíkt hið sama. Er þetta gert til að treysta vinarböndin milli stjórnarmanna og starfsfólks þessara stóru félaga sem elda oft grátt silfur inn á leikvanginum eins og eðlilegt er, er það von manna að þetta sé hef sem komin er til að vera.

Sl. laugardag var síðasta æfing fyrir jólafrí hjá yngri flokkunum og að því tilefni mættu iðkendur með jólasveinahúfur og í skrautlegum búningum. Aðalmálið var þó að tveir jólasveinar gáfu sér tíma og kíktu á krakkana og tóku m.a. þátt í æfingunum.

23. desember, Þorláksmessa - Lokað 24. desember, Aðfangadagur - Lokað 25. desember, Jóladagur - Lokað 26. desember, Annar í Jólum - Lokað 27. desember, Sunnudagur - Opið frá kl 10 28, 29, 30. desember opið frá 09 til 21 31. desember, Gamlársdagur - Lokað 1. janúar - Lokað 2. janúar - Opið - æfingar samkvæmt töflu

Hér er smá hugmynd fyrir þá sem eiga eftir að finna síðustu jólagjafirnar..! Hvað er betra en að eiga flott KA-rúmföt? Þú sefur ekki bara vel í þeim heldur öðlast þú sanna KA anda en mætir menn segja að það komist næst því að öðlast heilagan anda! Rúmfötin kosta aðeins 1.500 kr og fást í KA heimilinu. Nú eru síðustu forvöð að tryggja sér eintak! Ef einhverjir lesa þetta eftir að KA-heimilið lokar er hægt að hafa samband við framkvæmdarstjóra í 899-3482. (Einnig er sniðugt að gefa KA konunni ofnhanska og pottaleppa, nú eða fyrir konurnar að gefa körlunum slíkar græjur... þá kannski gera þeir eitthvað í eldhúsinu!) Einnig er hægt að sjá fleiri sniðugar KA vörur hér.

Nú hafa allar deildir sent inn tilnefningar sínar til íþróttmanns KA 2009. Íþróttmaður KA verður kjörinn þann 10. janúar 2010 kl 14:00.  Hægt er að sjá tilnefningarnar í "lesa meira".

Nú hafa allar deildir sent inn tilnefningar sínar til íþróttmanns KA 2009. Íþróttmaður KA verður kjörinn þann 10. janúar 2010 kl 14:00.  Hægt er að sjá tilnefningarnar í "lesa meira".