Fréttir

Blaklið KA voru í eldlínunni í dag og unnu bæði mjög sterka sigra. Strákarnir fengu Stjörnuna í heimsókn og unnu 3-1 í mjög jöfnum og spennandi leik. Strax á eftir spiluðu stelpurnar við Þrótt frá Neskaupsstað og eftir frábæran leik urðu þær ofan á í 3-2 sigri. Liðin eru nú bæði á toppnum og virðist ekkert lát á sigurgöngu kvennaliðsins. Stelpurnar eru enn ósigraðar og ljóst er að spennandi vetur er að fara í hönd hjá KA.

Haukarnir reyndust of stór biti fyrir KA/Þór í dag þegar liðin mættust í N1 deild kvenna. Leiknum lauk með tíu marka sigri Hauka 24-34 eftir að hafa leitt 11-17 eftir fyrri hálfleik. Hér á eftir fer umfjöllun Þrastar Ernis Viðarssonar úr Vikudegi.is

Í kvöld var dregið í 16-liða úrslitum Eimskipsbikarkeppninnar en sautján lið voru skráð í keppnina. KA/Þór fékk dróst á móti Víkingi og þar sem KA/Þór var dregið á undan fá þær heimaleikinn.

Á laugardaginn klukkan 16:00 fær meistaraflokkur KA/Þór heimsókn úr Hafnarfirði þegar stórlið Hauka kemur í heimsókn í KA heimilið. Nú er brýnna en nokkru sinni að heimastelpurnar fái dyggan stuðning frá áhorfendum enda við harðskeytta andstæðinga að etja. KA/Þór stelpurnar ætla örugglega að bæta fyrir vonbrigðin í síðasta leik og mæta af fullum krafti í leikinn.

A-stigs dómaranámskeið í handknattleik verður haldið í KA-heimilinu föstudaginn 30. október kl. 19:30 til 22:00. Leiðbeinandi verður Brynjar Einarsson frá HDSÍ. A-stigs dómari hefur rétt til að dæma leiki frá 8. flokki til og með 5. flokki og er undanfari B-stigs dómara.

Gerð hefur verið breyting á æfingatíma hjá 5. flokki karla þannig að æfing sem var á þriðjudögum klukkan 17:00 í Íþróttahöllinni dettur út en í staðinn kemur æfing klukkan 16:00 á miðvikudögum, sem er líka í Íþróttahöllinni.

Næstu helgi stendur mikið til hjá 6. flokki drengja. Stefnt er að því að gista aðfararnótt laugardagsins 31. október í KA heimilinu. Drengirnir eiga að mæta kl. 21 á föstudagskvöldið í KA heimilið og æft verður fram eftir kvöldi.

Síðstliðinn sunnudagsmorgun mættust KA/Þór og Fylkir í 1. deild 3. flokks kvenna. Fyrir hafði KA/Þór tapað illa gegn FH á útivelli þar sem nokkra lykilmenn vantaði ásamt því að liðið lék langt undir getu. Voru stelpurnar því staðráðnar í því að koma sér á beinu brautina gegn Fylki.

Á laugardaginn tóku stelpurnar í KA/Þór á móti Fylki í N1-deild kvenna. Þórir Tryggvason var á staðnum vopnaður myndavélinni og sendi okkur myndir frá leiknum. Auk þeirra fer hér á eftir umfjöllun blaðamanns Vikudags um leikinn.

KA strákarnir mættu HK í dag í afar skrautlegum leik. Virtust gestirnir algjörlega máttlausir í upphafi leiks og KA komst í 2-0 án nokkurrar fyrirhafnar. HK gerði sér svo lítið fyrir og vann næstu þrjár hrinur og þar með leikinn 2-3. Í þeim hrinum virtust KA-menn hreinlega ekki hafa nokkra trú á að HK gæti gert þeim skráveifu. Kæruleysi greip um sig og liðið spilaði bara á hálfum snúning og því fór sem fór.