Fréttir

Um helgina fór fram í Danmörku alþjóðlegt júdómót fyrir yngri en 20 ára.  KA átti 3 keppendur á þessu móti, þau Bergþór Stein Jónsson, Adam Brands Þórarinsson og Helgu Hansdóttur.  Árangur þeirra var frábær.  Bergþór sigraði í -66kg flokki og hlaut brons í opnum flokki.  Adam sigraði í -81kg flokki og hlaut brons í opnum flokki. Helga sigraði í opnum flokki og hlaut brons í -57kg flokki.

Meistaraflokkur og 2. flokkur Þórs/KA hefur nýverið hafið æfingar og eru margar stelpur frá KA að æfa með 2. flokki. Þrjár þeirra fengu að spreyta sig í leik með meistaraflokki í kvöld. Lára Einarsdóttir sem aðeins er 14 ára spilaði allan leikinn. Karen Birna Þorvaldsdóttir (16 ára) spilaði stærsta hluta hans en Ágústa Kristinsdóttir (15 ára) spilaði síðustu 20 mínúturnar. Var spilað gegn strákum úr 4. flokki Þórs og stóðu stelpurnar allar fyrir sínu. Þess má geta að leikurinn fór 1-1 og Alda Karen Ólafsdóttir skoraði mark Þórs/KA.

Það var barist á öllum vígstöðvum um helgina og þrátt fyrir að Íslandsmót 6. flokks færi fram í öllum keppnishúsum bæjarins tókst að finna tíma fyrir leiki 4. flokks karla og kvenna á laugardaginn. Þórir Tryggvason er búinn að senda okkur myndir frá leikjunum og er hægt að skoða þær hér.

KA liðin átti misjöfnu gengi að fagna í Bridgestone bikarnum nú um helgina. Kvennaliðið vann alla sína leiki og komst þar með í undanúrslit keppninnar. Karlaliðið vann einn leik en tapaði illa fyrir Stjörnunni og HK og þarf því að spila seinna um þau tvö sæti sem enn eru laus.

Bæði karla- og kvennalið KA taka þátt í Bridgestone Bikarnum sem fer fram í dag og á morgun í Fylkishölli í Reykjavík.  Fylgjast má með framvindu mótsins á http://www.blak.is/  Einnig sendir Skautafélag Akureyrar lið í kvennaflokki til þátttöku á mótinu.

Um helgina stendur mikið til hjá 6. flokki karla og kvenna þegar leikin verður heil umferð á Íslandsmótinu. Það eru KA og Þór sem annast þessa umferð og verður leikið á fimm völlum í KA heimilinu, Íþróttahúsi Síðuskóla og Íþróttahöllinni. Sérstök síða hefur verið sett upp með upplýsingum um mótið. Smellið hér til að skoða allar upplýsingar um mót 6. flokks.

Sala á gjafabréfum í knattspyrnuskólann byrjar 1. desember í KA-heimilinu. Nánari upplýsingar með því að smella á 'Lesa meira' og einnig á vefsíðu skólans, http://ka.fun.is/arsenal

Meistaraflokkur KA/Þór á svo sannarlega erfiða helgi fyrir höndum. Tveir útileikir gegn tveim af toppliðum N1-deildarinnar. Á laugardaginn spila stelpurnar gegn Fram og er sá leikur í Fram húsinu og hefst klukkan 15:00.

Leik KA1 gegn ÍR sem var fyrirhugaður á föstudag kl: 21.00 hefur verið frestað um óákveðinn tíma. HSÍ sendi út eftirfarandi skilaboð: Mótanefnd HSÍ hefur ákveðið, að beiðni ÍR, að leikjum ÍR í meistaraflokki til og með 4. flokki sem fram eiga að fara frá og með deginum í dag og fram yfir helgi verður frestað um óákveðinn tíma vegna þess sorglega atburðar sem átti sér stað í gær hjá ÍR. Við KAmenn sendum ÍR-ingum samúðarkveðjur okkar. 

Stelpurnar í 3. flokk kvenna spiluðu gegn HK stelpum í Fagralundi nú um liðna helgi. Leikurinn var strax á eftir meistaraflokksleiknum og bar hann öll merki þess að í báðum liðum höfðu leikmenn verið að spila leik rétt áður eða í það minnsta búnar að bíða lengi í íþróttahúsinu eftir leiknum. Bæði lið spiluðu frekar undir getu ef eitthvað var en voru þó á svipuðum stað í leiknum.