Fréttir

Það var mikið fjör og gaman á jólaæfingu 7. og 8. flokks á laugardaginn, farið var í margskonar leiki og ekki minnkaði stemmingin þegar tveir jólasveinar mættu á svæðið. Jólasveinarnir komu ekki bara klyfjaðir af gjöfum heldur reyndust þeir liðtækir handboltamenn og sýndu meðal annars einstaka hæfileika sem markmenn, sérstaklega þegar þeir stóðu báðir í markinu og með aðstoðarmann með sér.

KA ætlar að skemmta fólki yfir hátíðarnar með því að halda innanhússmót í fótbolta í KA-heimilinu miðvikudaginn 30. desember. Er mótið hugsað sem blanda af skemmtun og nauðsynlegri áreynslu, svipað og hið velheppnaða árgangamót sem haldið var í fyrrahaust. Tilkynna skal þátttöku á netfangið gassi@ka-sport.is fyrir 20. desember.

Stelpurnar í meistaraflokki kvenna fóru suður um helgina til að spila tvo leiki. Lagt var af stað snemma á laugardagsmorgni, þó öllu seinna heldur en áætlað var þar sem einn leikmaður var stöðvaður af lögreglunni á leið sinni í rútuna. Leikurinn gegn Fylki spilaðist nokkuð vel. Jafnt var í hálfleik og getumunur liðanna lítill og í raun hefðu KA/Þór stelpur átt að vera yfir í hálfleik. Seinni hálfleikur byrjaði ágætlega en það var eins og það vantaði ákveðna trú í stelpurnar til að setja í fluggírinn og klára þungt og pirrað Fylkisliðið. Stelpurnar fengu fjöldamörg tækifæri til þess að klára leikinn en heppnin virtist ekki vera með þeim þennan daginn og svo fór að Fylkisstelpur lönduðu tveggja marka sigri.

Síðastliðið föstudagskvöld veitti Samherji KA höfðinglegan styrk til barna- og unglingastarfs. Styrkinn á að nota til að greiða niður keppnisferðir og æfingagjöld ungra iðkenda. Styrkur þeirra síðastliðið ár studdi ómetanlega við bakið á ungum iðkendum og þessi styrkur mun gera það ekki síður. Velvild Samherja og höfðingsskapur stuðlar að því að fleiri geta stundað íþróttir og mun færri verða að hætta vegna fjárskorts. KA sendir kveðjur og þakklæti til Samherja.

Síðastliðið föstudagskvöld veitti Samherji KA höfðinglegan styrk til barna- og unglingastarfs. Styrkinn á að nota til að greiða niður keppnisferðir og æfingagjöld ungra iðkenda. Styrkur þeirra síðastliðið ár studdi ómetanlega við bakið á ungum iðkendum og þessi styrkur mun gera það ekki síður. Velvild Samherja og höfðingsskapur stuðlar að því að fleiri geta stundað íþróttir og mun færri verða að hætta vegna fjárskorts. KA sendir kveðjur og þakklæti til Samherja.

KSÍ hefur gefið út riðlaskiptinguna fyrir hinn árlega deildarbikar sem fer fram eftir áramót og er einn helsti liðurinn í undirbúningi liðanna fyrir Íslandsmótið. KA er í A-deild og riðli 2.

Fyrir leikinn voru lið KA og HK voru efst og jöfn í MIKASA deild karla - bæði með 8 stig eftir 5 leiki.  Leikurinn var því sálfræðilega mikilvægur ekki síst fyrir KA menn sem töpuðu fyrir HK fyrir nokkrum vikum á heimavelli. Leikurinn var spennandi sérstaklega í lok fjórðu hrinu þar sem HK hafði yfirhöndina 23-21.

Kvennalið KA tapaði fyrir sterku liði HK í dag 3-0 (25-17)(25-10)(25-15). Hið unga KA lið mætti þarna ofjörlum sínum. Meira um leikinn síðar. Strákarnir aftur á móti hefndu ófaranna gegn HK í síðasta leik gegn þeim og unnu nokkuð öruggan 3-1 sigur.

Það var hörkuleikur í Fylkishöllinn í dag þegar KA/Þór stúlkur komu í heimsókn. Jafnt var í hálfleik 11-11 en svo fór að lokum að Fylkir fór með tveggja marka sigur 25:23. Arna Valgerður Erlingsdóttir var markahæst hjá KA/Þór, skoraði átta mörk og Martha Hermannsdóttir 7 mörk. 

SportTV hefur hafið beinar útsendingar á netinu af leikjum í blakinu á http://www.sporttv.is/.  Leikur KA og Fylkis kvenna var sýndur í gær og væntanlega kemur upptaka af leiknum inn á vefinn fljótlega.  Leikur KA og HK karla verður sýndur í dag laugardag kl. 16:00. Þetta er sérstaklega ánægjulegt fyrir íslenska blakáhugamenn enda hafa sjónvarpsstöðvar lítið sinnt íþróttinni síðustu ár.  Þessari nýbreyttni hefur verið afar vel tekið af blakáhugamönnum. Hér má finna upptöku af leik KA og HK frá 12. desember. http://www.sporttv.is/category.aspx?catID=247