Fréttir

Miklar framkvæmdir standa yfir nú í KA heimilinu en endurnýjun á potta aðstöðu og gufubaði stendur yfir. Fyrirhugað er að steypa stóran og góðan heitapott og ísbað, setja upp nýtt gufubað og endurnýja búninga astöðu og sturtur. VefTV KA sem legið hefur í dvala undanfarið en er komið aftur á kreik skellti sér upp í KA og fylgdist með framkvæmdum. Smelltu á "lesa meira" til að sjá innslagið.

Það verður EM stemming í KA heimilinu á þriðjudag en aðalstjórn og unglingaráð handboltans hafa tekið höndum saman og ákveðið að sýna beint frá leikjum Íslands á EM eins og kemur fram í tilkynningu frá aðalstjórn.

S.l. miðvikudag voru þeir Óli Klöru og Svanni, miklir KA - karlar, heiðraðir á hátíðarathöfn tengdri kjöri á Íþróttamanni Akureyrar. Við þetta tækifæri tók Gunnar Níelsson saman stuttan pistil um þá félaga sem hafa gert ófáa greiða fyrir félagið í gegnum tíðina.

Meistaraflokkur KA lagði 2. flokk Þórs á Soccerademótinu á föstudagskvöld. Haukur Hinriksson skoraði fyrsta mark leiksins, Hallgrímur Steingrímsson skoraði annað markið og svo kláraði Arnór Egill Hallson leikinn og skoraði tvö síðustu. Á laugardag öttu strákarnir í 2. flokk kappi við Draupni. Þar lutu við í lægri hlut með 1 marki gegn 2 mörkum Draupnismanna. Soccerade mótið heldur áfram næstu helgi, frekari upplýsingar er að finna hér.

KA2 spilar á móti HK á laugardag klukkan 15:30 en fljótlega á eftir eða klukkan 17:30 spilar KA1 á móti Stjörnunni í miklum toppbaráttu leik. Strákarnir hafa verið að sýna fína leiki og hvetjum við því alla til að koma og hvetja strákana.

Stelpurnar í 4. flokki kvenna fóru suður og spiluðu þrjá leiki um síðustu helgi. 
Mótið hefur spilast heldur illa fyrir stelpurnar en fyrir helgina höfðu þær spilað fimm leiki, þrjú töp og tveir sigrar. Það hefur einkennt stelpurnar að tapa heldur stórt þar sem þær hafa átt í erfiðleikum með að halda haus þegar á móti blæs.

Góður KA maður, Gunnar Jakobsson, fæddur 23.08.1934 lést sl. föstudag 8. janúar, á afmælisdegi KA. Gunnar lék knattspyrnu með öllum flokkum KA og varð bæði Akureyrar- og Norðurlandsmeistari. Hann var einnig mjög góður í 800 og 1500 metra hlaupi. Hann var alla tíð mjög mikill KA maður og studdi KA í öllum greinum félagsins enda af mikilli KA ætt, sonur Matthildar Stefánsdóttur og Jakobs Gíslasonar og bróðir Jakobs (þess sem Jakobssjóður var stofnaður til minningar um) , Hauks og Jóhanns en þeir spiluðu allir til fjölda ára með KA. KA sendir fjölskyldu og ættingjum Gunnars samúðarkveðjur. Útför Gunnars verður gerð frá Garðakirkju föstudaginn 15. janúar kl 13:00.

Strákarnir í 4. flokki stóðu í ströngu á laugardaginn og léku alls fjóra leiki, en KA er með þrjú lið í Íslandsmóti 4. flokks. A liðið spilaði við FH í Höllinni en FH liðið er efst í 1. deildinni. KA strákarnir lentu undir í fyrri hálfleik en FH leiddi með fimm mörkum í hálfleik, 12-17. KA strákarnir bitu frá sér í seinni hálfleik en svo fór að lokum að FH sigraði með eins marks mun, 27-28. KA liðið situr í 5. sæti fyrstu deildar eftir leikinn.

Aðalstjórn KA undir stjórn Erlings Kristjánssonar setti saman annál ársins 2009. Tryggvi Gunnars flutti hann á KA deginum í dag. Hér getur þú lesið hann.

Í dag var 82. ára afmæli KA fagnað á hinum svokallaða KA degi, en hefð er að skapast fyrir að halda hann helgina í kringum afmælisdag KA 8. janúar. Um og yfir 100 manns lögðu leið sína í KA - heimilið, hlustuðu á ræður og gæddu sér á glæsilegum veitingum. Auk þess að lýsa kjöri á íþróttamanni KA, Piotr Slawomir, var farið yfir árið 2009 hjá KA af Tryggva Gunnarssyni, fallinna félaga minnst af Hrefnu Torfadóttur og síðan sló ræðumaður dagsins Sr. Svavar Alfreð sóknarprestur í Akureyrarkirkju í gegn sem ræðumaður dagsins.