Fréttir

Í gær fóru strákarnir í 2.flokki norður fyrir Glerá, og kepptu við Þórsara á Þórsvellinum, Fyrir leikinn voru KA strákar í 8.sæti, 1 stigi frá Keflavík í fallsæti, En Keflavík átti aðeins 1 leik eftir en KA 2. Á meðan voru Þórsarar í 3.sæti 1.stigi á eftir FH og hefðu með sigri getað tryggt sér 2.sætið.

Núna rétt í þessum var Gunnar Guðmundsson landsliðsþjálfari U-17, að tilkynna 18 manna hóp sinn, einn KA maður er í hópnum,Ómar Friðriksson leikmaður með 2.og 3. flokki, en þetta er í fyrsta sinn sem hann er valinn í U-17. Liðið ferðast til Wales í lok þessa mánaðar til að taka þátt í undankeppni EM, spilað verður við Rússland og Bosníu ásamt heimamönnum í Wales

Strákarnir í 2. flokk leika mikilvægan leik við Þórsara í dag á Þórsvellinum kl 17:15. Strákarnir sitja á 8 sæti með 17 stig og þurfa nauðsynlega á sigri að halda í dag. Við hvetjum því alla KA - menn til að mæta á völlinn til að styðja þá til sigurs á Þórsurunum. Þess má geta í framhaldi að síðasti heimaleikur þeirra verður á fimmtudaginn n.k. kl 17:15 á KA vellinum. Þór - KA í 2. flokki - Þórsvelli kl 17:15 í dag! Allir að mæta!

Úrslit á Kjarnafæðismótinu í handknattleik meistaraflokks kvenna réðust í dag og má hér á eftir sjá úrslit úr öllum leikjum svo og röð liðanna.

Það voru hátt í 20 áhorfendur mættir á Kópavogsvöll þegar flautað var til leiks HK og KA á lokadegi Íslandsmótsins klukkan 14:00. Fyrir leik voru HK-ingar búnir að missa af möguleikanum að komast upp um deild og hafði því að litlu að keppa öðru en að halda þriðja sætinu í deildinni líkt og KA sem gat hæst komist í 4.sæti

Núna rétt í þessu var leik KA og HK að ljúka, og lokatölur urðu 3-2 þar sem ungverjinn David Disztl gerði sér lítið fyrir og skoraði þrennu, en þetta var önnur þrennan hans í sumar. Sigurinn þýðir það að KA endar deildina í 5.sæti, með 35 stig, einu stigi á eftir Fjarðabyggð og 4 á undan Þór, og þá er David Disztl 3.markahæsti leikmaður sumarsins Smellið á "lesa meira" til að sjá úrslit annarra leikja.

Hér koma nokkrar myndir frá Þóri Tryggvasyni frá Kjarnafæðismótinu sem nú fer fram í KA heimilinu.  Þetta eru myndir af „þeim eldri“ í liðinu sem nú hafa dregið fram skóna að nýju og spila með liði KA/Þórs í vetur. 

16. september sl. voru nákvæmlega 20 ár síðan KA-menn urðu Íslandsmeistarar undir stjórn Guðjóns Þórðarsonar. Núna ætlum við að sýna myndband sem gert var á dögunum af því tilefni. Smellið á "Lesa meira" til að sjá myndbandið sem er tólf mínútur að lengd og inniheldur m.a. 20 ára gamalt viðtal við Guðjón Þórðarson og Þorvald Örlygsson ásamt lýsingu Bjarna Fel.

Síðasti leikur tímabilsins verður leikinn á Laugardaginn, Þegar okkar menn ferðast suður fyrir heiðar og heimsækja Kópavogsvöll, eða nánar tiltekið HK. Leikurinn hefst kl 14:00 og eru allir KA menn fyrir sunnan jafnt sem fyrir norðan hvattir til að skella sér á leikinn og hvetja strákanna í síðasta sinn þetta tímabilið.

Kjarnafæðismótið í meistaraflokki kvenna í handknattleik hefur verið endurvakið. Mótið fer fram föstudaginn 18. sept. og laugardag 19. sept. í KA heimilinu á Akureyri. Það er KA /Þór sem stendur fyrir þessu móti og þar mæta einnig HK, Fram, Stjarnan og Fylkir. Leiktími er 2x30 mínútur.  Athugið að gerð hefur verið smávægileg breyting á leikjaplani laugardagsins en það er nú eins og sýnt er hér að neðan.