Fréttir

Þá er komið að fyrsta leik strákanna í 3. flokki eftir jólafrí og er hann ekki af verri endanum. Selfyssingar koma í heimsókn en þeir eru í toppsæti deildarinar sem stendur. Því ætlum við að breyta og viljum hvetja alla sem gaman hafa að horfa á skemmtilegan handbolta að mæta í KA heimilið á laugardaginn 10. jan kl: 17.00.

Markvörðurinn Sandor Matus og miðjumaðurinn Arnar Már Guðjónsson hafa báðir verið tilnefndir sem íþróttamenn KA fyrir árið 2008.

Guðmundur Óli Steingrímsson sem lék með KA-liðinu fyrri hluta seinasta sumars hefur gengið aftur í raðir KA ásamt tveimur yngri bræðrum sínum, þeim Hallgrími og Sveinbirni.

6. flokkur drengja fer í keppnisferð til Reykjavíkur helgina 23.-25. janúar næstkomandi. Nánari upplýsingar um ferðina birtast hér á heimasíðunni á næstu dögum. Foreldrar þeirra drengja sem ekki komast með í ferðina er beðnir um að tilkynna það til þjálfara sem fyrst. Foreldrar sem hafa áhuga á að koma með sem  fararstsjórar eru beðnir um að hringja í Jóhannes Bjarnason í síma 662-3200. Þess má geta að mánudaginn 19. janúar verður æfingamót við Þór í KA heimilinu 15:30-17:00.

Í ár eru alls sjö afreksmenn frá öllum deildum félaglagsins tilnefndir. Við skulum kynnast þessu fólki aðeins nánar. Hver eru þau og hvað hefur það gert til að verðskulda tilnefninguna?

Það var stór hópur stúlkna sem mætti upp í KA heimili þriðjudaginn 30. desember til þess að spila handbolta. Hugmyndin kom frá fyrrum þjálfara meistaraflokks kvenna, Hlyni Jóhannessyni, að meistaraflokkur kvenna léki gegn gömlum KA/Þór kempum sem eitt sinn léku undir hans stjórn. Það skal þó tekið fram að þessar "gömlu" kempur verða seint taldar gamlar í árum en þó töluvert eldri en núverandi meistaraflokkur.

Kjöri á íþróttamanni KA verður lýst sunnudaginn 11. janúar n.k. Það er hefð að lýsa kjörinu á afmæli félagsins eða í kringum það en félagið verður 81. árs þann 8. janúar. Aðalstjórn hefur nú tilkynnt hverjir eru tilnefndir sem íþróttamenn KA 2008:

Mánudaginn 5. janúar hefjast skipulagðar æfingar að nýju hjá meistaraflokki, í KA-heimilinu kl. 17:00. Desember var með öðru sniði en aðrir mánuðir þar sem strákarnir fengu að æfa sjálfir eftir gefinni áætlun.

29. desember fór fram jólamót júdódeildar KA í elsta aldursflokknum.  Keppendur voru á aldrinum 15-45 ára.  Keppt var í tveimur flokkum karla, undir og yfir 80 kg, og einum flokki kvenna.  Um hörkumót var að ræða og er óhætt að segja að elstu þátttakendur hafi þurft að innbyrða slatta af verkjastillandi og bólgueyðandi lyfjum dagana eftir mótið.  Gömul júdókempa, Bjarni Steindórsson, tók myndir á mótinu og er hægt að skoða þær  hér. Annars gekk mótið fyrir sig með eftirfarandi hætti:

Árleg uppskeruhátíð Íþróttaráðs Akureyrar verður Íþróttahöllinni í dag kl. 16.00. Þangað eru boðaðir allir þeir íþróttamenn sem hafa orðið Íslandsmeistarar í sinni íþróttagrein á árinu 2008, svo og þeir íþróttamenn sem hafa verið valdir í landslið. Einnig eru sjórnarmenn velkomnir á þessa miklu hátíð. Formenn deilda KA eru beðnir að sjá til þess að láta sitt fólk vita og fjölmenna í dag kl. 16.00